ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ଟିମ୍ ଇଣ୍ଡିଆର ହେଡ୍‌ କୋଚ୍‌ ହେବାକୁ ରାଜି ହେଲେ ଗୌତମ ଗମ୍ଭୀର, ସସପେନ୍ସ ପରେ ଭାଙ୍ଗିଲେ ନିରବତା

ଦୁବାଇ – ଭାରତୀୟ କ୍ରିକେଟ୍‌ ଟିମ୍‌ର ମୁଖ୍ୟ କୋଚ୍‌ର ଦୌଡ଼ରେ ସବୁଠୁ ଆଗରେ ଥିବାର ଅଟକଳ ମଧ୍ୟରେ ପୂର୍ବତନ ବ୍ୟାଟର ଗମ୍ଭୀର ଶନିବାର କହିଛନ୍ତି , ସେ ଜାତୀୟ ଟିମ୍‌କୁ କୋଚିଂ ଦେବା ପସନ୍ଦ କରିବେ। ଗମ୍ଭୀର ନିକଟରେ କୋଲକାତା ନାଇଟ୍‌ ରାଇଡର୍ସକୁ ୩ୟ ଇଣ୍ଡିଆନ ପ୍ରିମିୟର ଲିଗ୍‌ ଟାଇଟଲ ଦେଇଛନ୍ତି ଏବଂ ତାଙ୍କୁ ରାହୁଲ ଦ୍ରାବିଡଙ୍କ ଯୋଗ୍ୟ ଉତ୍ତରାଧିକାରୀ ଭାବେ ଦେଖା ଯାଉଛି। ଦ୍ରାବିଡ୍‌ଙ୍କ ଅନୁବନ୍ଧିତ ଟି-୨୦ ବିଶ୍ୱକପ୍‌ ପରେ ଶେଷ ହେଉଛି। ଭାରତୀୟ ଟିମ୍‌ର ମୁଖ୍ୟ କୋଚ୍‌ ପଦ ପାଇଁ ଆବେଦନ କରିବାର ଅନ୍ତିମ ତାରିଖ ୨୭ ମେ' ଥିଲା। କିନ୍ତୁ ଏବେସୁଦ୍ଧା ସ୍ପଷ୍ଟ ନାହିଁ କି, ଗମ୍ଭୀର ଏଥିପାଇଁ ଆବେଦନ ଭରିଛନ୍ତି ନା ନାହିଁ।

ଆବୁଧାବୀରେ ଏକ କାର୍ଯ୍ୟକ୍ରମରେ ଗମ୍ଭୀର (୪୨ ବର୍ଷ ବୟସ) କହିଛନ୍ତି , ମୁଁ ଭାରତୀୟ ଟିମ୍‌କୁ କୋଚିଂ ଦେବା ପସନ୍ଦ କରିବି। ନିଜର ଜାତୀୟ ଟିମ୍‌କୁ କୋଚିଂ ଦେବାରେ ଆଉ କୌଣସି ବଡ଼ ସମ୍ମାନ ନାହିଁ। ଆପଣ ୧୪୦ କୋଟି ଭାରତୀୟ ଓ ସାରା ଦୁନିଆର ଲୋକଙ୍କ ପ୍ରତିନିଧିତ୍ୱ କରିବେ। ଚଳିତ ସପ୍ତାହର ଆରମ୍ଭରେ ଭାରତର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ମୁଖ୍ୟ କୋଚ୍‌ର ଭୂମିକା ପାଇଁ ଗମ୍ଭୀରଙ୍କୁ ସମର୍ଥନ କରି କହିଥିଲେ କି ,ଏଥିପାଇଁ ସେ ଜଣେ ଭଲ ପ୍ରାର୍ଥୀ।

ଗମ୍ଭୀର ଆବୁଧାବୀର ମେଡୋର ହସ୍ପିଟାଲରେ ଛାତ୍ରଛାତ୍ରୀଙ୍କୁ ସମ୍ୱୋଧିତ କରୁଥିଲେ। ସେତେବେଳେ ଜଣେ ତାଙ୍କୁ ଭାରତୀୟ କ୍ରିକେଟ୍‌ ଟିମ୍‌କୁ କୋଚିଂ ଦେବା ଓ ନିଜର ଅନୁଭବରେ ୱାର୍ଲ୍ଡ କପ୍‌ ଜିତିବାରେ ସାହାଯ୍ୟ କରିବା ବିଷୟରେ ପଚାରିବାରୁ , ଗମ୍ଭୀର ଜବାବ ଦେଇଥିଲେ, ମୁଁ ଏବେସୁଦ୍ଧା ଏହି ପ୍ରଶ୍ନର ଜବାବ ଦେଇ ନାହିଁ , ହେଲେ ବହୁତ ଲୋକ ମୋତେ ଏହି ବିଷୟରେ ପଚାରିଛନ୍ତି। କିନ୍ତୁ ଏବେ ମୋତେ ଆପଣଙ୍କୁ ଜବାବ ଦେବାକୁ ହେବ। 

ଗମ୍ଭୀର କହିଛନ୍ତି, ଭାରତକୁ ୱାର୍ଲ୍ଡ କପ୍‌ ଜିତିବାରେ ୧୪୦ କୋଟି ଭାରତୀୟ ସାହାଯ୍ୟ କରିବେ। ଯଦି ସମସ୍ତେ ଆମ ପାଇଁ ପ୍ରାର୍ଥନା କରିବା ଆରମ୍ଭ କରି ଦେବେ ତଥା ଆମେ ତାଙ୍କର ପ୍ରତିନିଧିତ୍ୱ କରିବା ଓ ଖେଳିବା ଆରମ୍ଭ କରିଦେବା ତ ଭାରତ ୱାର୍ଲ୍ଡ କପ୍‌ ଜିତି ଯିବ। ସବୁଠୁ ମହତ୍ତ୍ୱପୂର୍ଣ୍ଣ କଥା ନିର୍ଭିକ ହେବା ।  

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.