ଉଦଳା, ୦୩/୦୩ : ସାବଧାନ ! ବଜାର ମଝିରେ ବୁଲୁଛି ଭାଲୁ। ରାତି ହେଲେ ବଜାରକୁ ଆସୁଛି... ଆଉ ଆହାର ଖୋଜୁଛି। ମୟୂରଭଞ୍ଜ ଖୁଣ୍ଟା ବଜାରରେ ଦେଖିବାକୁ ମିଳିଛି ଏଭଳି ଦୃଶ୍ୟ। ସ୍ଥାନୀୟ ଲୋକମାନେ ଭାଲୁକୁ ଦେଖି ଭୟଭୀତ ହୋଇପଡିଛନ୍ତି।
ସୂଚନାନୁଯାୟୀ, ଶନିବାର ରାତିରେ ଖୁଣ୍ଟା ବଜାରରେ ଏକ ଭାଲୁ ଛୁଆ ବୁଲୁଥିବାର ଦୃଶ୍ୟ ସିସିଟିଭିରେ କଏଦ ହୋଇଥିଲା। ଫଳରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି। ଭାଲୁଟି ଖାଦ୍ୟ ଅନ୍ଵେଷଣରେ ବଜାରକୁ ଆସୁଥିବା ଅନୁମାନ କରାଯାଉଛି। ତେବେ ଭାଲୁଟିର ବୟସ ବେଶୀ ହୋଇ ନଥିବା ବେଳେ ବର୍ଷକରୁ ଦେଢ଼ ବର୍ଷ ମଧ୍ୟରେ ହେବ ବୋଲି ସୂଚନା ମିଳିଛି। ବନ ବିଭାଗ ଭାଲୁକୁ ଖୋଜୁଥିଲେ ସୁଦ୍ଧା ତାହାର ପତ୍ତା ପାଉ ନାହିଁ। ତେବେ ଭାଲୁଟି ସୁରୁକୁନା ଏବଂ ଖୁଣ୍ଟା ହାଟ ନିକଟରେ ବୁଲୁଥିବା କୁହାଯାଉଛି।
