ବାରଙ୍ଗ, ୮।୧୧  ରାଜଧାନୀରେ ମର୍ମନ୍ତୁଦ ସଡ଼କ ଦୁର୍ଘଟଣା।  ବାଇକକୁ ଧକ୍କା ଦେଲା ଟ୍ରକ।  ଏଥିରେ ଭାଣିଜୀର ମୃତ୍ୟୁ ହୋଇଥିବା ବେଳେ ମାମୁଁ ଆହତ ହୋଇଛି। ଦୁର୍ଘଟଣା ପରେ ଭାଣୀଜିକୁ  ୫ଶହ  ମିଟର ଘୋଷାଡି ନେଲା ଟ୍ରକ। ସ୍ଥାନୀୟ ମଞ୍ଚେଶ୍ୱର୍ ଥାନା ଅନ୍ତର୍ଗତ ସପ୍ତଶତୀ ମନ୍ଦିର ପାଖରେ  ଏହି ଦୁର୍ଘଟଣା ଘଟିଛି।

କଟକରୁ ମାମୁଁ ଭାଣିଜୀକୁ   ବାଇକରେ ଧରି ହଷ୍ଟେଲକୁ ଛାଡିବାକୁ ଭୁବନେଶ୍ବର ଆସୁଥିଲେ। ମଞ୍ଚେଶ୍ୱର୍ ଥାନା ଅନ୍ତର୍ଗତ ସପ୍ତଶତୀ ମନ୍ଦିର ନିକଟରେ ଏକ ଟ୍ରକ ବାଇକକୁ ପଛ ପଟୁ ଧକ୍କା ଦେଇଥିଲା। ଫଳରେ   ପ୍ରଥମେ ଭାଣୀଜି ତଳେ ପଡି ଯାଇଥିଲେ। ପରେ ପଛରେ ଥିବା ଟ୍ରକ ଭାଣିଜୀକୁ ୫ଶହ ମିଟର ଘୋଷାଡି ନେଇ ଯାଇଥିଲା।ଘଟଣାରେ ମାମୁଁ ଆହତ  ହୋଇଥିବା ବେଳେ ଭାଣୀଜିର ମୃତ୍ୟୁ ଘଟିଛି। 

ଘଟଣାସ୍ଥଳରେ ପୋଲିସ ପହଞ୍ଚି ଆହତଙ୍କୁ ଉଦ୍ଧାର କରି ଡାକ୍ତରଖାନା ପଠାଇଥିଲେ। ଭାଣିଜୀର ମୃତଦେହକୁ ପୋଲିସ ଜବତ କରିଛି। ଘଟଣା ସ୍ଥଳରୁ ଡ୍ରାଇଭର ଫେରାର ହୋଇ ଯାଇଛି। ଦୁର୍ଘଟଣା ପରେ ସପ୍ତଶତୀ ମନ୍ଦିର ନିକଟରେ ରାସ୍ତା ଜାମ ହୋଇଯାଇଥିଲା। ମଞ୍ଚେଶ୍ୱର୍ ପୁଲିସ୍ ପହଞ୍ଚି ରାସ୍ତା ଜାମ୍ ହଟାଇବା  ସହ ଟ୍ରକ୍ ଜବତ୍ କରି ତଦନ୍ତ ଆରମ୍ଭ କରିଛି।