ପ୍ରମୁଖ ଖବର
  • କାମାକ୍ଷାନଗର: ଅଜଣା ଗାଡ଼ି ଧକ୍କା ରେ ସାଇକେଲ ଆରୋହୀ ଙ୍କ ମୃତ୍ୟୁ, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ରୋକ
  • ||
  • ଆସିଲା ବିଜେଡି ଷଷ୍ଠ ପର୍ଯ୍ୟାୟ ପ୍ରାର୍ଥୀ ତାଲିକା, ଚମ୍ପୁଆରୁ ସନାତନ ମହାକୁଡ଼, ବଡଚଣାରୁ ବର୍ଷା ପ୍ରିୟଦର୍ଶିନୀ
  • ||
  • ଦିଲ୍ଲୀପ ରାୟଙ୍କ ରାସ୍ତାରେ ନିହାର କଣ୍ଟା ! ପ୍ରାର୍ଥୀ ଚୟନକୁ ନେଇ ଦେଖା ଦେଇଛି ବିବାଦ
  • ||
  • ଆଜି ପ୍ରକାଶ ପାଇବ ୟୁଜିସି-ନେଟ୍‌ ଜୁନ୍‌ ସେସନ୍‌-୨୦୨୪ ଆବେଦନ ପ୍ରକ୍ରିୟା
  • ||
  • ବାଇକ୍‌କୁ ଧକ୍କା ଦେଲା ଆମ୍ଵୁଲାନ୍ସ, ଦୁଇ ଶିଶୁଙ୍କ ଆଖି ଆଗରେ ଚାଲିଗଲା ବାପା-ମାଙ୍କ ଜୀବନ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି: ମୃତ୍ୟୁ ସଂଖ୍ୟା ୭କୁ ବୃଦ୍ଧି, ଜଣେ ଏବେ ବି ନିଖୋଜ
  • ||
  • ମେ'୧ରୁ ପର୍ଯ୍ୟଟକଙ୍କ ପାଇଁ ବନ୍ଦ ରହିବ ଭିତରକନିକା
  • ||
  • ଶନିବାର ବାହୁଡ଼ିବେ ମହାପ୍ରଭୁ ଶ୍ରୀଲିଙ୍ଗରାଜ: ଦିନ ସାଢ଼େ ୧ରେ ପହଣ୍ଡି, ସାଢେ ୩ଟାରେ ରଥଟଣା
  • ||
  • ଶନିବାର ବିଶ୍ବପ୍ରସିଦ୍ଧ ରଥଯାତ୍ରା ପ୍ରଥମ ସମନ୍ୱୟ ବୈଠକ, ଅଧ୍ୟକ୍ଷତା କରିବେ ଆର୍‌ଡିସି
  • ||
  • ଆଜି ବି ଅତି ଭୀଷଣ ଗ୍ରୀଷ୍ମପ୍ରବାହ, ୨୧ ଯାଏ ନିସ୍ତାର ନାହିଁ, କାଳବୈଶାଖୀ ପାଇଁ କମିପାରେ ତାତି
  • ||
  • IPL ୨୦୨୪: ଆଜି ଦିଲ୍ଲୀ-ହାଇଦ୍ରାବାଦ ଲଢ଼େଇ, କ୍ୟାପିଟାଲ୍ସ ଗଡ଼ ଧ୍ୱଂସ ପଥରେ ସନରାଇଜର୍ସ
  • ||
  • ହୀରାକୁଦରେ ଡଙ୍ଗା ବୁଡି ଟ୍ରାଜେଡି, ଦୁଇ ମୃତ, ୭ ନିଖୋଜ, ସକାଳୁ ଉଦ୍ଧାର କାର୍ଯ୍ୟ ଆରମ୍ଭ
  • ||

ଗାଜାରେ ରାଫାହରେ ଆକ୍ରମଣ ପ୍ଲାନକୁ ନେତନ୍ୟାହୁଙ୍କ ଅନୁମୋଦନ

ନୂଆଦିଲ୍ଲୀ, ୧୭/୦୩: ଗାଜାରେ ଆହୁରି ଜୋରଦାର ହେବ ଆକ୍ରମଣ । ଆକ୍ରମଣକୁ ଆହୁରି ଶାଣିତ କରିବା ଲାଗି ରାଫାହ ଆଟାକ୍ ପ୍ଲାନକୁ ଅନୁମୋଦନ କରିଛନ୍ତି ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ । କ୍ୟାବିନେଟ୍ ମଧ୍ୟ ପ୍ରସ୍ତାବ ଉପରେ ମୋହର ବାଜିଛି ।

ରାଫାହରେ ଆକ୍ରମଣ ଜୋରଦାର୍ କରାଯିବ ବୋଲି କହିଛି ଇସ୍ରାଏଲ୍ ଡିଫେନ୍ସ ଫୋର୍ସ । ଗାଜାର ଦକ୍ଷିଣରେ ଥିବା ରାଫାହରେ ବିଶେଷକରି ଯୁଦ୍ଧରେ କ୍ଷତିଗ୍ରସ୍ତ ଲୋକ କ୍ୟାମ୍ପରେ ରହୁଛନ୍ତି । ଏବେ ରାଫାହ ଉପରେ ଆକ୍ରମଣ ପାଇଁ ନେତନ୍ୟାହୁ ନିର୍ଦ୍ଦେଶ ଦେଇଥିବା ବେଳେ ସୈନ୍ୟ ଅପରେସନ୍ କିଭଳି କରାଯିବ ସେନେଇ ସୂଚନା ଦେଇ ନାହାନ୍ତି ।

ସେପଟେ ଅସ୍ତ୍ର ବିରତି ନେଇ ଚାଲିଥିବା ଆଲୋଚନାରେ ହମାସର ସର୍ତ୍ତକୁ ମାନିବାକୁ ଅରାଜି ନେତନ୍ୟାହୁ । ଫିଲିସ୍ତୀନ୍ ବନ୍ଦୀଙ୍କ ମୁକ୍ତି ବଦଳରେ ଇସ୍ରାଏଲ୍ ପଣବନ୍ଦୀ ଶିଶୁ, ମହିଳା, ବୟସ୍କଙ୍କୁ ମୁକ୍ତି ଦିଆଯିବ ବୋଲି ହମାସ୍ ଦେଇଥିବା ପ୍ରସ୍ତାବକୁ ଅଗ୍ରାହ୍ୟ କରିଛି ଇସ୍ରାଏଲ୍ ।

ଇସ୍ରାଏଲ୍ ପ୍ରଧାନମନ୍ତ୍ରୀ କହିଛନ୍ତି, ହମାସ୍ ଆତଙ୍କବାଦୀଙ୍କୁ ସମ୍ପୂର୍ଣ୍ଣ ନିପାତ କରିବାକୁ ଯୋଜନା ପ୍ରସ୍ତୁତି କରାଯାଇଛି । ଏହି ପ୍ଲାନ୍ ଅନୁଯାୟୀ, ଗାଜାରେ ଥିବା ରାଫାହ ସହର ଉପରେ ଆକ୍ରମଣ କରିବ ଇସ୍ରାଏଲ ଡିଫେନ୍ସ ଫୋର୍ସ । ତେବେ ନେତନ୍ୟାହୁଙ୍କ ଏହି ନିଷ୍ପତ୍ତିକୁ ସୁରକ୍ଷା ପରିଷଦ ସଦସ୍ୟ ଦେଶ ସମାଲୋଚନା କରି, ରାଫାହରେ ଆକ୍ରମଣ କରିବାକୁ ବାରଣ କରିଛନ୍ତି । ମାତ୍ର ଏହାକୁ ଆଗ୍ରହ୍ୟ କରିଛନ୍ତି ଇସ୍ରାଏଲ୍ ପ୍ରଧାନମନ୍ତ୍ରୀ । ସେ କହିଛନ୍ତି, ହମାସର ମୂଳୋତ୍ପାଟନ କରିବାକୁ ହେଲେ ଆତଙ୍କବାଦୀଙ୍କ ବିରୋଧରେ ଦୃଢ଼ ପଦକ୍ଷେପ ନେବାକୁ ପଡ଼ିବ । ତେଣୁ ଗାଜାର ଦକ୍ଷିଣ ପ୍ରାନ୍ତ ରାଫାରେ ଆକ୍ରମଣ ଜରୁରି ବୋଲି ସେ କହିଛନ୍ତି ।  

୬ ମାସର ଯୁଦ୍ଧରେ ପ୍ରାୟ ୨.୫ ମିଲିୟନ ଫିଲିସ୍ତୀନ୍ ବିସ୍ଥାପିତ ହୋଇଛନ୍ତି । ଅଧିକାଂଶ ଲୋକ ଶରଣାର୍ଥୀ କେନ୍ଦ୍ରରେ ଆଶ୍ରୟ ନେଇଛନ୍ତି । ଗତବର୍ଷ ଅକ୍ଟୋବର ୭ ଆକ୍ରମଣ ପରେ ହମାସ ନିକଟରେ ୨୫୦ରୁ ଅଧିକ ଇସ୍ରାଏଲୀ ଓ ବିଦେଶୀ ପଣବନ୍ଦୀ ରହିଥିବା କୁହାଯାଉଛି ।


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.