ପ୍ରମୂଖ ଖବର
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଏହି ୬ ମନ୍ତ୍ରାଳୟ ଦେବାକୁ ନାରାଜ ବିଜେପି, ଏଠି କାମ ଦେବନି ଟିଡିପି-ଜେଡିୟୁର ଚାଲାକି !

Image Courtesy: moneycontrol

ନୂଆଦିଲ୍ଲୀ: ଲୋକସଭା ନିର୍ବାଚନର ପରିଣାମ ଆସିବା ପରେ ଏବେ ନୂଆ ସରକାରକୁ ନେଇ ଚର୍ଚ୍ଚା ଲାଗି ରହିଛି । ନ୍ୟାସନାଲ୍‌ ଡେମୋକ୍ରାଟିକ୍‌ ଆଲିଆନ୍ସ (ଏନଡିଏ)କୁ ବହୁମତ ମିଳିଛି । କିନ୍ତୁ ବିଜେପିକୁ ଏଥର ଏକକ ବହୁମତ ମିଳିପାରି ନାହିଁ । ୨୪୦ ଆସନରେ ଅଟକି ଯାଇଛି ଦଳ । ବିଜେପିକୁ ଏବେ ଏନଡିଏର ଅନ୍ୟ ସହଯୋଗୀଙ୍କ ସାହାରା ନିହାତି ଆବଶ୍ୟକ । ଏହି ତାଲିକାରେ ଚନ୍ଦ୍ରବାବୁ ନାଇଡୁଙ୍କ ଦଳ ଟିଡିପି ଏବଂ ନୀତୀଶ କୁମାରଙ୍କ ଦଳ ଜେଡିୟୁ ଆଗରେ ରହିଛି । ଯଦିଓ ଏନଡିଏର ନେତା ଭାବରେ ନରେନ୍ଦ୍ର ମୋଦୀଙ୍କୁ ଚୟନ କରାଯାଇଛି ଏବଂ ସେ ପୁଣି ଥରେ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି କିନ୍ତୁ ମୋଦୀ 3.0 କ୍ୟାବିନେଟ କିଭଳି ହେବ ତା ଉପରେ ସମସ୍ତଙ୍କ ନଜର  ।

 ବିଭିନ୍ନ ଚର୍ଚ୍ଚା ମଧ୍ୟରେ କିଛି ମିଡିଆ ରିପୋର୍ଟ ଏବେ ସାମ୍ନାକୁ ଆସିଛି । ବିଜେପି ୬ଟି ଗୁରୁତ୍ବପୂର୍ଣ୍ଣ ମନ୍ତ୍ରାଳୟ ନିଜ ପାଖରେ ରଖିବାକୁ ଚାହୁଁଛି । ଗୃହ, ପ୍ରତିରକ୍ଷା ଏବଂ ଅର୍ଥ ମନ୍ତ୍ରାଳୟକୁ ବିଜେପି ଯେକୌଣସି ପରିସ୍ଥିତିରେ ନିଜ ପାଖରେ ରଖିବାକୁ ପ୍ରୟାସ କରିବ । ସେପଟେ ଟିଡିପି ଏବଂ ଜେଡିୟୁ ନିଜ ନିଜର ଡିମାଣ୍ଡକୁ ନେଇ ଆଗକୁ ଆସିଛନ୍ତି । ନୂଆ ସରକାରରେ ଟିଡିପି ୪ଟି ମନ୍ତ୍ରାଳୟ ଦାବି କରିଥିବା ବେଳେ ଜେଡିୟୁ ୩ଟି ମନ୍ତ୍ରାଳୟ ଲାଗି ଦାବି କରୁଛି । ସେହିଭଳି ଚିରାଗ ପାସଓ୍ବାନ ଦୁଇଟି ମନ୍ତ୍ରୀ ପଦ ଚାହୁଁଛନ୍ତି । ଏଭଳି ସ୍ଥିତି ୨୦୧୪ ଏବଂ ୨୦୧୯ରେ ଏକାକୀ ସରକାର କରିଆସିଥିବା ବିଜେପି ପାଇଁ ଆହ୍ବାନ ସୃଷ୍ଟି ହୋଇଛି ।

ଜାତୀୟ ଗଣମାଧ୍ୟମରେ ହେଉଥିବା ଚର୍ଚ୍ଚା ଅନୁସାରେ, ୧୬ ସାଂସଦ ଥିବା ଟିଡିପିକୁ ୩ଟି କ୍ୟାବିନେଟ ପଦବୀ ଏବଂ ଗୋଟିଏ ରାଷ୍ଟ୍ର ମନ୍ତ୍ରୀ ସ୍ତରୀୟ ପଦବୀ ମିଳିପାରେ । ୧୨ଟି ସିଟ୍‌ ଜିତିଥିବା ଜେଡିୟୁକୁ ୨ଟି କ୍ୟାବିନେଟ ଏବଂ ଗୋଟିଏ ରାଷ୍ଟ୍ର ମନ୍ତ୍ରୀ ସ୍ତରୀୟ ପଦବୀ ଦିଆଯାଇପାରେ । ସେହିଭଳି ୭ଟି ଆସନରେ ବିଜୟୀ ଏକନାଥ ସିନ୍ଦେଙ୍କ ଦଳ ଶିବସେନା ଏବଂ ୫ ସାଂସଦ ଥିବା ଚିରାଗ ପାସଓ୍ବାନଙ୍କ ଦଳ ଏଲଜେପିକୁ ମନ୍ତ୍ରୀ ପଦ ଦେବାକୁ ବିଚାର ହୋଇପାରେ ।  ବିଜେପି ଗୃହ, ଅର୍ଥ, ପ୍ରତିରକ୍ଷା, ବୈଦେଶିକ ମନ୍ତ୍ରାଳୟ ସମେତ ସଡ଼କ ପରିବହନ, ରେଲଓ୍ବେ ମିନିଷ୍ଟ୍ରି ନିଜ ପାଖରେ ରଖିବା ଏକ ପ୍ରକାର ନିଶ୍ଚିତ ବୋଲି କୁହାଯାଉଛି । ସେପଟେ ସହର ବିକାଶ ଏବଂ ଗ୍ରାମୀଣ ବିକାଶ ମନ୍ତ୍ରାଳୟ, କୃଷି ମନ୍ତ୍ରାଳୟ ଆଦି ଟିଡିପି ଏବଂ ଜେଡିୟୁକୁ ଦେଇପାରେ ବିଜେପି ।

 ସବୁଠୁ ବଡ଼ କଥା ହେଉଛି, ମୋଦୀ 3.0 କ୍ୟାବିନେଟରେ ଗତ ମନ୍ତ୍ରାଳୟ ଗୁଡ଼ିକର ନାମ ପରିବର୍ତ୍ତନ କିମ୍ବା ବିଭାଜନ କରାଯାଇପାରେ ବୋଲି ମଧ୍ୟ ଚର୍ଚ୍ଚା ହେଉଛି । ସେପଟେ ଟିଡିପି ଲୋକସଭା ବାଚସ୍ପତି ପଦର ଡିମାଣ୍ଡ କରୁଥିବା ବେଳେ ଏଥିପାଇଁ ବିଜେପି ରାଜି ନଥିବା କୁହାଯାଉଛି । ଟିଡିପିକୁ ଲୋକସଭାରେ ଉପ-ବାଚସ୍ପତି ପଦ ମିଳିପାରେ । କିନ୍ତୁ କାହାକୁ କେଉଁ ମନ୍ତ୍ରାଳୟ ମିଳିବ ତାହା ନରେନ୍ଦ୍ର ମୋଦୀ ଶପଥ ନେଲା ପରେ ଜଣାପଡ଼ିବ । 

 

  • BJP
  • Narendra Modi
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.