ଭୁବନେଶ୍ୱର, ୭।୭: ଉତ୍କଳ ହସ୍ପିଟାଲରେ ପ୍ରଥମ ଥର ଜଟିଳ ବୋନ୍ ମ୍ୟାରୋ ଟ୍ରାନ୍ସପ୍ଲାଣ୍ଟ ଚିକିତ୍ସା ସଫଳତା । ଭୁବନେଶ୍ୱର ନୀଳାଦ୍ରି ବିହାରସ୍ଥିତ ରାଜ୍ୟର ପ୍ରମୁଖ ସୁପର ମଲ୍ଟି ସ୍ପେଶାଲିଟି ଉତ୍କଳ ହସ୍ପିଟାଲରେ ପ୍ରଥମ ଥର ପାଇଁ ବୋନ୍ ମ୍ୟାରୋ ଟ୍ରାନ୍ସପ୍ଲାଣ୍ଟ ସଫଳତାର ସହ ସମ୍ପନ୍ନ ହୋଇଛି । ଏହାମଧ୍ୟରେ ରୋଗୀ ଡାକ୍ତରଖାନାରୁ ସୁସ୍ଥ ହୋଇ ଘରକୁ ଫେରିଛନ୍ତି ।
ପୀଡ଼ିତଙ୍କ ନାଁ ବଳରାମ ସ୍ୱାଇଁ ବୋଲି ଜଣାପଡ଼ିଛି । ଓଡ଼ିଶା ଉତ୍କଳ ହସ୍ପିଟାଲରେ ଅନକୋଲୋଜି ବିଭାଗର ବରିଷ୍ଟ ଡ. ସୁଶାନ୍ତ କୁମାର ପାଇକରାୟଙ୍କୁ ଦେଖାକରି ସମସ୍ତ ସ୍ୱାସ୍ଥ୍ୟ ପରୀକ୍ଷା କରାଇଥିଲେ । ଏହାପରେ ତାଙ୍କର ବୋନ୍ ମ୍ୟାରୋ ପ୍ରତ୍ୟାରୋପଣ ପାଇଁ ଡାକ୍ତର ପରାମର୍ଶ ଦେଇଥିଲେ ଏବଂ ତୁରନ୍ତ ଏକ ଡାକ୍ତରୀ ଟିମ୍ ଗଠନ କରାଯାଇ ବିଚାରବିମର୍ଶ ପରେ ଏହି ଅପରେସନ୍ ହୋଇଥିଲା । ଏହି ଜଟିଳ ଚିକିତ୍ସାରେ ଉତ୍କଳ ହସ୍ପିଟାଲର ଦକ୍ଷ ଡାକ୍ତରୀ ଟିମ୍ ବିଭାଗୀୟ ମୁଖ୍ୟ ଡ. ରଞ୍ଜନ କୁମାର ମହାନ୍ତି, ଡ. ଚିନ୍ମୟ କୁମାର ପାଣି, ଡ. ସୁଶାନ୍ତ କୁମାର ପାଇକରାୟ, ଡ ବିଶ୍ୱଜିତ୍ ଭୂୟାଁ ଓ ଡ. ବିଶ୍ୱବିକାଶ ମହାନ୍ତି ପ୍ରମୁଖ ସହଯୋଗ କରିଥିଲେ ଓ ସଫଳତାର ସହ ଚିକିତ୍ସା ପଦ୍ଧତିଟିକୁ ସମ୍ପନ୍ନ କରିଥିଲେ ।
