ସୁବର୍ଣ୍ଣପୁର,୧୫/୦୯: ରାତି ଅଧାରେ ଭୁଷୁଡ଼ିଲା ଘରର କାନ୍ଥ । କାନ୍ଥ ତଳେ ଚାପି ହୋଇ ପ୍ରାଣ ହରାଇଲେ ଜେଜେମା । ମୃତକ ସୁରୁବାଲି ଦୀପ ବୋଲି ଜଣାପଡ଼ିଛି । ଏହି ଦୁର୍ଘଟଣାରେ ତାଙ୍କ ନାତୁଣୀ ଗୁରୁତର ହୋଇଛନ୍ତି । ସୁବର୍ଣ୍ଣପୁର ଜିଲ୍ଲା ଲଛିପୁର ଥାନା ଅନ୍ତର୍ଗତ ସହରିପାଳି ଗାଁରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ଶନିବାର ରାତିରେ ସୁରୁବାଲି ଏବଂ ତାଙ୍କ ନାତୁଣୀ ଘରେ ଶୋଇଥିଲେ । ଏହି ସମୟରେ ଭିଷଣ ବର୍ଷା ହେଉଥିଲା । ଏହି କାରଣରୁ ଘରର କାନ୍ଥ ଭାଙ୍ଗି ଉଭୟଙ୍କ ଉପରେ ପଡ଼ିଥିଲା । ଫଳରେ ଏହି ଦୁର୍ଘଟଣାରେ ଜେଜେମା ପ୍ରାଣ ହରାଇଥିବା ବେଳେ ତାଙ୍କ ନାତୁଣୀ ଗୁରୁତର ହୋଇଥିଲେ । ଏହା ଦେଖି ତୁରନ୍ତ ପରିବାର ଲୋକେ ତାଙ୍କୁ ସେଠାରୁ ଉଦ୍ଧାର କରିଥିଲେ । ନାତୁଣୀକୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଇଥିଲେ । ପରେ ଏହି ଘଟଣା ସମ୍ୱରନ୍ଧରେ ପୋଲିସକୁ ଖବର ଦେଇଥିଲେ ପରିବାର ଲୋକେ । ଖବର ପାଇ ଘଟଣାସ୍ଥଳରେ ଲଛିପୁର ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।