ନୂଆଦିଲ୍ଲୀ ୧୮/୦୫: ୨୦୨୪ ମହାସଂଗ୍ରାମ ପାଇଁ ପ୍ରଚାର ଚରମରେ ପହଞ୍ଚିଛି । ପଞ୍ଚମ ପର୍ଯ୍ୟାୟ ଭୋଟ୍ ସୋମବାର ଦିନ ପଡ଼ିବ । ଏହାର ୪୮ ଘଣ୍ଟା ପୂର୍ବରୁ ଅର୍ଥାତ୍ ଶନିବାର ସଂଧ୍ୟାରେ ପ୍ରଚାର ଶେଷ ହେବ । ଏହି ପର୍ଯ୍ୟୟାରେ ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳର ମୋଟ୍ ୪୯ ଲୋକସଭା ଆସନରେ ଭୋଟିଂ ହେବ । ଏନେଇ ପୋଲିଂ ପାର୍ଟି ଷ୍ଟ୍ରଙ୍ଗ ରୁମରୁ ଇଭିଏମ୍ ମେସିନ, ଭିଭିପାଟ୍ ଆଜି ସଂଗ୍ରହ କରି ବୁଥ୍ ମୁହାଁ ହେଉଛନ୍ତି । 

ମେ’ ୨୦ ତାରିଖରେ ଉତ୍ତର ପ୍ରଦେଶର ୧୪ ଆସନ, ମହାରାଷ୍ଟ୍ର,ର ୧୩,  ପଶ୍ଚିମବଙ୍ଗର ୭, ବିହାର ଏବଂ ଓଡ଼ିଶାର ୫ଟି ଲେଖାଏଣ ଆସନରେ ମତଦାନ ହେବ । ଏହାଛଡ଼ା ଝାଡ଼ଖଣ୍ଡର ୩, ଜାମ୍ମୁ-କାଶ୍ମୀରର ଏବଂ ଲଦାଖର ଗୋଟିଏ ଲେଖାଏଁ ସିଟ୍ ଭୋଟିଂ ହେବ ।  ପଞ୍ଚମ ପର୍ଯ୍ୟାୟରେ ଯେଉଁ ସବୁ ଆସନରେ ଭୋଟ୍ ହେବ, ସେଠାରେ ୨୦୧୯ ସାଧାରଣ ନିର୍ବାଚନରେ ମୋଟ୍ ୬୨.୦୧ ପ୍ରତିଶତ ଭୋଟିଂ ହୋଇଥିଲା । ପଶ୍ଚିମବଙ୍ଗରେ ସର୍ବାଧିକ ୮୦.୧୩ ପ୍ରତିଶତ ମତଦାନ ହୋଇଥିଲା । ଜାମ୍ମୁ-ଜାଶ୍ମୀରରେ ସର୍ବନିମ୍ନ  ୩୪.୬ ପ୍ରତିଶତ ମତଦାନ ହୋଇଥିଲା ।   

ପଞ୍ଚମ ପର୍ଯ୍ୟାୟରେ ବହୁ ହେଭିଓ୍ବେଟଙ୍କ ଭାଗ୍ୟ ପରୀକ୍ଷା ହେବ । ଲକ୍ଷ୍ନୌ ଲୋକସଭା ଆସନରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ନିର୍ବାଚନ ଲଢୁଛନ୍ତି । ସେହିପରି ଉତ୍ତରପ୍ରଦେଶର ଚର୍ଚ୍ଚିତ ଆସନ ଅମେଠିରୁ କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ଭାଗ୍ୟ ପରୀକ୍ଷା ହେବ । ତାଙ୍କ ବିପକ୍ଷରେ କଂଗ୍ରେସର କେଏଲ ଶର୍ମା ରହିଛନ୍ତି । ସେହିପରି ରାଇବରେଲି ଲୋକସଭା ସିଟରୁ ରାହୁଲ ଗାନ୍ଧିଙ୍କ ଭାଗ୍ୟ ନିର୍ଦ୍ଧାରଣ ହେବ । ରାହୁଲ ଗାନ୍ଧିଙ୍କୁ ଚେକ୍ ଦେଉଛନ୍ତି ଦିନେଶ ପ୍ରତାପ ସିଂହ । ଝାନ୍ସୀ ଆସନରୁ ବିଜେପିର ଅନୁରାଗ ଶର୍ମା ନିର୍ବାଚନ ଲଢ଼ୁଛନ୍ତି । ସେହିପରି ତାଙ୍କ ବିପକ୍ଷରେ କଂଗ୍ରେସରୁ ପ୍ରଦୀପ୍ ଜୈନ ରହିଛନ୍ତି । ଜାମ୍ମୁ-କାଶ୍ମୀରର ବାରମୂଳା ଆସନରୁ ଉମର ଅବଦ୍ଦୁଲାଙ୍କ ଭାଗ୍ୟ ପରୀକ୍ଷା ହେବ । ଏହାଛଡ଼ା ଓଡ଼ିଶାର ୫ ଲୋକସଭା ଆସନରେ ବିଜେପି ପ୍ରାର୍ଥୀ ପ୍ରଦୀପ ପୁରୋହିତ,  ଜୁଏଲ ଓରାମ, ସଙ୍ଗିତା କୁମାରୀ ସିଂହଦେଓ, ସୁକାନ୍ତ କୁମାର ପାଣିଗ୍ରାହୀ, ଅନିତା ଶୁଭର୍ଦଶନୀ ରହିଛନ୍ତି ଷ ତାଙ୍କ ବିରୋଧରେ ବିଜେଡି ପ୍ରାର୍ଥୀ ରହିଛନ୍ତି, ପରିଣିତା ମିଶ୍ର, ଦିଲ୍ଲୀପ ତିର୍କୀ, ସୁରେଶ ଭୋଇ, ଅଚ୍ୟୁତ ସାମନ୍ତ, ରଞ୍ଜିତା ସାହୁ ।