ନୂଆଦିଲ୍ଲୀ,୨/୨ :  ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଆଜି ବି ଇଡିରେ ହାଜର ହେବେନି । ଏହା ପଞ୍ଚମ ଥର ଯାହା କି କେଜ୍ରିଓ୍ବାଲ ଇଡିର ସମନକୁ ଅଣଦେଖା କରିଛନ୍ତି । ଆମ ଆଦମୀ ପାର୍ଟି ଏହି ସମ୍ବନ୍ଧରେ ଏକ ବୟାନ ଜାରୀ କରିବାକୁ ଯାଇ କହିଛି କି ଇଡିର ସମନ ବେଆଇନ । 

ଆମ ଆଦମୀ ପାର୍ଟି ଇଡିର ସମନକୁ ନେଇ କେନ୍ଦ୍ର ସରକାର ଉପରେ ଆକ୍ରମଣ କରିବାକୁ ଯାଇ କହିଛନ୍ତି କି, ମୋଦୀଙ୍କ ଉଦ୍ଦେଶ୍ୟ କେଜ୍ରିଓ୍ବାଲଙ୍କୁ ଗିରଫ କରିବା, ଏଭଳି କରି ସେ ଦିଲ୍ଲୀ ସରକାର ଭାଙ୍ଗିବାକୁ ଚାହୁଁଛନ୍ତି। ମୁଁ ଏହା କେବେ କି କରିବାକୁ ଦେବି ନାହିଁ ।’ ଅରବିନ୍ଦ କେଜ୍ରିଓ୍ବାଲ ବି ଏକ୍ସରେ ଏହି ଅଭିଯୋଗକୁ ଦୋହରାଇ କହିଛନ୍ତି କି, ପ୍ରଥମେ ଚଣ୍ଡିଗଡ଼ ମେୟର ନିର୍ବାଚନରେ ଭୋଟ ଚୋରି କରିଥିଲେ । ଏବେ ଏହା ବିରୁଦ୍ଧରେ ଶାନ୍ତିପୂର୍ଣ୍ଣ ପ୍ରଦର୍ଶନ କରିବାକୁ ଆସିଥିବା ଜନତାଙ୍କୁ ବାଟରେ ଅଟକା ଯାଉଛି ।

ଏହା ପୂର୍ବରୁ ଇଡି ୧୭ଜାନୁଆରୀ, ୩ଜାନୁଆରୀ, ୨୧ଡିସେମ୍ବର ଏବଂ ୨ନଭେମ୍ବରରେ ଦିଲ୍ଲୀ ସିଏମଙ୍କୁ ସମନ ପଠାଇଥିଲା, କିନ୍ତୁ ସେ ହାଜର ହୋଇନଥିଲେ । ଇଡିର ବାରମ୍ବାର ସମନ ଜାରି କରିବା ପରେ ଆମ ଆଦମୀ ପାର୍ଟି ଦାବି କରିଥିଲା କି ଏହି ସବୁ ପ୍ରକ୍ରିୟା ଅରବିନ୍ଦ କେଜ୍ରିଓ୍ବାଲଙ୍କୁ ଗିରଫ କରିବା ଲାଗି କରାଯାଉଛି । ଇଡି ତାଙ୍କୁ ପଚରାଉଚରା ବାହାନାରେ ଡକାଇ ଗିରଫ କରିବାକୁ ଚାହୁଁଛି । ଆପ୍ କହିବା କଥା କି ଯଦି ଇଡି ପଚରାଉଚରା କରିବ ତେବେ ସ ନିଜ ପ୍ରଶ୍ନ ଲେଖି କେଜ୍ରିଓ୍ବାଲଙ୍କୁ ଦେଇପାରିବ ।