ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

ବନ୍ଦ କୋଠରୀ ଭିତରୁ ମିଳିଲା ଦୁଇ ନାବାଳକ ଭାଇ ଉଉଣୀଙ୍କ ମୃତଦେହ, ରକ୍ତ ଜୁଡୁବୁଡୁ ଅବସ୍ଥାରେ ମା' ଉଦ୍ଧାର...

ନୂଆଦିଲ୍ଲୀ: କୋଠରୀ ଭିତରୁ ମିଳିଲା ଦୁଇ ନାବାଳକ ଭାଇ ଉଉଣୀଙ୍କ ମୃତଦେହ । ରାଜଧାନୀ ଦିଲ୍ଲୀରେ ଏହି ସମ୍ବେଦନଶୀଳ ଘଟଣା ସାମ୍ନାକୁ ଆସିଛି । ଆଜି (ଶନିବାର) ପୂର୍ବ ଦିଲ୍ଲୀର ଶଶି ଗାର୍ଡନ ଅଞ୍ଚଳରୁ ଦୁଇ ଭାଇଭଉଣୀଙ୍କ ମୃତଦେହ ମିଳିଛି । ଶଶି ଗାର୍ଡନର ଗଳି ନମ୍ବର ୬ ର ଏକ ଘରୁ ଏମାନଙ୍କୁ ମିଳିଛି । ମୃତ ଦୁଇ ଭାଇଉଭଣୀଙ୍କ ସହ ଜଣେ ମହିଳାଙ୍କୁ ମଧ୍ୟ ସେହି ସ୍ଥାନରୁ ଉଦ୍ଧାର କରାଯାଇଛି, ଯିଏକି ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲେ । ଏହି ମହିଳା ଜଣକ ମୃତ ପିଲା ମାନଙ୍କର ମା ବୋଲି କୁହାଯାଉଛି । ସ୍ଥାନୀୟ ଲୋକ ମାନେ ଗୁରୁତର ଆହତ ମହିଳାଙ୍କୁ ଡାକ୍ତରଖାନାରେ ଭର୍ତ୍ତି କରିଛନ୍ତି । ଏ ସମ୍ପର୍କରେ ପୋଲିସକୁ ସୂଚନା ଦିଆଯାଇଥିଲା। ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।

ଏହି ମାମଲା ସମ୍ପର୍କରେ ଅଧିକ ସୂଚନା ଦେଇ ପୋଲିସ କହିଛି ଯେ, ଶନିବାର ଅପରାହ୍ନ ୨ଟାରେ ଶଶି ଗାର୍ଡେନ୍ ଅଞ୍ଚଳରେ ୪୨ ବର୍ଷିୟ ଶ୍ୟାମ ଜୀ ନିଖୋଜ ହେବା ବିଷୟରେ PCR ସୂଚନା ପାଇଥିଲା । ଶୁକ୍ରବାର ଠାରୁ ତାଙ୍କ ଘର ତାଲା ପଡ଼ିଥିଲା । ଏ ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା। ତାଙ୍କ ଘର ବାହାରେ ତାଲା ପଡିଥିବାର ଦେଖିବାକୁ ମିଳିଥିଲା । 

ପରେ କବାଟ ଖୋଲିବା ପରେ ଜଣାପଡିଥିଲା ଯେ ଦୁଇ ଜଣ ପିଲା କୋଠରୀ ଭିତରେ ମୃତ ଅବସ୍ଥାରେ ପଡ଼ିଛନ୍ତି । ସେଥିମଧ୍ୟରୁ ଜଣେ ୧୫ ବର୍ଷୀୟ ପୁଅ ରହିଥିବା ବେଳେ ଅନ୍ୟ ଜଣେ ୯ ବର୍ଷର ଝିଅ ଥିଲା । ଏହି ସମୟରେ ତାଙ୍କ ମା ’ରକ୍ତରେ ଜୁଡୁବୁଡୁ ହୋଇ ଚେତାଶୂନ୍ୟ ଅବସ୍ଥାରେ ଶୋଇଥିଲେ । ମହିଳା ଏବଂ ଉଭୟ ପିଲାଙ୍କ ମୃତଦେହ ଜବତ କରିବା ପରେ ଡାକ୍ତରଖାନା ନିଆଯାଇଥିଲା । 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.