ସୁବର୍ଣ୍ଣପୁର,୧୪/୦୯: ନାଳରେ ଭାସୁଛି ମଲା କୁକୁଡ଼ା । ଉକ୍ତ କୁକୁଡ଼ାଙ୍କୁ ବାର୍ଡ ଫ୍ଲୁ ହୋଇଥିବାରୁ ନାଳରେ ଫିଙ୍ଗି ଦିଆଯାଇଥିବାର ସନ୍ଦେହ କରାଯାଉଛି । ସୁବର୍ଣ୍ଣପୁର ଜିଲ୍ଲା ଅର୍ଜୁନପୁର- ବୁର୍ଡା ରାସ୍ତାର ସାନକଦଳିପାଲି ଛକ ନିକଟରେ ଥିବା ବାରପାହାଡର ଏକ ନାଳରେ ଏଭଳି ଦୃଶ୍ୟ ଦେଖିବାକୁ ମିଳିଛି । 

ସୂଚନା ମୁତାବକ, ବାରପାହାଡର ଏକ ନାଳରେ କିଛି ମଲା କୁକୁଡ଼ା ପଡିଥିବାର ଦେଖିବାକୁ ମିଳିଥିଲା । ତେବେ ଏହି ନାଳ ନିକଟରେ ଅନେକ ଗୁଡ଼ିଏ କୁକୁଡ଼ା ଫାର୍ମ ରହିଥିବାବେଳେ କିଏ ଏବଂ କାହିଁକି  ମଲା କୁକୁଡ଼ାକୁ ନାଳରେ ପକାଇଛି ତାହା ସ୍ପଷ୍ଟ ଜଣାପଡ଼ିନାହିଁ । ଏହା ସ୍ଥାନୀୟଅଞ୍ଚଳର ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି । ଚାରିଆଡ଼େ ବାର୍ଡ ଫ୍ଲୁ ବ୍ୟାପିଥିବା ବେଳେ ଏଭଳି ଭାବରେ ମଲା କୁକୁଡ଼ା ନାଳରେ ପଡ଼ିଥିବାରୁ ଏହା ଲୋକଙ୍କ ମନରେ ସନ୍ଦେହ ସୃଷ୍ଟି କରିଛି । ତେବେ ଏହି ମଲା କୁକୁଡ଼ା ପାଣିରେ ଭାସୁ ଥିବାରୁ ଉକ୍ତ ଅଞ୍ଚଳ ଦୂର୍ଗନ୍ଧରେ ଫାଟି ପଡୁଥିବାବାଳେ ପାଣି ଦୂଷିତ ହେବାର ଆଶଙ୍କା କରିଛନ୍ତି ସ୍ଥାନୀୟ ଲୋକେ ।