ନୂଆଦିଲ୍ଲୀ: କୃଷକଙ୍କ ସମସ୍ୟାକୁ ନେଇ କଂଗ୍ରେସର ସାଧାରଣ ସଂପାଦକ ପ୍ରିୟଙ୍କା ଗାନ୍ଧୀ ଭଦ୍ରା ବିଜେପି ଉପରେ ବର୍ଷିଛନ୍ତି । ଶୁକ୍ରବାର ପ୍ରିୟଙ୍କା ଗାନ୍ଧୀ ଅଭିଯୋଗ କରିଛନ୍ତି ଯେ, ବିଜେପି ସରକାରଙ୍କ ଅମଳରେ ଏକ ଲକ୍ଷ କୃଷକ ଆତ୍ମହତ୍ୟା କରିଛନ୍ତି । କୃଷକଙ୍କ ଆୟ ନା ଦୁଇଗୁଣ ହେଲା ନା ଏମଏସପି ଦିଆଗଲା । କଂଗ୍ରେସ ସରକାର ଆସିଲେ କେବଳ ଏମଏସପି ଗ୍ୟାରେଣ୍ଟି ଦେବୁ ତାହା ନୁହେଁ ବରଂ କୃଷକଙ୍କ ଋଣ ଛାଡ଼ କରିବୁ ବୋଲି କହିଛନ୍ତି ପ୍ରିୟଙ୍କା ଗାନ୍ଧୀ । ଦେଶରେ ଲୋକସଭା ନିର୍ବାଚନ ହେବାକୁ ଥିବା ବେଳେ ବିଭିନ୍ନ ଦଳ କୃଷକଙ୍କ ପାଇଁ ଭିନ୍ନ ଭିନ୍ନ ଘୋଷଣା କରୁଛନ୍ତି।
◼️आज देश में हर दिन 30 किसान आत्महत्या कर रहे हैं। भाजपा राज में 1 लाख से ज्यादा किसानों ने आत्महत्या कर ली।
— Priyanka Gandhi Vadra (@priyankagandhi) April 12, 2024
◼️कृषि में इस्तेमाल होने वाली जरूरी वस्तुओं और उपकरणों पर GST वसूली जाती है।
◼️10 साल में न किसानों को MSP मिली, न आय दोगुनी हुई।
◼️कर्ज में डूबे किसानों का एक पैसा… pic.twitter.com/0gbFqimsDw
ସେହିଭଳି ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପ୍ରିୟଙ୍କା ଗାନ୍ଧୀ ଲେଖିଛନ୍ତି, ବିଜେପି କୃଷକଙ୍କ ଋଣ ଛାଡ଼ କରିନାହିଁ । କିନ୍ତୁ ଉଦ୍ୟୋଗପତିଙ୍କ ଲକ୍ଷ ଲକ୍ଷ କୋଟି ଟଙ୍କାର ଋଣ ଛାଡ଼ କରାଯାଉଛି । ବର୍ତ୍ତମାନ ଦେଶରେ ପ୍ରତି ଦିନ ୩୦ ଜଣ କୃଷକ ଆତ୍ମହତ୍ୟା କରୁଛନ୍ତି । ବିଜେପି ଶାସନରେ ଏକ ଲକ୍ଷରୁ ଅଧିକ କୃଷକ ଆତ୍ମହତ୍ୟା କରିଛନ୍ତି । କୃଷି ବ୍ୟବହୃତ ଜରୁରୀ ସାମଗ୍ରୀ ଉପରୁ ଜିଏସଟି ଆଦାୟ କରାଯାଉଛି ବୋଲି ମଧ୍ୟ ସେ ଅଭିଯୋଗ କରିଛନ୍ତି ।
कांग्रेस की सरकार ने किसानों का 72,000 करोड़ का कर्ज माफ किया था।
— Priyanka Gandhi Vadra (@priyankagandhi) April 12, 2024
कांग्रेस फिर आएगी। MSP की गारंटी, कर्जमाफी और अच्छी आमदनी के साथ खुशहाली लाएगी। #HaathBadlegaHalaat pic.twitter.com/oFi7UX1W4k
କଂଗ୍ରେସର ସାଧାରଣ ସଂପଦକ ପ୍ରିୟଙ୍କା ଆହୁରି ଅଭିଯୋଗ କରିଛନ୍ତି ଯେ, ‘୧୦ ବର୍ଷରେ ନା କୃଷକଙ୍କୁ ଏମଏସ୍ପି ମିଳିଲା ନା ଆୟ ଦୁଇ ଗୁଣ ହେଲା । ଋଣରେ ବୁଡ଼ିଥିବା କୃଷକଙ୍କ ଗୋଟିଏ ଟଙ୍କା ମଧ୍ୟ ଛାଡ଼ କରାଗଲା ନାହିଁ । କିନ୍ତୁ ଉଦ୍ୟୋଗପତିଙ୍କ ୧୬ ଲକ୍ଷ କୋଟି ଛାଡ଼ କରଦିଆଗଲା ।’ ଅନ୍ୟପଟେ କୃଷକଙ୍କୁ ପ୍ରିୟଙ୍କା ପ୍ରତିଶ୍ରୁତି ଦେଇ ଏକ୍ସରେ ଲେଖିଛନ୍ତି, ଅନ୍ନଦାତାଙ୍କ ଲାଗି ଏମଏସପି ଗ୍ୟାରେଣ୍ଟି ଦିଆଯିବ । କୃଷି ଉପକରଣ ଉପରୁ ଜିଏସଟି ହଟାଇ ଦିଆଯିବ । ଫସଲ ନଷ୍ଟ ହେଲେ ୩୦ ଦିନ ମଧ୍ୟରେ କ୍ଷତିପୂରଣ ଦିଆଯିବ । ନୂଆ ରପ୍ତାନି-ଆମଦାନି ନୀତି ଆସିବ । ଏହା ବ୍ୟତୀତ ଅନ୍ୟ ଏକ ଟ୍ବିଟରେ ପ୍ରିୟଙ୍କା ଲେଖିଛନ୍ତି, ‘କଂଗ୍ରେସ ସରକାର କୃଷକଙ୍କ ୭୨ ହଜାର କୋଟି ଋଣ ଛାଡ଼ କରିଥିଲା । କଂଗ୍ରେସ ପୁଣି ଥରେ ଆସିବ । ଏମଏସପି ଗ୍ୟାରେଣ୍ଟି, ଋଣ ଛାଡ଼ ଏବଂ ଭଲ ରୋଜଗାର ସହ ଖୁସି ଆଣିବ।’
