ନୂଆଦିଲ୍ଲୀ,୩୦/୦୫: ଚଳିତ ଲୋକସଭା ନିର୍ବାଚନରେ ବିଜେପି ମାରିବ ବାଜିମାତ୍ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତୃତୀୟ ଥର ପାଇଁ ପୁଣି ଦେଶର ପ୍ରଧାନମନ୍ତ୍ରୀ ଆସନ ଅଳଙ୍କୃତ କରିବେ । ଦୁଇଜଣ ଜ୍ୟୋତିଷ ଏଭଳି ଭବିଷ୍ୟବାଣୀ କରିଛନ୍ତି ।
କେରଳର ପୟାନୁର ନିବାସୀ ଜ୍ୟୋତିଷ ଚିତ୍ରଭାନୁ କେ ପୋଡୁୱଲ ବୁଧବାର କହିଛନ୍ତି, ମତଦାନର ତାରିଖ ଓ ଫଳାଫଳ ପ୍ରକାଶ ପାଇବାକୁ ଥିବା ତାରିଖ ଉଭୟ ବିଜେପି ଓ ଏନ୍ଡିଏ ପାଇଁ ଅନୁକୂଳ । ମତଦାନ ତିଥି ଓ ପରିଣାମ ଦିନ ମୋଦିଙ୍କୁ ଭାରୀ ବହୁମତ ଦେବାରେ ସହାୟକ ହେବ । ବିଜେପି ନିଜ ଦମ୍ରେ ୩୪୬ରୁ ୩୫୬ ଆସନ ଛୁଇଁପାରେ । କଂଗ୍ରେସକୁ ମାତ୍ର ୨୯ରୁ ୩୬ ଆସନ ମିଳିବା ସମ୍ଭାବନା ରହିଛି ।
ସେହିଭଳି ମୁମ୍ବାଇର ଜ୍ୟୋତିଷ ସନ୍ଦୀପ କୋଚର କହିଛନ୍ତି, ତିଥି କୌଣସି ମାନେ ରଖେ ନାହିଁ । କାରଣ ପୂର୍ବରୁ ଭାଗ୍ୟ ସ୍ଥିର ହୋଇ ସାରିଥାଏ । ଜ୍ୟୋତିଷଶାସ୍ତ୍ରରେ ୨୪ ବର୍ଷ ଅଭିଜ୍ଞତା ରଖିଥିବା କୋଚରଙ୍କ ମୁତାବକ, ମଙ୍ଗଳ ଓ ବୃହସ୍ପତି ମୋଦିଙ୍କ ଭାଗ୍ୟର ମାର୍ଗଦର୍ଶନ କରୁଛି । ତାଙ୍କ କୁଣ୍ଡଳୀରେ ମଙ୍ଗଳ-ବୃହସ୍ପତିର ଚଳନ ତାଙ୍କୁ ଅପାର ସଫଳତା ପ୍ରାପ୍ତ କରିବାରେ ସହାୟକ ହେଉଛି । ବର୍ତ୍ତମାନ ସମୟରେ ସେ ଯାହା ବି କରିବେ, ସେଥିରେ ତାଙ୍କୁ ସଫଳତା ମିଳିବା ନିଶ୍ଚିତ ।
