ପ୍ରମୁଖ ଖବର
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଭୋଟିଂ ସମୟରେ ଛତିଶଗଡରେ ନକ୍ସଲ ଆକ୍ରମଣ, ପ୍ରେସର ବୋମା ବିସ୍ଫୋରଣରେ CRPF ର ସହକାରୀ କମାଣ୍ଡାଣ୍ଟ ଆହତ...

ନୂଆଦିଲ୍ଲୀ: ମତଦାନ ସମୟରେ ଛତିଶଗଡର ବିଜାପୁର ଜିଲ୍ଲାରେ ନକ୍ସଲ ଆକ୍ରମଣ ହୋଇଛି । ନକ୍ସଲ ମାନଙ୍କ ଦ୍ୱାରା ଲଗାଯାଇଥିବା ଏକ ପ୍ରେସର ବୋମା ବିସ୍ଫୋରଣରେ CRPF ର ଜଣେ ସହକାରୀ କମାଣ୍ଡାଣ୍ଟ ଆହତ ହୋଇଛନ୍ତି । ପୋଲିସ ଅଧିକାରୀ ମାନେ ଏହି ସୂଚନା ଦେଇଛନ୍ତି । ବିଜାପୁର ଜିଲ୍ଲା ବସ୍ତର ଲୋକସଭା ନିର୍ବାଚନ ମଣ୍ଡଳୀରେ ଆସୁଛି, ଯେଉଁଠାରେ ସାଧାରଣ ନିର୍ବାଚନର ପ୍ରଥମ ପର୍ଯ୍ୟାୟ ପାଇଁ ଭୋଟ୍ ଚାଲିଛି । ପୋଲିସ ଅଧିକାରୀ କହିଛନ୍ତି ଯେ, ଜିଲ୍ଲାର ଭୈରମଗଡ ପୋଲିସ ଷ୍ଟେସନ ଅନ୍ତର୍ଗତ ଚିହକା ମତଦାନ କେନ୍ଦ୍ର ନିକଟରେ ଏକ ପ୍ରେସର ବୋମା ବିସ୍ଫୋରଣ ହୋଇଛି । ଏଥିରେ CRPF ସହକାରୀ କମାଣ୍ଡାଣ୍ଟ ମନୁ ଏଚ.ସି ଆହତ ହୋଇଛନ୍ତି । 

ସେ କହିଛନ୍ତି ଯେ ଭୈରମଗଡରେ ସୁରକ୍ଷା ବାହିନୀର କର୍ମଚାରୀ ମାନେ ନକ୍ସଲ ବିରୋଧୀ ଅପରେସନରେ ଥିଲେ। ଯେତେବେଳେ ସେମାନେ ଚିହକା ମତଦାନ କେନ୍ଦ୍ର ନିକଟରେ ଅଭିଯାନ ଜାରି ରଖିଥିଲେ, ସହକାରୀ କମାଣ୍ଡାଣ୍ଟ ମନୁଙ୍କ ପାଦ ଏକ ପ୍ରେସର ବୋମା ଉପରେ ପଡିଯାଇଥିଲା । ଆଉ ଏହି କାରଣରୁ ବୋମା ବିସ୍ଫୋରଣ ହୋଇଥିଲା । ଏହି ଘଟଣାରେ ଅଧିକାରୀଙ୍କ ବାମ ଗୋଡ ଏବଂ ବାମ ହାତରେ ଆଘାତ ଲାଗିଛି । ପୋଲିସ ଅଧିକାରୀ କହିଛନ୍ତି ଯେ ଆହତ ଅଧିକାରୀଙ୍କୁ ପ୍ରଥମେ ସହାୟତା ଦିଆଯିବା ପରେ ସେହି ଅଞ୍ଚଳରୁ ବାହାରକୁ ନିଆଯାଇଛି 

ସୂଚନାଥାଉକି, ବସ୍ତର ଲୋକସଭା କ୍ଷେତ୍ର ଅଧିନରେ ପାଖାପାଖି ଆଠଟି ବିଧାନସଭା ନିର୍ବାଚନ ମଣ୍ଡଳୀ ଆସୁଛି । ଏଥିମଧ୍ୟରୁ କୋଣ୍ଡାଗାଂବ, ନାରାୟଣପୁରଚିତ୍ରକୋଟ, ଦାଣ୍ଟେୱାଡାବିଜାପୁରକୋଣ୍ଟା ଏବଂ ଜଗଦଲପୁରର ୭୨ ମତଦାନ କେନ୍ଦ୍ରରେ ସକାଳ  ଟାରୁ ମତଦାନ ଆରମ୍ଭ ହୋଇଥିଲା । ବସ୍ତର ଅଞ୍ଚଳରେ ସମୁଦାୟ ୧୪ ଲକ୍ଷ ୭୨ ହଜାର ୨୦୭ ଭୋଟର ଅଛନ୍ତିସେମାନଙ୍କ ମଧ୍ୟରୁ ୭ ଲକ୍ଷ ୭୧ ହଜାର ୬୭୯ ମହିଳା ଏବଂ ୭ ଲକ୍ଷ ୪୧୬ ପୁରୁଷ ଭୋଟର ଅଛନ୍ତି । ଏହି ଅଞ୍ଚଳରେ ମୋଟ ୧୯୬୧ ମତଦାନ କେନ୍ଦ୍ର ସ୍ଥାପନ କରାଯାଇଛି । ବସ୍ତର ଅଞ୍ଚଳର ପୋଲିସ୍ ଏସପି ସୁନ୍ଦରରାଜ ପି କହିଛନ୍ତି ଯେ, ଶାନ୍ତିପୂର୍ଣ୍ଣ ଭୋଟ୍ ପାଇଁ ଏହି ଅଞ୍ଚଳରେ ୬୦ ହଜାରରୁ ଅଧିକ ସୁରକ୍ଷା ବାହିନୀ ନିୟୋଜିତ ହୋଇଛନ୍ତି । 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.