ମୁମ୍ବାଇ,୨୭/୮:ନିଜର ଫ୍ୟାଶନ ପାଇଁ ଜଣାଶୁଣା ଉର୍ଫି ଜାଭେଦ ବର୍ତ୍ତମାନ ରିଲିଜ୍ ହୋଇଥିବା ସିରିଜ୍'ଫୋଲୋ କର ଲୋ ୟାର୍' ପାଇଁ ବେଶ୍ ଚର୍ଚ୍ଚାରେ ରହିଛନ୍ତି । ଏହି ସିରିଜ  ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହୋଇଛି ।ତେବେ ଉର୍ଫି  ତାଙ୍କ ଶୋ' ପ୍ରମୋସନ କରିବାକୁ  ବର୍ତ୍ତମାନ ନୂଆ ଉପାୟ ଆପଣାଇଛନ୍ତି। ସେ ସୋସିଆଲ ମିଡିଆରେ ଅନେକ ସେଲିବ୍ରିଟିଙ୍କ ନିକଟକୁ ମେସେଜ ପଠାଇ ତାଙ୍କୁ ଫୋଲୋ କରିବାକୁ ଅନୁରୋଧ କରିଛନ୍ତି । ଉର୍ଫି ଶାହାରୁଖ ଖାନଙ୍କ ଠାରୁ ଆରମ୍ଭ କରି ପ୍ରିୟଙ୍କା ଚୋପ୍ରା,ଶ୍ରଦ୍ଧା କପୁର,ନିକ ଜୋନାସ ପର୍ଯ୍ୟନ୍ତ ତାରକାଙ୍କୁ ମଜାଳିଆ ମେସେଜ ପଠାଇଛନ୍ତି । ଏଥିସହ ସେହି ମେସେଜର ଏକ ଷ୍କ୍ରିନସଟ ନେଇ ପୋଷ୍ଟ ସେୟାର କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଫ୍ୟାନ୍ସ କମେଣ୍ଟ କରୁଛନ୍ତି ।

ଉର୍ଫି କବିତା ଶୈଳୀରେ ସେଲିବ୍ରିଟିମାନଙ୍କୁ ତାଙ୍କୁ ଫୋଲୋ କରିବାକୁ ଅନୁରୋଧ କରିଛନ୍ତି । ଦିଲଜିତ ଦୋସାଞ୍ଜଙ୍କୁ ମେସେଜ କରି ସେ ଲେଖିଛନ୍ତି, ଟେଲିଫୋନର ଲମ୍ବା ତାର, ତୁମେ ମୋର ପ୍ରିୟ ସର୍ଦ୍ଦାର, ବର୍ତ୍ତମାନ ଏହି ପ୍ରସଙ୍ଗରେ ହ୍ୟାସଟ୍ୟାଗ ଫୋଲୋ କର । ସେହିପରି କିଆରାଙ୍କୁ ଲେଖିଛନ୍ତି,୧୦ ଟଙ୍କାର ପେପସି, ତୁମେ ସବୁଠୁ ସେକ୍ସି । ଏହି କଥାରେ ମୋତେ ଫୋଲୋ କର । 'ସ୍ତ୍ରୀ 2' ପାଇଁ ଶ୍ରଦ୍ଧାଙ୍କୁ ଅଭିନନ୍ଦନ ଜଣାଇ ଉର୍ଫି ଲେଖିଛନ୍ତି, ନମସ୍କାର ଶ୍ରଦ୍ଧା, ସ୍ତ୍ରୀ 2 ପାଇଁ ଅଭିନନ୍ଦନ, ଆମାଜନ ସବସ୍କ୍ରିପସନ୍ ମାଗଣା ନୁହେଁ କିନ୍ତୁ ମୋତେ ସ୍ତ୍ରୀ ଫୋଲୋ କର। ଉର୍ଫି ଶାହାରୁଖଙ୍କୁ କୌଣସି କବିତା ଲେଖିବା ପରିବର୍ତ୍ତେ ତାଙ୍କୁ ସିଧାସଳଖ ଫୋଲୋ କରିବାକୁ ଅନୁରୋଧ କରିଛନ୍ତି । ଦୟାକରି ଶାହାରୁଖ ସାର୍ ମୋତେ ଫୋଲୋ କରନ୍ତୁ । ତେବେ ଉର୍ଫିଙ୍କ ଏହି ମେସେଜକୁ ଫ୍ୟାନ୍ସ ମଧ୍ୟ ପସନ୍ଦ କରିଥିବା ବେଳେ କମେଣ୍ଟ ବର୍ଷା କରିଛନ୍ତି । ଜଣେ ଲେଖିଛନ୍ତି- ଶେଷଟି ବହୁତ ମଜାଦାର ଥିଲା । ଅନ୍ୟ ଜଣେ ଲେଖିଛନ୍ତି- ତୁମର କେତେ ପ୍ରତିଭା ଅଛି । ଆଉ ଜଣେ ଲେଖିଛନ୍ତି- ଉର୍ଫିଙ୍କ ଶୋ ମଜାଦାର । ଜଣେ ଲେଖିଛନ୍ତି, ବର୍ତ୍ତମାନ ପର୍ଯ୍ୟନ୍ତ ଏହା ତୁମର ସର୍ବୋତ୍ତମ ପୋଷ୍ଟ ।