ଆଠମଲ୍ଲିକ, ୬।୬ : ନିଆଁର ଆଁରେ ଅନୁଗୁଳ ଜିଲ୍ଲାର ଆଠମଲ୍ଲିକ ଜଙ୍ଗଲ । ଦୁଇ ଦିନ ହେଲା ଜଳୁଛି ଆଠମଲ୍ଲିକ ରେଞ୍ଜ କୁକୁଡ଼ାଦର ଜଙ୍ଗଲ । ଗୋଟିଏ ପରେ ଗୋଟିଏ ଜଙ୍ଗଲ ଜଳୁଛି । ଜଙ୍ଗଲ ନିଆଁକୁ କର୍ମଚାରୀ ଅଣଦେଖା କରୁଛନ୍ତି । ପଚାରିଲେ ଆମେ ନିଆଁ ଲିଭାଉଛୁ କହି ଚାଲିଯାଉଛନ୍ତି । ରେଞ୍ଜ ଅଫିସରେ ନାଁ ରହୁଛନ୍ତି ରେଞ୍ଜ ନାଁ କର୍ମଚାରୀ । ଜଙ୍ଗଲ ନିଆଁ କେମିତି ଲିଭିବ ତାର ଉତ୍ତର କାହା ପାଖରେ ନାହିଁ । ଦୁଇଦିନ ହେଲା ଆଠମଲ୍ଲିକ ଜଙ୍ଗଲରେ ନିଆଁ ଲାଗିଥିବା ଜଣାପଡ଼ିଛି । ୪୦ ଡିଗ୍ରୀ ଖରା ତାତି ସାଙ୍ଗକୁ ଜଙ୍ଗଲ ନିଆଁ ଆଠମଲ୍ଲିକବାସୀଙ୍କୁ କଲବଲ କରୁଛି । ମୂଲ୍ୟବାନ ଗଛଲତା ସବୁ ଜଙ୍ଗଲ ନିଆଁରେ ଜଳିପୋଡ଼ି ଧ୍ୱଂସ ହୋଇଯାଉଛି ।
ଏନେଇ ଆଠମଲ୍ଲିକ ରେଞ୍ଜ ଅଫିସରେ ଅଭିଯୋଗ କରିଥିଲେ ଗ୍ରାମବାସୀ । ମାତ୍ର ସେଠାରେ କେହି ରହୁ ନଥିବାରୁ ବିଭାଗୀୟ ପ୍ରତିକ୍ରିୟା ମିଳିପାରିଲାନାହିଁ । ଅନ୍ୟ ପକ୍ଷରେ ଜଙ୍ଗଲ ନିଆଁ ଲିଭାଇବାକୁ ଅଞ୍ଚଳବାସୀ ଦାବି କରିଛନ୍ତି । ଆଠମଲ୍ଲିକ ରେଞ୍ଜ ଅଫିସରେ ରେଞ୍ଜର କି କର୍ମଚାରୀଙ୍କ ଦେଖା ନମିଳିବାରୁ କୌଣସି ପ୍ରତିକ୍ରିୟା ମିଳିପାରିନାହିଁ । ଜଙ୍ଗଲ ନିଆଁ କେବେ ଲିଭୁଛି ତାହା ଦେଖିବାକୁ ବାକି ରହିଲା ।