ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ସ୍କାମ ମାମଲାରେ ଇଡି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିଛି । ବର୍ତ୍ତମାନ ସେ ୬ ଦିନିଆ ଇଡି ରିମାଣ୍ଡରେ ଅଛନ୍ତି। କେଜ୍ରିୱାଲଙ୍କ ଗିରଫଦାରୀ ଉପରେ ଜର୍ମାନ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମନ୍ତବ୍ୟ ଦେଇଛନ୍ତି । ଜର୍ମାନ ବୈଦେଶିକ ମନ୍ତ୍ରଣାଳୟର ଏହି ମନ୍ତବ୍ୟକୁ ଭାରତ ଦୃଢ ବିରୋଧ କରିଛି । ଭାରତର କହିବାକଥା ଯେ,ଏହା ଆମ ଦେଶର ଏକ ଆଭ୍ୟନ୍ତରୀଣ ବିଷୟ, ଜର୍ମାନୀ ଏହି ବିଷୟଠାରୁ ଦୂରରେ ରହିବା ଉଚିତ୍ । 

ଜର୍ମାନ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ନିର୍ବାଚନର କିଛି ଦିନ ପୂର୍ବରୁ ଭାରତରେ ବିରୋଧୀଙ୍କ ଏକ ପ୍ରମୁଖ ରାଜନୈତିକ ଚେହେରାକୁ ଗିରଫ କରାଯାଇଛି । ବିରୋଧୀ ମାନେ ଏହାକୁ ରାଜନୈତିକ ପ୍ରତିଶୋଧ ବୋଲି ଦେଖୁଛନ୍ତି । ଜର୍ମାନ ସରକାର ଏହି ପ୍ରସଙ୍ଗରେ ଅବଗତ ହୋଇଛନ୍ତି । ସେ କହିଛନ୍ତି ଯେ ଭାରତ ଏକ ଗଣତାନ୍ତ୍ରିକ ଦେଶ । ଆମର ସେହି ମାନଦଣ୍ଡ ଉପରେ ବିଶ୍ୱାସ ଅଛି ଏବଂ ଆଶା କରୁଛୁ ଯେ ନ୍ୟାୟପାଳିକାର ସ୍ବାଧିନତା ଏବଂ ମୌଳିକ ଗଣତାନ୍ତ୍ରିକ ମୂଲ୍ୟବୋଧ ସହ ଜଡିତ ନୀତି ମଧ୍ୟ ଏହି କ୍ଷେତ୍ରରେ ପ୍ରୟୋଗ ହେବ।

ଜର୍ମାନ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ଯେ, ଏହି ମାମଲାରେ ଅରବିନ୍ଦ କେଜ୍ରିୱାଲଙ୍କ ପାଇଁ ଏକ ନିରପେକ୍ଷ ଶୁଣାଣି କରିବାର ଅଧିକାର ଅଛି, ତାଙ୍କୁ କୌଣସି ପ୍ରତିବନ୍ଧକ ବିନା ସମସ୍ତ ଆଇନଗତ ଉପାୟ ବ୍ୟବହାର କରିବାର ଅଧିକାର ଦିଆଯାଉ। ସେ କହିଛନ୍ତି ଯେ ନିର୍ଦ୍ଦୋଷ ହେବାର ସମ୍ଭାବନା ଆଇନର ନିୟମର ଏକ ଗୁରୁତ୍ୱପୂର୍ଣ୍ଣ ଅଂଶ, ତେଣୁ ଏହା କେଜ୍ରିୱାଲଙ୍କ କ୍ଷେତ୍ରରେ ମଧ୍ୟ ପ୍ରଯୁଜ୍ୟ ହେବା ଉଚିତ୍ ।

ସୂଚନାଥାଉକି ଯେ, ମଦ ନୀତି ଦୁର୍ନୀତି ମାମଲାରେ ଅରବିନ୍ଦ କେଜ୍ରିୱାଲଙ୍କୁ ଗିରଫ କରାଯାଇଛି । ବିରୋଧୀ ଏହାକୁ ଦୃଢ ନିନ୍ଦା କରିଛନ୍ତି ଏବଂ ଏହାକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଛନ୍ତି । ସୂଚନାଥାଉକି,ଯେ କେଜ୍ରିୱାଲଙ୍କୁ ଗତକାଲି ରାଉସ୍ ଆଭେନ୍ୟୁର PMLA କୋର୍ଟରେ ହାଜର କରାଯାଇଥିଲା । ଇଡି କୋର୍ଟରୁ ତାଙ୍କର ୧୦ ଦିନିଆ ରିମାଣ୍ଡ ମାଗିଥିଲେ। କେଜ୍ରିୱାଲଙ୍କ ଇଡିକୁ କୋର୍ଟ ୬ ଦିନିଆ ରିମାଣ୍ଡ ଦେଇଛନ୍ତି ।