ନୂଆଦିଲ୍ଲୀ: ରାଜଧାନୀ ଦିଲ୍ଲୀର କୃଷ୍ଣ ନଗର ଅଞ୍ଚଳରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଛି । ଏଥି ସହ ୧୦ ଜଣ ଆହତ ହୋଇଛନ୍ତି । ସୂଚନା ମୁତାବକ ଚାରି ମହଲା କୋଠାର ପାର୍କିଂ ସ୍ଥାନରେ ପାର୍କିଂ ହୋଇଥିବା ବାଇକରେ ନିଆଁ ଲାଗିଯାଇଥିଲା । ଆଉ ଏହା ପରେ କୋଠାର ପ୍ରଥମ ମହଲାରେ ନିଆଁ ବ୍ୟାପିଗଲା ଏବଂ ପରେ ପୁରା ଘରକୁ ଜଳିଗଲା। 

ଦିଲ୍ଲୀ ପୋଲିସର ସୂଚନାନୁସାରେ, ଏହି ଦୁର୍ଘଟଣା ଶନିବାର ବିଳମ୍ବିତ ରାତିରେ ଘଟିଛି । କୃଷ୍ଣ ନଗର ବ୍ୟାଙ୍କ ଅଫ୍ ଇଣ୍ଡିଆ ନିକଟ ଛକ କୋଠାରେ ଘଟିଛି । ନିଆଁ ଏତେ ଭୟଙ୍କର ଥିଲା ଯେ ଲୋକମାନେ ଚିତ୍କାର କରିବାକୁ ଲାଗିଲେ। କୋଠାରୁ ନିଆଁ ଓ ଧୂଆଁ ଉଠୁଥିବା ଦେଖି ସମଗ୍ର ଅଞ୍ଚଳରେ ଆତଙ୍କ ଖେଳିଗଲା ଏବଂ ଲୋକମାନେ ଭୟଭୀତ ହୋଇଥିଲେ । ଏହି ଦୁର୍ଘଟଣାରେ ଜଳିଯିବା କାରଣରୁ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ଘଟଣା ସମ୍ପର୍କରେ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚିଥିବା ଅଗ୍ନିଶମ ବାହିନୀ ଦଳ କୌଣସି ପ୍ରକାରେ ନିଆଁକୁ ନିୟନ୍ତ୍ରଣ କରିଥିଲେ।