ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ବେଜିଂ-ତେହରାନ୍ ଆଲୋଚନା; ‘ଆଉ ଅଶାନ୍ତି ବଢ଼ାଇବାକୁ ଚାହୁଁନାହିଁ ଇରାନ୍’

ବେଜିଂ/ ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଯୁଦ୍ଧ ଲାଗି ରହିଥିବା ବେଳେ ଇସ୍ରାଏଲ ଉପରେ ଇରାନ୍‌ର ଡ୍ରୋନ୍‌ ଆକ୍ରମଣ ଚିନ୍ତାକୁ ବଢ଼ାଇ ଦେଇଛି । ଆଗାମୀ ସମୟରେ ଇସ୍ରାଏଲ ଇରାନ୍‌ ଉପରେ ପାଲଟା ଆକ୍ରମଣ କରିପାରେ ବୋଲି ମଧ୍ୟ ଚର୍ଚ୍ଚା ଲାଗି ରହିଛି । ଏସବୁ ଭିତରେ ଚୀନ୍‌ ଏବେ ଆଗକୁ ଆସିଛି । ଇରାନ୍‌ର ନେତାଙ୍କ ସହ ଆଲୋଚନା କରି ଶାନ୍ତି ରକ୍ଷା କରିବାକୁ ଚେଷ୍ଟା କରିଛି ଚୀନ୍‌ । ହେଲେ ଗତ ଶନିବାର ଇସ୍ରାଏଲ ଉପରେ ଇରାନ୍‌ କରିଥିବା ଆକ୍ରମଣକୁ ବିଶ୍ବର ଅନେକ ଦେଶ ନିନ୍ଦା କରିଥିବା ବେଳେ ନିରବ ଥିଲା ଚୀନ୍‌ । ଚୀନ୍‌ର ଏକ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ, ଦେଶର ବୈଦେଶିକ ମନ୍ତ୍ରୀ ଓ୍ବାଙ୍ଗ ଓ୍ବାଇ ଇରାନର ବୈଦେଶିକ ମନ୍ତ୍ରୀ ହୋସେନ ଆମିର ଅବଦୋଲ୍ଲାହିଆନଙ୍କ ସହ ଫୋନ୍‌ରେ କଥା ହୋଇଛନ୍ତି ।

ଇସ୍ରାଏଲ ଉପରେ ଆକ୍ରମଣ କରିବା ପରେ ଇରାନ୍‌ ସହ ଚୀନ୍‌ର କୌଣସି ନେତା ପ୍ରଥମ ଥର ପାଇଁ କଥା ହୋଇଥିବା ଜଣାପଡ଼ିଛି । ଚୀନ୍‌ର ସବୁଠୁ ବଡ଼ ବାଣିଜ୍ୟିକ ସହଯୋଗୀ ଇରାନ୍‌ ଏବେ ଆଉ ଯୁଦ୍ଧ କରିବାକୁ ଚାହୁଁ ନାହିଁ । ଏହା ସହ ଏଭଳି ପରିସ୍ଥିତିରେ ଦେଶ ସଂଯମତା ରକ୍ଷା କରିବାକୁ ପ୍ରସ୍ତୁତ ଥିବା କଥା ହୋସେନ ଆମୀର କହିଥିବା ନେଇ ଚୀନ୍‌ର ବୈଦେଶିକ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।  ଇରାନ୍‌ରେ ଏବେ ପରିସ୍ଥିତି ଭଲ ନଥିବା ବେଳେ ଆଗକୁ କୌଣସି ଅଶାନ୍ତି ସୃଷ୍ଟି କରିବାକୁ ଚାହୁଁ ନାହୁଁ ବୋଲି ଦେଶର ବୈଦେଶିକ ମନ୍ତ୍ରୀ କହିଛନ୍ତି । 

 ଏହା ସହ ଗାଜାରେ ତୁରନ୍ତ ଅସ୍ତ୍ରବିରତି ହେବା ସହ ମଧ୍ୟପ୍ରାଚ୍ୟରେ ଶାନ୍ତି ପ୍ରତିଷ୍ଠା ହେଉ ବୋଲି ଇରାନ୍ ଚାହୁଁଛି ।  ସେପଟେ ଓ୍ବାଙ୍ଗ ଓ୍ବାଇ ସିରିୟାରେ ଥିବା ଇରାନ୍‌ର ଦୂତାବାସ ଆକ୍ରମଣକୁ ନିନ୍ଦା କରିଛନ୍ତି । ଅନ୍ତର୍ଜାତୀୟ ନିୟମର ଉଲ୍ଲଂଘନ ଏବଂ ଏହା ଗ୍ରହଣଯୋଗ୍ୟ ନୁହେଁ ବୋଲି ଓ୍ବାଙ୍ଗ ଓ୍ବାଇ କହିଛନ୍ତି ବୋଲି ଜିନୁହା ନ୍ୟୁଜରେ ଖବର ପ୍ରକାଶ ପାଇଛି ।  ଅନ୍ୟପକ୍ଷରେ ଆତ୍ମରକ୍ଷା କରିବାକୁ ଯାଇ ଇସ୍ରାଏଲ ଉପରେ ଛୋଟ ଆକ୍ରମଣ କରିଥିବା ନେଇ ଇରାନ୍‌ କହିଛି ବୋଲି ମଧ୍ୟ ପ୍ରକାଶିତ ରିପୋର୍ଟରେ ଦର୍ଶାଯାଇଛି । 

ଇରାନ ଚୀନ୍‌ର ଘନିଷ୍ଠ ସହଯୋଗୀ ହୋଇଥିବାରୁ ବେଜିଂ ଏବଂ ତେହରାନ ମଧ୍ୟରେ ଆଲୋଚନା ହେବା ଜରୁରୀ ବୋଲି ଦାବି କରିଆସିଛି ଆମେରିକା । ଆମେରିକାର ବାରମ୍ବାର ଦାବି ପରେ ଚୀନ୍‌ର ବୈଦେଶିକ ମନ୍ତ୍ରୀଙ୍କ ଏହି ଟେଲିଫୋନିକ ଆଲୋଚନା ନେଇ ଖବର ସାମ୍ନା ଆସିଛି । ଅନ୍ୟପଟେ ଆଜି ଚୀନ୍‌ର ବୈଦେଶିକ ମନ୍ତ୍ରୀ ଓ୍ବାଙ୍ଗ ଓ୍ବାଇ ଏବଂ  ଜର୍ମାନୀ ଚାନ୍ସଲର ଓଲାଫ ସ୍କୋଲଜ୍‌ଙ୍କ ମଧ୍ୟରେ ୟୁକ୍ରେନ୍‌ ଏବଂ ଇସ୍ରାଏଲ-ହମାସ ଯୁଦ୍ଧ ସଂପର୍କରେ ଆଲୋଚନା ହୋଇଥିବା ଜଣାପଡ଼ିଛି । 

  • Israel Hamas war
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.