ପ୍ରମୂଖ ଖବର
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ସନ୍ଧ୍ୟାରେ ଦିଲ୍ଲୀରେ ବସିବ କଂଗ୍ରେସ କାର୍ଯ୍ୟକାରିଣୀ ବୈଠକ, ଚୟନ ହେବେ ବିରୋଧୀ ଦଳ ନେତା

ନୂଆଦିଲ୍ଲୀ,୦୮/୦୬: ଲୋକସଭା ନିର୍ବାଚନରେ କଂଗ୍ରେସକୁ ଏଥର ୯୯ ଆସନ ମିଳିଛି । ଏହା ପୂର୍ବରୁ ୨୦୧୯ରେ ଅନୁଷ୍ଠିତ  ନିର୍ବାଚନରେ ଦଳକୁ ୫୨ଟି ଆସନ ମିଳିଥିଲା । ୨୦୨୪ରେ ସଫଳତା  ମିଳିବା ପରେ ଏହାକୁ ନେଇ କଂଗ୍ରେସ ନେତାମାନେ ବେଶ୍‌ ଉତ୍ସାହିତ  ଅଛନ୍ତି । ଏମିତି କି ସରକାର ଗଠନ ପାଇଁ ମଧ୍ୟ କଂଗ୍ରେସ ସ୍ୱପ୍ନ  ଦେଖୁଛି । ଏହି ପରିପ୍ରେକ୍ଷୀରେ କଂଗ୍ରେସ ଶନିବାର ସନ୍ଧ୍ୟା ସାଢ଼େ ୫ଟାରେ ଏହାର କାର୍ଯ୍ୟକାରିଣୀ ବୈଠକ ଡକାଇଛି । ଏଥିରେ ନବନିର୍ବାଚିତ ଦଳୀୟ ସାଂସଦମାନଙ୍କୁ ସାମିଲ ହେବାକୁ କୁହାଯାଇଛି । ବୈଠକରେ  ଭୋଟ ଫଳକୁ ନେଇ ଚର୍ଚ୍ଚା ହେବ । ଏଥିସହ ସରକାର ଗଠନ ପାଇଁ  ଉଦ୍ୟମ କରାଯିବ କି ନାହିଁ, ତାହା ବାବଦରେ ମଧ୍ୟ ଆଲୋଚନା ହେବ ।  

ସୂତ୍ର ମୁତାବକ କଂଗ୍ରେସ କାର୍ଯ୍ୟକାରିଣୀ ବୈଠକରେ ଲୋକସଭା ନିର୍ବାଚନରେ ଦଳର ସନ୍ତୋଷଜନକ ପ୍ରଦର୍ଶନ ଲାଗି ନେତୃତ୍ୱର  ପ୍ରଶଂସା କରିବା ପୂର୍ବକ ପ୍ରସ୍ତାବ ପାରିତ ହୋଇପାରେ । କଂଗ୍ରେସକୁ  ମିଳିଥିବା ସଫଳତାର ଶ୍ରେୟ ରାହୁଲ ଗାନ୍ଧୀଙ୍କୁ ଦିଆଯାଉଛି । ଜୁନ୍‌ ୪ରେ ନିର୍ବାଚନ ଫଳ ପ୍ରକାଶ ଦିନ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ୍‌ଗେ  ସାମ୍ବାଦିକ ସମ୍ମିଳନୀରେ ରାହୁଲଙ୍କର ଭୂୟସୀ ପ୍ରଶଂସା କରିଥିଲେ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.