ନୂଆଦିଲ୍ଲୀ,୧୯/୦୩: ଘରୋଇ କ୍ରିକେଟ୍ର ମାନ କିପରି ବୃଦ୍ଧି କରାଯାଇ ପାରିବ ଏ ବିଷୟରେ ବିସିସିଆଇ ଟିମ୍ ଇଣ୍ଡିଆର ମୁଖ୍ୟ କୋଚ୍ ରାହୁଲ ଦ୍ରାବିଡ଼, ମୁଖ୍ୟ ଚୟନକର୍ତ୍ତା ଅଜିତ ଅଗରକର ଏବଂ ଜାତୀୟ କ୍ରିକେଟ୍ ଏକାଡେମୀ (ଏନ୍ସିଏ) ଅଧ୍ୟକ୍ଷ ଭିଭିଏସ୍ ଲକ୍ଷ୍ମଣଙ୍କ ପରାମର୍ଶ ଲୋଡ଼ିଛି। ସୋମବାର ବିସିସିଆଇର ଆପେକ୍ସ କାଉନସିଲ ବୈଠକ ବସିଥିଲା । ବୈଠକରେ ଦ୍ରାବିଡ଼, ଲକ୍ଷ୍ମଣ ଓ ଅଗରକର ଉପସ୍ଥିତ ରହିଥିଲେ।
ଘରୋଇ କ୍ରିକେଟ୍ ଆୟୋଜନର ବିଭିନ୍ନ ବିଷୟକୁ ନେଇ ଆଲୋଚନା ହୋଇଥିଲା । ଡିସେମ୍ବର-ଜାନୁଆରୀ ମାସରେ ଖରାପ ପାଣିପାଗ ଯୋଗୁ ଏକାଧିକ ରଣଜୀ ମ୍ୟାଚ୍ ବାଧାପ୍ରାପ୍ତ ହେଉଛି । ସେମିତି ପିଚ୍, ଅମ୍ପାୟାରଙ୍କ ନିଷ୍ପତ୍ତି ଏବଂ ଗୋଟିଏ ମ୍ୟାଚ୍ରୁ ପରବର୍ତ୍ତୀ ମ୍ୟାଚ୍ ମଧ୍ୟରେ ସ୍ୱଳ୍ପ ଦିନ ଇତ୍ୟାଦି ବିଷୟ ଆଲୋଚନାର ପ୍ରସଙ୍ଗ ହୋଇଥିବା ଜାତୀୟ ଗଣମାଧ୍ୟମରୁ ଜଣା ପଡ଼ିଛି ।
ଶେଷରେ ଦ୍ରାବିଡ଼, ଲକ୍ଷ୍ମଣ ଓ ଅଗରକରଙ୍କୁ ଘରୋଇ କ୍ରିକେଟର ମାନ ବୃଦ୍ଧି ନେଇ ପରାମର୍ଶ ମଗାଯାଇଥିଲା । ସେମାନେ ନିର୍ଦ୍ଧାରିତ ସମୟ ମଧ୍ୟରେ ମତାମତ ରଖିବେ ବୋଲି ଜଣା ପଡ଼ିଛି । ଆସନ୍ତା ଅକ୍ଟୋବର ମାସରୁ ନୂଆ ଜାତୀୟ କ୍ରିକେଟ୍ ଏକାଡେମୀର କାର୍ଯ୍ୟକ୍ଷମ ହେବ ବୋଲି ବୈଠକରେ ନିଷ୍ପତ୍ତି ହୋଇଥିଲା