ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ମଧ୍ୟବର୍ତ୍ତୀକାଳୀନ ବଜେଟ୍ ଅଭିଭାଷଣରେ 'ପ୍ରଧାନମନ୍ତ୍ରୀ ସୂର୍ଯ୍ୟୋଦୟ ଯୋଜନା' ଘୋଷଣା କରିଛନ୍ତି । ଏହି ଯୋଜନା ଅଧୀନରେ ଦେଶର ଏକ କୋଟି ପରିବାରକୁ ୩ଶହ ୟୁନିଟ୍ ମାଗଣା ବିଦ୍ୟୁତ୍ ପ୍ରଦାନ କରାଯିବ । ଏଥିପାଇଁ ଘର ଛାତ ଉପରେ ସୌର ପ୍ୟାନେଲ ଲଗାଯିବ । ସୂଚନାଥାଉକି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାମ ମନ୍ଦିରର ଉଦଘାଟନୀ ସମାରୋହରେ ସୂର୍ଯ୍ୟୋଦୟ ଯୋଜନା ଘୋଷଣା କରିଥିଲେ । ଏହାକୁ ଉଲ୍ଲେଖ କରି ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟବର୍ତ୍ତୀ ବଜେଟରେ ଏହି ଯୋଜନା କାର୍ଯ୍ୟକାରୀ କରିବାକୁ ଘୋଷଣା କରିଛନ୍ତି ।
Interim Budget 2024-25 | Union Finance Minister Nirmala Sitharaman says, "Through roof-top solarisation, 1 crore households will be enabled to obtain up to 300 units of free electricity every month. This scheme follows the resolve of the Prime Minister on the historic day of the… pic.twitter.com/PAmRlhFI8z
— ANI (@ANI) February 1, 2024
ଅର୍ଥମନ୍ତ୍ରୀଙ୍କ ଅନୁଯାୟୀ ଏହି ଯୋଜନା ମାଧ୍ୟମରେ ସରକାର ଏକ କୋଟି ପରିବାରକୁ ଛାତର ସୌର ଶକ୍ତି ସୁବିଧା ଯୋଗାଇ ସଶକ୍ତ କରିବାକୁ ଲକ୍ଷ୍ୟ ରଖିଛନ୍ତି । ସେମାନେ ପ୍ରତି ମାସରେ ୩ଶହ ୟୁନିଟ୍ ମାଗଣା ବିଦ୍ୟୁତ୍ ପାଇବେ । ସେ କହିଛନ୍ତି, "ଛାତ ଉପର ସୋଲାରାଇଜେସନ୍ ମାଧ୍ୟମରେ ୧ କୋଟି ପରିବାର ପ୍ରତିମାସରେ ୩ଶହ ୟୁନିଟ୍ ମାଗଣା ବିଦ୍ୟୁତ୍ ପାଇପାରିବେ । ଅଯୋଧ୍ୟାରେ ଶ୍ରୀ ରାମ ମନ୍ଦିରର ପ୍ରାଣପ୍ରତିଷ୍ଠାର ଐତିହାସିକ ଦିନରେ ପ୍ରଧାନମନ୍ତ୍ରୀଙ୍କ ସଂକଳ୍ପ ଏହି ଯୋଜନା ଅଟେ।"
ନିର୍ମଳା ସୀତାରମଣ କହିଛନ୍ତି ଯେ, ଏହି ସ୍ଥାୟୀ ଶକ୍ତି ସମାଧାନ ତୁରନ୍ତ ବିଦ୍ୟୁତର ଆବଶ୍ୟକତାକୁ ପୂରଣ କରିବ। ଏହା ସହିତ ଆମର ପରିବେଶ ମଧ୍ୟ ସୁରକ୍ଷିତ ରହିବ ।
