ଭୁବନେଶ୍ୱର,୧୩/୦୯: ବିମାନବନ୍ଦରରୁ ପୁଣି ଜବତ ହେଲା ସୁନା ଅଳଙ୍କାର । ୨୪ କିଲୋଗ୍ରାମର ସୁନା ଅଳଙ୍କାର ଜବତ କଲା ସିଟି ଜିଏସ୍‌ଟି । ସିକ୍ୟେଲ୍‌ ଲଜିସ୍ଟିକ ସଂସ୍ଥା ଏହି ସୁନା ଅଳଙ୍କାର ଆଣୁଥିଲା । ଭୁବନେଶ୍ୱର ବିମାନବନ୍ଦର ସମ୍ମୁଖରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଭୁବନେଶ୍ୱର ବିମାନବନ୍ଦରରୁ ପୁଣି ଜବତ ହେଲା ସୁନା ଅଳଙ୍କାର । ସିକ୍ୟେଲ୍‌ ଲଜିସ୍ଟିକ ସଂସ୍ଥା ୨୪ କିଲୋଗ୍ରାମର ସୁନା ଆଣି ଆସୁଥିଲା । ଏହି ସମୟରେ ସନ୍ଦେହ ହେବାରୁ ସିଟି ଜିଏସ୍‌ଟି ବିଭାଗ ଯାଞ୍ଚ କରିଥିଲା । ଏହି ଯାଞ୍ଚରେ ୨୪ କିଲୋଗ୍ରାମ ସୁନା ଅଳଙ୍କାର ଜବତ କରାଯାଇଛି । ତେବେ ଜବତ ହୋଇଥିବା ସୁନା ଅଳଙ୍କାର ଭିତରୁ ୪ କିଲୋଗ୍ରାମ ସୁନାର ତଥ୍ୟ ପାଉନି ସିଟି ଜିଏସ୍‌ଟି । ଟ୍ୟାକ୍ସ ଇନ ଭଏସ ଓ ଉପଯୁକ୍ତ ବିଲ ନଦେଖେଇ ପାରିବାରୁ ଉକ୍ତ ସୁନା ଅଳଙ୍କାର ଜବତ କରିଛି ସିଟି ଜିଏସ୍‌ଟି ବିଭାଗ । 

କିଛି ଦିନ ତଳେ ବିମାନବନ୍ଦର ସମ୍ମୁଖରୁ ୩୦ କିଲୋଗ୍ରାମ ସୁନା ଅଳଙ୍କାର ଜବତ ହୋଇଥିଲା । ସେଥିମଧ୍ୟରୁ ଅଢେଇ କିଲୋ ଓଜନର ସୁନା ଅଳଙ୍କାରର ତଥ୍ୟ ପାଇ ନଥିଲା ସିଟି ଜିଏସଟି ବିଭାଗ ।