ପ୍ରମୂଖ ଖବର
  • ସାରା ରାଜ୍ୟରେ ଲାଗୁ ହେବ ସୁଭଦ୍ରା ଯୋଜନା, ୧୦୦ ଦିନ ଭିତରେ ହେବ କାର୍ଯ୍ୟକାରୀ
  • ||
  • ଜନ୍ମମାଟିରେ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ମା' ତାରିଣୀ ପୀଠ ପାଇଁ ୫୦ କୋଟିର ଅନୁଦାନ
  • ||
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ବାଂଲାଦେଶୀ ସାଂସଦଙ୍କ ହତ୍ୟା ମାମଲା: ଶରୀରର ଖଣ୍ଡବିଖଣ୍ଡିତ ଅଂଶକୁ ଖୋଜୁଛି ପୁଲିସ

କୋଲକାତା,୨୬/୦୫: ଭାରତରେ ବାଂଲାଦେଶୀ ସାଂସଦ ମହମ୍ମଦ ଅନୱାରୁଲ ଅଜିମ ଅନାର(୫୬)ଙ୍କ ହତ୍ୟାକୁ  ନେଇ ତଦନ୍ତ ଏବେ ବି ଜାରି ରହିଛି । ଏବେ ତାଙ୍କ ଶରୀରର ଖଣ୍ଡବିଖଣ୍ଡିତ ଅଂଶକୁ ଖୋଜା ହେଉଛି । ଏହି କ୍ରମରେ ଶନିବାର ଦକ୍ଷିଣ  ୨୪ ପ୍ରଗଣାରେ ବିପର୍ଯ୍ୟୟ ପରିଚାଳନା ଗୋଷ୍ଠୀର ବୁଡ଼ାଳିମାନେ  ଏକ ପୋଖରୀରେ ପଶି ଖୋଜାଖୋଜି କରିଛନ୍ତି । ସିଆଇଡି  ତରଫରୁ ଏହି ବୁଡ଼ାଳିମାନଙ୍କୁ ନିୟୋଜିତ କରାଯାଇଛି ।  ମାମଲାରେ ସିଆଇଡି ଶୁକ୍ରବାର ଜଣେ ବ୍ୟକ୍ତିକୁ ଗିରଫ  କରିଥିଲା । 

ପଶ୍ଚିମବଙ୍ଗର ସିଆଇଡି ବାଂଲାଦେଶୀ ସାଂସଦଙ୍କ  ହତ୍ୟା ମାମଲାରେ ଉତ୍ତର ୨୪ ପ୍ରଗଣା ଜିଲ୍ଲାସ୍ଥିତ ବୋନଗାଓଁ  ଅଞ୍ଚଳରୁ ଜଣେ ବ୍ୟକ୍ତିକୁ ଗିରଫ କରିଥିଲା । ସେ ହେଉଛି  ବାଂଲାଦେଶୀ ନାଗରିକ ଓ ପେସାରେ ଜଣେ କଂସେଇ ।  ଜେରା ବେଳେ ସେ ସ୍ୱୀକାର କରିଥିଲା କି ସେ ସାଂସଦଙ୍କ  ଶରୀରର ବିଭିନ୍ନ ଅଂଶକୁ ଅନ୍ୟ ଲୋକମାନଙ୍କ ସହାୟତାରେ  ଭିନ୍ନ ଭିନ୍ନ ସ୍ଥାନରେ ଫିଙ୍ଗିଥିଲା । ତା’ର ବୟାନକୁ ଭିତ୍ତିକରି  ଆଜି ବାଂଲାଦେଶୀ ସାଂସଦଙ୍କ ଶରୀରର ଟୁକୁଡ଼ା ଅଂଶକୁ  ଖୋଜା ହେଉଛି । ପଶ୍ଚିମବଙ୍ଗ ପୁଲିସ ମୁତାବକ ଅଭିଯୁକ୍ତ  ବେଆଇନ ଭାବେ ଭାରତରେ ପ୍ରବେଶ କରିଥିଲା ଏବଂ ନିଜ  ପରିଚୟ ଲୁଚାଇ ସେ ମୁମ୍ବାଇରେ ରହୁଥିଲା । ବାଂଲାଦେଶୀ  ସାଂସଦଙ୍କୁ ମାରିବା ପାଇଁ ତାକୁ କିଛିମାସ ତଳେ କୋଲକାତାକୁ  ଡକାଯାଇଥିଲା । ହତ୍ୟା ଘଟଣାରେ ସମ୍ପୃକ୍ତ ଥିବା ୪ ଅଭିଯୁକ୍ତଙ୍କ  ମଧ୍ୟରେ ସେ ବି ସାମିଲ ଥିବା ନେଇ ସ୍ୱୀକାର କରିଛି । ଗିରଫ  ଅଭିଯୁକ୍ତକୁ ଶୁକ୍ରବାର ଅପରାହ୍ନରେ ବାରାସାତର ଏକ କୋର୍ଟରେ  ହାଜର କରାଯାଇଥିଲା । ସେଠାରେ ତାକୁ ୧୨ ଦିନ ପାଇଁ  ସିଆଇଡି ରିମାଣ୍ଡରେ ପଠାଯାଇଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.