ରରୁଆଁ, ୨୧/୦୮ : ପାରିବାରିକ କଳହକୁ କେନ୍ଦ୍ର କରି ହତ୍ୟାକାଣ୍ଡ। ଭାଉଜକୁ କଟୁରୀରେ ହାଣି ହତ୍ୟା କଲା ସମ୍ପର୍କୀୟ ଦିଅର। ମୟୂରଭଞ୍ଜ ଜିଲ୍ଲା ରରୁଆଁ ଥାନା ମେଣ୍ଢାମୁଣ୍ଡି ଗାଁରେ ମଙ୍ଗଳବାର ରାତିରେ ଏଭଳି ନୃଶଂସ ହତ୍ୟାକାଣ୍ଡ ଘଟିଛି।

ସୂଚନାନୁଯାୟୀ, ମେଣ୍ଢାମୁଣ୍ଡି ଗାଁର ଦୁଇ ପରିବାର ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା। ଏଥିରେ ଉତକ୍ଷିପ୍ତ ହୋଇ ଦିଅର ସିନୁ ପିଙ୍ଗୁଆ ସହ ଆଉ ୩ ଜଣ ମିଶି ଭାଉଜ ମଙ୍ଗୁଳି ପୂର୍ତ୍ତିଙ୍କୁ ଆକ୍ରମଣ କରିଥିଲେ। ଫଳରେ ଦିଅର ସନୁ ପିଙ୍ଗୁଆର କଟୁରୀ ଚୋଟରେ ଘଟଣା ସ୍ଥଳରେ ହିଁ ମଙ୍ଗୁଳିଙ୍କର ମୃତ୍ୟୁ ହୋଇଯାଇଛି। ଘଟଣା ସ୍ଥଳରେ ରରୁଆଁ ଥାନା ପୋଲିସ ପହଞ୍ଚି ପ୍ରାଥମିକ ତଦନ୍ତ ପରେ ଦିଅର ସନୁ ପିଙ୍ଗୁଆ ସହ ଆଉ ଜଣେ ଅଭିଯୁକ୍ତ ସାନ ପିଙ୍ଗୁଆକୁ ଥାନାରେ ଅଟକ ରଖିଛି। ଆଜି ବାରିପଦାରୁ ସାଇଣ୍ଟିଫିକ୍ ଟିମ୍ ଆସିବା ପରେ ଅଧିକ ତଦନ୍ତ କରାଯିବ ବୋଲି ପୋଲିସ କହିଛି।