ବାଙ୍କୀ, ୧।୩ : ବେଗୁନିଆ ଅଞ୍ଚଳରୁ ସମ୍ବଲପୁର ଗୋ ଚାଲାଣ ବେଳେ ଓଲଟିଲା ଗାଡ଼ି । ବାଙ୍କୀ ବୈଦେଶ୍ଵର ପୋଲିସ ଗୋରୁ ବାଝେଇ ଗାଡ଼ିକୁ ଅଟକାଇବା ବେଳେ ଗୋରୁ ବୋଝେଇ ଗାଡ଼ି ଓଲଟି ରାସ୍ତା ତଳକୁ ଖସିପଡ଼ିଥିଲା । ଗାଡ଼ିରେ ମୋଟ୍ ୨୨ଟି ଗୋରୁଥିବାବେଳେ ୮ଟି ଗୋରୁଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
ଅନ୍ୟ ଗୋରୁ ନିକଟସ୍ଥ ବୈଦେଶ୍ଵର ପଶୁ ଡାକ୍ତରଖାନରେ ଚିକିତ୍ସିତ ହେଉଥିବା ଜଣାପଡ଼ିଛି । ସେପଟେ ଗୋରୁ ବୋଝେଇ ଗାଡ଼ି ଚଢ଼ାଉ ବେଳେ ଦୁର୍ଘଟଣା ଘଟାଇ ଡ୍ରାଇଭର ଓ ହେଲ୍ପର ଦୌଡ଼ି ପଳାଇଯାଉ ଥିବାବେଳେ ସେମାନଙ୍କୁ ଧରିବାକୁ ବୈଦେଶ୍ୱର ପୋଲିସ ଗୋଡ଼ାଇବା ସମୟରେ ଥାନା ଆଇଆଇସି ପ୍ରିୟଦର୍ଶନ ସେଠୀ ଓ ଜଣେ ପୋଲିସ କର୍ମଚାରୀ ସାମାନ୍ୟ ଆହତ ହୋଇଛନ୍ତି । ଫଳରେ ଘଟଣାସ୍ଥଳରୁ ଚମ୍ପଟ ମାରିଥିଲେ ଡ୍ରାଇଭର ଓ ହେଲ୍ପର ।
