କଟକ ୦୩/୦୫: କଟକରେ ହେଭିୱେଟଙ୍କ ପ୍ରାର୍ଥୀ ଭରିଲେ ନାମାଙ୍କନ।  କଟକ କଲେକ୍ଟୋରେଟ୍‌ କାର୍ଯ୍ୟାଳୟ ନିକଟ ଉଚ୍ଛୁଳିଲା ଗହଳି।ନେତା,କର୍ମୀଙ୍କ ଶୋଭାଯାତ୍ରା ଏବଂ ଜିନ୍ଦାବାଦ୍‌ ଧ୍ୱନିରେ କମ୍ପିଲା ପରିବେଶ ।ବିଶାଳ ପଟୁଆରରେ ଶତାଧିକ ସହକର୍ମୀଙ୍କ ସହ ଆସି ପ୍ରାର୍ଥିପତ୍ର ଦାଖଲ କରିଛନ୍ତି ବିଭିନ୍ନ ଦଳର ନେତା। କଟକ ବିଜେପି ଲୋକସଭା ପ୍ରାର୍ଥୀ ଭର୍ତ୍ତୃହରି ମହତାବ ଜିଲ୍ଲାପାଳ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି। ସେହିଭଳି ବିଜେଡି ଲୋକସଭା ପ୍ରାର୍ଥୀ ସଂତୃପ୍ତ ମିଶ୍ର ମଧ୍ୟ ବିରାଟ ପାଟ ପଟୁଆରେ ଆସି ଜିଲ୍ଲାପାଳଙ୍କ ନିକଟରେ ନୋମିନେସନ୍ ଭରିଛନ୍ତି।  

ଏକାମ୍ର ନିର୍ବାଚନମଣ୍ଡଳୀ ପାଇଁ ନାମାଙ୍କନ ଭରିବେ ବିଜେପିର ବାବୁ ସିଂ ଓ ବିଜେଡିର ଆଶୋକ ପଣ୍ଡା

ଅନ୍ୟପଟେ କଟକ ବାରବାଟୀରୁ କଂଗ୍ରେସ ବିଧାନସଭା ପ୍ରାର୍ଥୀ ସୋଫିଆ ଫିର୍ଦ୍ଦୋସ୍ ଏବଂ ଚୌଦ୍ୱାର-କଟକ ବିଜେଡି ପ୍ରାର୍ଥୀ ସୌଭିକ ବିଶ୍ୱାଳ ନାମାଙ୍କନ ଦାଖଲ କରିଛନ୍ତି। ଚୌଦ୍ୱାର-କଟକ ବିଜେପି ପ୍ରାର୍ଥୀ ନୟନ କିଶୋର ମହାନ୍ତି ମଧ୍ୟ ନାମାଙ୍କନପତ୍ର ଦାଖଲ କରିଛନ୍ତି। ଚୌଦ୍ୱାର-କଟକ କଂଗ୍ରେସ ପ୍ରାର୍ଥୀ ମୀରା ମଲ୍ଲିକ ମଧ୍ୟ ପ୍ରାର୍ଥିପତ୍ର ଦାଖଲ କରିଛନ୍ତି।

ଉତ୍ତର ଭୁବନେଶ୍ୱର ଆସନ ପାଇଁ ନାମାଙ୍କନ ଭରିବେ ବିଜେପି ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର

କଟକ ସଦର ନିର୍ବାଚନ ମଣ୍ଡଳୀ ବିଜେଡି ବିଧାୟକ ପ୍ରାର୍ଥୀ ଚନ୍ଦ୍ରସାରଥି ବେହେରା ନିଜ ସମର୍ଥକଙ୍କ ସହ ଆସି ପ୍ରାର୍ଥିପତ୍ର ଦାଖଲ କରିଛନ୍ତି। ସେହିପରି କଟକ ସଦର ନିର୍ବାଚନ ମଣ୍ଡଳୀର ବିଜେପି ପ୍ରାର୍ଥୀ ପ୍ରକାଶ ସେଠୀ ନାମାଙ୍କନପତ୍ର ଦାଖଲ କରିଛନ୍ତି।