କଟକ, ୫/୯ : କଟକ ତ୍ରିଶୁଳିଆ ସୁବାଷ ସେତୁ ଉପରେ ମର୍ମନ୍ତୁଦ ଦୁର୍ଘଟଣା । ଏକ ସ୍କୁଟିକୁ ଧକ୍କା ଦେଲା ଅଜଣା ଗାଡି । ଦୁର୍ଘଟଣାରେ ଘଟଣାସ୍ଥଳରେ ଅଲିଶା ବଜାରର ବାପ, ପୁଅଙ୍କର ମୃତ୍ୟୁ ଘଟିଛି । ମୃତକ ହେଲେ ଜୟକୃଷ୍ଣ ଦାସ ଓ ତାଙ୍କ ପୁଅ ଦିଲ୍ଲିପ ଦାସ।

ସୂଚନାଯୋଗ୍ୟ ଯେ, ସୁବାଷ ସେତୁ ଦେଇ ବାପ- ପୁଅ କଟକରୁ ଭୁବନେଶ୍ୱର ଆଡ଼କୁ ଯାଉଥିଲେ । ଏହି ସମୟରେ କୌଣସି ଏକ ଅଜଣା ଗାଡ଼ି ତାଙ୍କ ସ୍କୁଟିକୁ ପଛ ପଟୁ ଧକ୍କା ଦେଇ ଚାଲି ଯାଇଥିଲା । ଫଳରେ ଉଭୟେ ଛିଟିକି ପଡ଼ିଥିଲେ । ସ୍ଥାନୀୟ ଲୋକେ ଏହା ଦେଖି ଗୁରୁତର ଅବସ୍ଥାରେ ଆହତ ବାପ, ପୁଅଙ୍କୁ ଏସସିବି ମେଡ଼ିକାଲକୁ ଆଣିଥିଲେ । ତେବେ ଡାକ୍ତରଖାନାରେ ଉଭୟଙ୍କୁ ମୃତ ଘୋଷଣା କରାଯାଇଛି ।ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।