କାଶୀପୁର, ୨୮।୧୧ : କାଶୀପୁର ବ୍ଲକ ଟିକିରି ଥାନା ପୁଲିସ ସ୍ଥାନୀୟ ହନୁମାନ ମନ୍ଦିର ରାସ୍ତା ପାର୍ଶ୍ୱରୁ ଏକ ଝୁଲନ୍ତା ମୃତଦେହକୁ ଉଦ୍ଧାର କରିଛି । ମୃତ ବ୍ୟକ୍ତି ଜଣକ ହେଲା ବାଲେଶ୍ଵର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ବରଦା ବାସିନ୍ଦା ଖଗେଶ୍ୱର ଜେନା । ସେ ମେଣ୍ଟା ନାନ୍ସ କମ୍ପାନୀ ଜେସିପିଏଲ ରେ କାର୍ଯ୍ୟ କରୁଛନ୍ତି।
ବାଲେଶ୍ଵର ଜିଲ୍ଲା ସିମୁଳିଆ ଥାନା ଅନ୍ତର୍ଗତ ବରଦା ବାସିନ୍ଦା ଖଗେଶ୍ୱର ଜେନା ଓ ପୁଅ ଭବାନୀ ଶଙ୍କର ସହିତ ଟିକିରି ର ଏକ ଭଡ଼ା ଘରେ ରହୁଥିଲେ ।କିନ୍ତୁ ସୋମବାର ସକାଳେ ଖଗେଶ୍ୱର ଘରୁ ବାହାରି ଘରକୁ ଫେରି ନ ଥିଲେ ।ବାପା କମ୍ପାନୀ ଡିଉଟିରେ ରହିଥିବେ ଭାବି ପୁଅ ଏକ ପ୍ରକାର ନିଶ୍ଚିନ୍ତରେ ରହିଥିଲେ । କିନ୍ତୁ ଆଜି ବାପା ଖଗେଶ୍ୱରଙ୍କ ମୃତ ଦେହ ଟିକିରି ହନୁମାନ ମନ୍ଦିର ରାସ୍ତାର ଏକ ଗଛ ରେ ଝୁଲୁ ଥିବାର ଖବର ପାଇଥିଲେ। ଭବାନୀ ଶଙ୍କର ଘଟଣା ସ୍ଥଳକୁ ଯାଇ ବାପାଙ୍କ ମୃତଦେହକୁ ଚିହ୍ନଟ କରିଥିଲା । ପରେ ଘଟଣା ସମ୍ପର୍କରେ ଟିକିରି ଥାନାରେ ଏତଲା ଦେବା ପରେ ପୁଲିସ ସାଣ୍ଟିଫିକ ଟିମ ଦ୍ଵାରା ଏହାର ତଦନ୍ତ ଆରମ୍ଭ କରିଛି ।
ଆଜକୁ ପ୍ରାୟ ସାତ ବର୍ଷ ହେଲା ଖଗେଶ୍ୱର ସ୍ଥାନୀୟ ୟୁଏ ଆଇ ଏଲ ଅଧୀନସ୍ଥ ମେଣ୍ଟା ନାନ୍ସ କମ୍ପାନୀ ଜେପିସିଏଲ ଜଣେ କର୍ମଚାରୀ ଭାବେ କାର୍ଯ୍ୟ କରୁଛନ୍ତି। ସାନ ପୁଅଭବାନୀ ଶଙ୍କରଙ୍କୁ ଏକ ବର୍ଷ ହେଲା ନିଜ ପାଖରେ ରଖିଥିଲେ ।ପୁଅ ମଧ୍ୟ ଟିକିରିର ଏକ ମୋବାଇଲ ଦୋକାନ ରେ କାମ କରି ରୋଜଗାର କରୁଛି ।
ହସଖୁସି ମିଜାଜରେ ରହୁ ଥିବାଏବଂ ଉତ୍ତମ ସ୍ୱଭାବର ଏହି ଲୋକଟି ହଠାତ କାହିଁକି ଆତ୍ମହତ୍ୟା ଭଳି ନିଷ୍ପତ୍ତି ନେଲେ ଏକଥା ଆମେ କଳ୍ପନା କରି ପାରୁ ନାହୁଁ ବୋଲି ଜେସି ପିଏଲର ସହକର୍ମୀ ଏବଂ ମ୍ୟାନେଜର ଆର କେ ପଣ୍ଡା କହିଛନ୍ତି । ଏହି ଘଟଣାରେ ଏକ ମାମଲା ରୁଜୁ କରାଯାଇ ମୃତଦେହ ବ୍ୟବଚ୍ଛେଦ ପରେ କମ୍ପାନୀର ସହାୟତାରେ ଖଗେଶ୍ୱର ଙ୍କ ମୃତ ଦେହକୁ ତାଙ୍କ ନିଜ ଗ୍ରାମକୁ ପଠାଇବାର ବ୍ୟବସ୍ଥା କରାଯାଇଛି ବୋଲି ଟିକିରି ଥାନା ଅଧିକାରୀ ବିଶ୍ୱ ବନ୍ଦିନୀ ବାଗ କହିଛନ୍ତି ।
ଆହୁରି ପଢନ୍ତୁ : ବିଦ୍ୟୁତ କାର୍ଯ୍ୟାଳୟରୁ ତାର ଓ ଖୁଣ୍ଟ ଚୋରି : ୩ ଗିରଫ