ପ୍ରମୁଖ ଖବର
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଦିଗପହଣ୍ଡିରେ ଜମିନି ପ୍ରଚାର: ବ୍ରହ୍ମପୁରରେ ବିପ୍ଳବଙ୍କ ବୈଠକ, ମଇଦାନ୍‌କୁ ଆସିନାହାନ୍ତି ସିଦ୍ଧାନ୍ତ

ବ୍ରହ୍ମପୁର,୦୯/୦୪: ପାଞ୍ଚ ବର୍ଷ ପରେ ଆସିଛି  ସାଧାରଣ ନିର୍ବାଚନ । ଏବେ ନେତା ଯିବେ ଜନତାଙ୍କ ପାଖକୁ ।  ନିବେଦନ କରିବେ । ଆଉ ଭୋଟ ମାଗିବେ । ହେଲେ  ଦିଗପହଣ୍ଡି ନିର୍ବାଚନ ମଣ୍ଡଳିରେ ଓଲଟା ପରିସ୍ଥିତି  ଦେଖିବାକୁ ମିଳିଛି । ଏଠାରେ ନେତାଙ୍କ ପାଖକୁ ଆସୁଛନ୍ତି  ଜନତା । ବିଜେଡି ଏଠାରେ ପୂର୍ବତନ ମନ୍ତ୍ରୀ ସ୍ୱର୍ଗତ ସୂର୍ଯ୍ୟନାରାୟଣ ପାତ୍ରଙ୍କ ପୁଅ ବିପ୍ଲବଙ୍କୁ ପ୍ରାର୍ଥୀ କରିଛି । ସେପଟେ ବିପ୍ଲବଙ୍କୁ ଏଠାରେ କିଛି ପୁରୁଣା ନେତା ବିରୋଧ କରୁଥିବାରୁ ତାହାର ଫାଇଦା ନେବାକୁ ବିଜେପି ଏଠାରେ ଓଡ଼ିଆ ସିନେ ଷ୍ଟାର୍‌ ସିଦ୍ଧାନ୍ତ ମହାପାତ୍ରଙ୍କୁ ପ୍ରାର୍ଥୀ କରିଛି । ଦୁଇଜଣଙ୍କ ଭିତରେ ଭଲ ସମ୍ପର୍କ ଥିବା ଲୋକ ଆଲୋଚନା କରୁଛନ୍ତି । ହେଲେ ଏବେ ନିର୍ବାଚନ ମଇଦାନରେ ଉଭୟଙ୍କ ଭିତରେ ଦମଦାର ଲଢ଼େଇ ହେବ ବୋଲି  ଆଶା କରାଯାଉଛି । କିନ୍ତୁ ଏହି ଦୁଇ ନେତାଙ୍କ ନିର୍ବାଚନ ମଣ୍ଡଳିରେ ବିଶେଷ ଦେଖିବାକୁ ମିଳୁନାହିଁ । ଟିକଟ ଘୋଷଣା ପରେ ପରେ ବିପ୍ଲବ ଏଠାରେ ଲୋକଙ୍କ ପାଖରେ ପହଞ୍ଚି  ଭୋଟ ପ୍ରଚାର କରିଥିଲେ । ଏବେ କିନ୍ତୁ ସେ ଏରିଆକୁ  ଯିବା ପରିବର୍ତ୍ତେ ବ୍ରହ୍ମପୁରରେ ବୈଠକ କରୁଛନ୍ତି । ପୁରୁଣା ବସ୍‌ଷ୍ଟାଣ୍ଡରେ ସେ ଏକ ହୋଟେଲ୍‌ରେ ବୈଠକ କରୁଥିଲେ । ସଂପୃକ୍ତ ହୋଟେଲ୍‌ ମାଲିକ ବିଜେପିରେ ଯୋଗ ଦେବା  ପରେ ଏବେ ପଡୋଶୀରେ ଥିବା ଆଉ ଏକ ତାରକା  ହୋଟେଲ୍‌ରେ ବୈଠକ କରୁଛନ୍ତି । ଗଞ୍ଜାମର ଅଧିକାଂଶ  ଅଞ୍ଚଳରେ ବିଜେଡି ପ୍ରାର୍ଥୀ ମାନେ ନିଜ ନିର୍ବାଚନ ମଣ୍ଡଳୀରେ  ବୈଠକ ସହ ଅନ୍ୟାନ୍ୟ କାର୍ଯ୍ୟକ୍ରମ ଆୟୋଜନ କରୁଛନ୍ତି ।  କିନ୍ତୁ ଦିଗପହଣ୍ଡି ନିର୍ବାଚନ ମଣ୍ଡଳୀ ବୈଠକ ବ୍ରହ୍ମପୁରରେ  ହେଉଥିବା ଦେଖିବାକୁ ମିଳିଛି ।

ଏହି ନିର୍ବାଚନ  ମଣ୍ଡଳୀ ଭୀଷ୍ମଗିରି ଅଞ୍ଚଳର କର୍ମୀଙ୍କୁ ନେଇ ବୈଠକ  ଆୟୋଜନ କରିଥିଲେ ବିପ୍ଲବ । ପୂର୍ବରୁ କୁକୁଡାଖଣ୍ଡି ବ୍ଲକ୍‌  କର୍ମୀଙ୍କୁ ନେଇ ଏଠାରେ ନିର୍ବାଚନୀ ବୈଠକ ହୋଇଥିବା  ବେଳେ ଆଗାମୀ ଦିନରେ ଦିଗପହଣ୍ଡି ବ୍ଲକ୍‌ର ବିଭିନ୍ନ  ପଞ୍ଚାୟତର ବୈଠକ ରହିଛି । ବିଜେପି ପ୍ରାର୍ଥୀ ସିଦ୍ଧାନ୍ତ ମହାପାତ୍ର ବି ଦିଗପହଣ୍ଡି  ଆସିନାହାନ୍ତି । ସେ ଭୁବନେଶ୍ୱରରେ ରହି ନିର୍ବାଚନ  ରଣକୌଶଳ ପ୍ରସ୍ତୁତ କରୁଛନ୍ତି ।ବିଜେପିରେ ସାମିଲ  ହେବା ପରେ ଏବଂ ପ୍ରାର୍ଥୀ ଘୋଷଣା ପୂର୍ବରୁ ଥରେ ସିଦ୍ଧାନ୍ତ  ଦିଗପହଣ୍ଡି ଆସିଥିଲେ । ସେ ବିଜେପି ସାଂସଦ ପ୍ରାର୍ଥୀ ପ୍ରଦୀପ କୁମାର ପାଣିଗ୍ରାହୀଙ୍କ ବୈଠକରେ ଯୋଗ  ଦେଇଥିଲେ । ତା’ପରଠୁ ସିଦ୍ଧାନ୍ତଙ୍କୁ ଦିଗପହଣ୍ଡିରେ  ଦେଖିବାକୁ ମିଳିନାହିଁ । ଜଣେ ନେତା ବ୍ରହ୍ମପୁରରେ  ରହି ଗୋଟି ଚାଳନା କରୁଥିବା ବେଳେ ଆଉ ଜଣେ  ଭୁବନେଶ୍ୱରରେ ନିର୍ବାଚନ ରଣନୀତି ପ୍ରସ୍ତୁତ  କରୁଛନ୍ତି । ସେପଟେ କଂଗ୍ରେସ ଏଠାରୁ ପ୍ରାର୍ଥୀ ଘୋଷଣା  କରିନାହିଁ । ନିର୍ବାଚନ ପ୍ରଚାର ମାହୋଲ ଦିଗପହଣ୍ଡିରେ  ବିଶେଷ ଭାବେ ଜମି ନାହିଁ । 

ସୂଚନାଯୋଗ୍ୟ ଦିଗପହଣ୍ଡି ନିର୍ବାଚନମଣ୍ଡଳୀ ଗଠନ  ହେବା ପରଠୁ ସୂର୍ଯ୍ୟ ନାରାୟଣ ପାତ୍ର ଏଠାରୁ ବିଧାୟକ  ହୋଇ ଆସୁଛନ୍ତି । ତାଙ୍କ ଦେହାନ୍ତ ପରେ ଏବେ ବିଜେଡି  ବିପ୍ଲବଙ୍କୁ ଟିକଟ ଦେଇଛନ୍ତି । ତାଙ୍କ ପାଇଁ ଏହା ଏକ ବଡ଼  ପରୀକ୍ଷା କହିଲେ ଭୁଲ ହେବ ନାହିଁ । ସେପଟେ ସିଦ୍ଧାନ୍ତ  ମହାପାତ୍ର ମଧ୍ୟ ବିଜେଡି ଛାଡି ଏବେ ବିଜେପିରୁ ଏଠାରେ  ଲଢ଼ୁଛନ୍ତି । ବିଜେଡି ଟିକଟରେ ସେ ବ୍ରହ୍ମପୁର ଲୋକସଭା  ଆସନରେ ଦୁଇଥର ସାଂସଦ ହୋଇଛନ୍ତି । ଏବେ ବିଜେପି  ଟିକଟ ପାଇ ଦିଗପହଣ୍ଡିରୁ ଲଢ଼ୁଛନ୍ତି । ତାଙ୍କ ପାଇଁ ମଧ୍ୟ  ଏହା ଏକ ବଡ଼ ପରୀକ୍ଷା ବୋଲି କୁହାଯାଇପାରେ ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.