ନୂଆଦିଲ୍ଲୀ, ୧୨/୯ : ପ୍ରସିଦ୍ଧ ତାମିଲ ଅଭିନେତା ଜୀବାଙ୍କୁ ନେଇ ସାମ୍ନାକୁ ଆସିଲା ବଡ଼ ଖବର । ଯାହା ତାଙ୍କ ଫ୍ୟାନ୍ସଙ୍କୁ ଚକିତ କରିପାରେ । ପ୍ରକାଶ ଯେ, ବୁଧବାର ସନ୍ଧ୍ୟାରେ ଜୀବା ନିଜ ସ୍ତ୍ରୀ ସୁପ୍ରିୟାଙ୍କ ସହ ଚେନ୍ନାଇ ଯାଉଥିଲେ । ସେତେବେଳେ ତାଙ୍କ କାର୍ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣା ତାମିଲନାଡ଼ୁର କଲ୍ଲାକୁରିଚୀରେ ହୋଇଥିଲା । ଦୁର୍ଘଟଣାରେ କାରର ବମ୍ପର ଭାଙ୍ଗି ଯାଇଥିଲା । କିନ୍ତୁ ଫ୍ୟାନ୍ସଙ୍କ ଲାଗି ଆଶ୍ବସ୍ତର କଥା ଏହା କି ଯେ ଏହି ଦୁର୍ଘଟଣାରେ ଜୀବା ଏବଂ ତାଙ୍କ ସୁପ୍ରିୟାଙ୍କୁ ଅଧିକ ଆଘାତ ଲାଗି ନାହିଁ ।

ଏହି ଦୁର୍ଘଟଣାର କିଛି ଫଟୋ ଏବଂ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଅଭିନେତାଙ୍କ ଚେହେରାରେ ମାସ୍କ ଲାଗିଥିବା ନଜର ଆସୁଛି । ଏହାସହ ତାଙ୍କର ଭଙ୍ଗା ଗାଡ଼ି ବି ନଜର ଆସୁଛି । କିନ୍ତୁ ଭିଡ଼ିଓରେ ଅଭିନେତାଙ୍କୁ କୌଣସି ଜଣେ ବ୍ୟକ୍ତିଙ୍କ ଉପରେ ରାଗୁଥିବା ଦେଖାଯାଉଛି । ସାଉଥ ଇଣ୍ଡଷ୍ଟ୍ରୀ ଟ୍ୟାକର ମନୋବାଲା ନିଜ ଏକ୍ସ ହ୍ୟାଣ୍ଡେଲରେ ଦୁର୍ଘଟଣାର ଫଟୋ ଏବଂ ଭିଡ଼ିଓ ସେୟାର କରିଛନ୍ତି । ଏହାସହ ସେ କ୍ୟାପଶନରେ କହିଛନ୍ତି କି ଏହି ଦୁର୍ଘଟଣା କଲ୍ଲାକୁରିଚୀରେ ହୋଇଥିଲା । ଫଟୋ – ଭିଡ଼ିଓରେ ଦେଖାଯାଇପାରେ କି କାରର ବହୁ କ୍ଷତି ହୋଇଛି ।