ଭୁବନେଶ୍ୱର ୨୬/୦୫: ବଙ୍ଗୋପସାଗର ଭୀଷଣ ବାତ୍ୟାର ରୂପ ନେଲା 'ରେମାଲ' । ଅଧିକ ଘନୀଭୂତ ହୋଇ ଭୀଷଣ ବାତ୍ୟାରେ ପରିଣତ ହୋଇଛି। ଆଜି ମଧ୍ୟରାତ୍ରିରେ ବାଂଲାଦେଶ ଓ ପଶ୍ଚିମବଙ୍ଗ ଉପକୂଳ ସଂଲଗ୍ନ ସାଗର ଦ୍ୱୀପ ଓ ଖେପୁପରା ମଝିରେ ଏହା ଲ୍ୟାଣ୍ଡଫଲ୍ କରିବ ବୋଲି ପାଣିପାଗ ବିଭାଗ (ଆଇଏମ୍ଡି) ପୂର୍ବାନୁମାନ କରିଛି । ବାତ୍ୟା ରେମାଲ୍ ଲ୍ୟାଣ୍ଡଫଲ୍ କରିବା ସମୟରେ ୧୧୦ରୁ ୧୨୦ କିମି ବେଗରେ ପବନ ବହିପାରେ । ପବନର ଝଟ୍କା ୧୩୫ କିମି ଯାଏ ଅନୁଭୂତ ହେବ । ବାତ୍ୟା ପ୍ରଭାବରେ ପଶ୍ଚିମବଙ୍ଗରେ ପ୍ରବଳରୁ ଅତି ପ୍ରବଳ ବର୍ଷା ହେବ । ବାତ୍ୟାକୁ ଦୃଷ୍ଟି ରଖି ଦକ୍ଷିଣ -ପୂର୍ବ ରେଲୱେ ପକ୍ଷରୁ ୬ ଟି ଟ୍ରେନ୍ ବାତିଲ ଘୋଷଣା କରାଯାଇଛି।
ରେଲୱେ ସୂଚନା ମୁତାବିକ, ବାତ୍ୟା ପାଇଁ ବାତିଲ୍ ହୋଇଥିବା ୬ ଟ୍ରେନ୍ ମଧ୍ୟରୁ ୨ଟି ଏକ୍ସପ୍ରେ, ଦୁଇଟି ମେମୁ ଏବଂ ୪ଟି ଇଏମ୍ୟୁ। ସୀମାରେ କିଛି ଟ୍ରେନରୁ ଯାତ୍ରୀ ସଂଖ୍ୟା ହ୍ରାସ କରାଯାଇଛି। ଖଡ଼କପୁରରେ ଅଟକିବ ପୁରୀ-ଦୀଘା ସପ୍ତାହିକ ଏକ୍ସପ୍ରେସ୍। ଦୁଇଟି ଟ୍ରେନ୍ ସୀମାରେ ଅଟକି ଥିବା ବେଳେ କିଛି ଟ୍ରେନ୍କୁ ରୁଟ୍ ପରିବର୍ତ୍ତନ କରାଯାଇଥିବା ସୂଚନା ମିଳିଛି।