ଭୁବନେଶ୍ଵର, ୧୦/୦୨ : ଭୁବନେଶ୍ଵର ଇନ୍ଫୋସିଟି ଥାନା ଚନ୍ଦକା ଶିଳ୍ପାଞ୍ଚଳରେ ଥିବା ଲିଙ୍ଗରାଜ ପାଇପ୍ ଗୋଦାମରେ ଅଗ୍ନିକାଣ୍ଡ। ଅଳିଆ ଜାଳିବା ବେଳେ ପାଇପ୍ ରେ ଲାଗିଲା ନିଆଁ। ଘଟଣାସ୍ଥଳରେ ଚନ୍ଦ୍ରଶେଖରପୁର ଦମକଳ ବାହିନୀ ପହଞ୍ଚି ନିଆଁ ଲିଭାଇବାକୁ ଉଦ୍ୟମ ଚଳାଇଛି।
ସୂଚନାନୁଯାୟୀ, ଇନ୍ଫୋସିଟି ଥାନା ଚନ୍ଦକା ଶିଳ୍ପାଞ୍ଚଳରେ ଥିବା ଲିଙ୍ଗରାଜ ପାଇପସ୍ ଗୋଦାମରେ ଥିବା ଅଳିଆ ଗଦାରେ କିଛି ବ୍ୟକ୍ତି ନିଆଁ ଲଗାଇ ଦେଇଥିଲେ। ନିଆଁ କ୍ରମଶଃ ଚାରିଆଡ଼େ ବ୍ୟାପିଥିଲା। ଘଟଣା ସ୍ଥଳରେ ଚନ୍ଦ୍ରଶେଖରପୁର ଦମକଳ ବାହିନୀ ପହଞ୍ଚି ନିଆଁ ଲିଭାଇବାକୁ ଉଦ୍ୟମ ଚଳାଇଛି। ଦୁଇଟି ଦମକଳ ଗାଡ଼ି ନିୟୋଜିତ ହୋଇଛନ୍ତି। ଏପର୍ଯ୍ୟନ୍ତ ଲିଆଁ ଲିଭା କାର୍ଯ୍ୟ ଜାରି ରହିଥିବା ବେଳେ କେହି ଆହାତ ହୋଇ ନଥିବା ଜଣାପଡ଼ିଛି।
