ନୂଆଦିଲ୍ଲୀ : ମଦ ଦୁର୍ନୀତିରେ ଜଡ଼ିତ ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆବେଦନରେ ବୁଧବାର ହାଇକୋର୍ଟରେ ଶୁଣାଇ ହେବାକୁ ଯାଉଛି। ଅରବିନ୍ଦ କେଜ୍ରିୱାଲ ନିଜର ଗିରଫଦାରୀ ବିରୋଧରେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ସେ ନିଜର ଗିରଫକୁ ସୁପ୍ରିମକୋର୍ଟରେ ବି ଚ୍ୟାଲେଞ୍ଜ ଦେଇଥିଲେ, କିନ୍ତୁ ଶୁଣାଣିର ଠିକ୍‌ ପୂର୍ବରୁ ଆବେଦନ ଫେରେଇ ନେଇ ଥିଲେ। 

ଅରବିନ୍ଦ କେଜ୍ରିୱାଲ ଗିରଫଦାରୀକୁ ଚ୍ୟାଲେଞ୍ଜ ଦେଇ ଶନିବାର ଦିଲ୍ଲୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ଏବଂ ତୁରନ୍ତ ଶୁଣାଣି ଦାବି କରି ଥିଲେ। କିନ୍ତୁ ହୋଲି ଛୁଟି କାରଣରୁ ଏମିତି ହୋଇ ପାରି ନାହିଁ। କେଜ୍ରିୱାଲ ନିଜର ପିଟିସନରେ ଦଲିଲ ଦେଇଛନ୍ତି କି ତାଙ୍କର ଗିରଫଦାରୀ ଓ ହେପାଜତ ଅବୈଧ ଥିଲା ଏବଂ ସେ ତୁରନ୍ତ ହେପାଜତରୁ ମୁକ୍ତ ହେବାକୁ ହକଦାର। ବିଚାରପତି ସ୍ୱର୍ଣ୍ଣ କାନ୍ତା ଶର୍ମାଙ୍କର ବେଞ୍ଚ ସାମନାରେ ପିଟିସନକୁ ସୂଚୀବଦ୍ଧ କରି ଦିଆ ଯାଇଛି। 

୨୧ ମାର୍ଚ୍ଚରେ ଗିରଫ କରାଯାଇଥିବା କେଜ୍ରିୱାଲଙ୍କୁ ତଳ କୋର୍ଟ ଶୁକ୍ରବାର କେଜ୍ରିୱାଲଙ୍କୁ ୨୮ ମାର୍ଚ୍ଚ ଯାଏ ଇଡି ହେପାଜତକୁ ପଠାଇ ଥିଲେ। କେଜ୍ରିୱାଲ ଏହା ପୂର୍ବରୁ ୨୧ ମାର୍ଚ୍ଚରେ ଗିରଫଦାରୀ ଉପରେ ରୋକ୍ ଦାବିକୁ ନେଇ ହାଇକୋର୍ଟରେ ପହଞ୍ଚି ଥିଲେ। ହାଇକୋର୍ଟଙ୍କର ମନା କରିବାର କିଛି ଘଣ୍ଟା ପରେ ଇଡିର ଟିମ୍‌ ତାଙ୍କର ଆବାସରେ ପହଞ୍ଚି ଥିଲେ ଏବଂ ଗିରଫ କରି ନେଇ ଥିଲେ।