ଗଞ୍ଜାମ, ୩୦।୪: ମା’ ତାରାତାରିଣୀଙ୍କ ପୀଠରେ ପହଞ୍ଚିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ତାରାତାରିଣୀ ପୀଠର ପାଦ ଦେଶ ନରସିଂହପୁର ଛକଠାରେ ଅସ୍ଥାୟୀ ହେଲିପ୍ୟାଡ୍ରେ ପହଞ୍ଚିବା ପରେ କାର୍ ଯୋଗେ ମନ୍ଦିର ପହଞ୍ଚିଥିଲେ । ନାମାଙ୍କନ ପତ୍ର ଦାଖଲ ପୂର୍ବରୁ ମା’ ତାରାତାରିଣୀଙ୍କର ପୂଜାର୍ଚ୍ଚନା ଓ ଦର୍ଶନ କରିବା ସହ ଆଶୀର୍ବାଦ ଲାଭ କଲେ ।
ପୂଜାର୍ଚ୍ଚନା ସାରି ଛତ୍ରପୁର ଅଭିମୁଖେ ଗସ୍ତ କଲେ ମୁଖ୍ୟମନ୍ତ୍ରୀ । ମା’ଙ୍କ ନିକଟରେ ପୂଜାର୍ଚ୍ଚନା କରି ମୁଖ୍ୟମନ୍ତ୍ରୀ ମା’ଙ୍କ ଆଶିଷ ଲାଭ କରିଥିବା କହିଛନ୍ତି ପୂଜକ ବାପୁଜୀ ରଣା । ମୁଖ୍ୟମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ମନ୍ଦିର ପରିସରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛି ପୋଲିସ ଓ ପ୍ରଶାସନ ।