ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

ଖୁଲାସା ହେଲା ହମାସ୍‌ର କଳା ସତ; ଲୋକଙ୍କୁ ମାରି ଲୁଟି ନେଉଛି ସାହାଯ୍ୟରେ ମିଳିଥିବା ସାମଗ୍ରୀ

Image source: TV9

ନୂଆଦିଲ୍ଲୀ,୧୦/୧୨: ଇସ୍ରାଏଲ ଏବଂ ହମାସ ମଧ୍ୟରେ ଚାଲିଥିବା ବିବାଦ ବନ୍ଦ ହେବାର କୌଣସି ନାଁ ନାହିଁ। ଇସ୍ରାଏଲ କ୍ରମାଗତ ଭାବେ ଆକ୍ରମଣ ପରେ ଆକ୍ରମଣ କରି ହମାସ ଠିକଣାକୁ ଛାରଖାର କରୁଛି। ଏହାରି ଭିତରେ ଇସ୍ରାଏଲ ସେନା ଏକ ବଡ଼ ଦାବି କରିଛି। ଆଇଡିଏଫ୍ କହିଛି ଯେ, ହମାସ୍ ଆତଙ୍କବାଦୀମାନେ ଏହାର ସାଧାରଣ ନାଗରିକଙ୍କୁ ପ୍ରତି ଅମାନୁଷିକ ବ୍ୟବହାର କରିବା ସହିତ ମାରପିଟ ମଧ୍ୟ କରୁଛନ୍ତି। ସାମାଜିକ ଗଣମାଧ୍ୟମ ଏକ୍ସ (ପୂର୍ବରୁ ଟ୍ୱିଟର) ରେ ଇସ୍ରାଏଲ୍ ସେନା ଏକ ଭିଡିଓ ସେୟାର କରିଛି। ଏହି ଭିଡିଓରେ କିଛି ଲୋକ ସାଧାରଣ ନାଗରିକଙ୍କୁ ପିଟୁଥିବାର ଦେଖିବାକୁ ମିଳିଛି। ଭିଡିଓରେ ଏକ ସାମଗ୍ରୀ ଭର୍ତ୍ତି ଗାଡ଼ି ମଧ୍ୟ ଦେଖିବାକୁ ମିଳିଛି। ଏହା ସହିତ ଆଇଡିଏଫ୍ ଅଭିଯୋଗ କରିଛି ଯେ, ହମାସ ଆତଙ୍କବାଦୀମାନେ ଅନ୍ତର୍ଜାତୀୟ ସଂଗଠନରୁ ଗାଜା ପାଇଥିବା ମାନବିକ ସହାୟତାକୁ ଚୋରି କରୁଛି। ଆଇଡିଏଫ୍ କହିଛି ଯେ, ହମାସ ଏହାର ଆବଶ୍ୟକତାକୁ ଗାଜା ଲୋକଙ୍କ ଠାରୁ ଅଧିକ ରଖିଛି। 

ପଢ଼ନ୍ତୁ: ଅତ୍ୟାଧୁନିକ ହେବ ଭାରତୀୟ ସେନା; ଏଆଇ ଚଳିତ ଅସ୍ତ୍ର କରିବ ବ୍ୟବହାର

ଭିଡିଓ ସେୟାର କରି ଆଇଡିଏଫ୍ କ୍ୟାପସନରେ ଲେଖିଛି ଯେ, ହମାସ ସଦସ୍ୟମାନେ ସାଧାରଣ ନାଗରିକଙ୍କୁ ମାଡ଼ ମାରୁଛନ୍ତି ଏବଂ ଆନ୍ତର୍ଜାତୀୟ ସଂଗଠନଗୁଡ଼ିକରୁ ମିଳିଥିବା ମାନବିକ ସହାୟତା ମଧ୍ୟ ଚୋରି କରିଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେ, ହମାସ ଏହାର ଆତଙ୍କବାଦୀଙ୍କ ଲକ୍ଷ୍ୟକୁ ଗାଜାବାସୀଙ୍କ ଆବଶ୍ୟକତା ଠାରୁ ଅଧିକ ରଖିଛି। ଏହା ସହିତ ଆଇଡିଏଫ୍ ଆହୁରି ମଧ୍ୟ କହିଛି ଯେ, ଗାଜାରେ ଅଲ-ମୱାସୀ ଏକ ମାନବୀୟ ଅଞ୍ଚଳ ଅଟେ, ଯାହାର ଉଦ୍ଦେଶ୍ୟ ହେଉଛି ଲୋକମାନଙ୍କୁ ଯୁଦ୍ଧକ୍ଷେତ୍ରରୁ ଦୂରରେ ରଖିବା। କିନ୍ତୁ ହମାସ ଗାଜାବାସୀଙ୍କୁ ନିଆଁର ରାସ୍ତାରେ ଚଲାଇବାରେ ଲାଗିଛି। ଗାଜା ଏହି ଅଞ୍ଚଳ ଉପରକୁ ରକେଟ୍ ଫିଙ୍ଗୁଛି, ଯାହାକି ବିଫଳ ହେଉଛି। ଏହିପରି ଭାବେ ଗାଜାରେ ରହୁଥିବା ଲୋକଙ୍କ ଜୀବନ ବିପଦରେ ପକାଉଛି ହମାସ୍‌। 

ପଢ଼ନ୍ତୁ: ଦକ୍ଷିଣ ଚୀନ୍ ସାଗରରେ ଚୀନ୍‌ର ଦାଦାଗିରି, ଫିଲିପାଇନ୍ସର ଜାହାକୁ ଦେଲା ଧକ୍କା...ଜଳ ତୋପରେ ଆକ୍ରମଣ

ଆଇଡିଏଫ୍ ଏହା ମଧ୍ୟ ଦାବି କରିଛି ଯେ, ହମାସ୍ ଆତଙ୍କବାଦୀମାନେ ଇସ୍ରାଏଲ୍ ସୈନ୍ୟ ଉପରେ ଗୁଳି ଚଳାଇବା ପାଇଁ ବେତ୍‌ ହନୌନରେ ଥିବା ଏକ ସ୍କୁଲ ଏବଂ ମସଜିଦକୁ ବ୍ୟବହାର କରୁଛନ୍ତି। ପିଲାମାନଙ୍କର ନିରାପଦ ସ୍ଥାନକୁ ଆତଙ୍କବାଦୀ ସ୍ଥାନରେ ପରିଣତ କରିବା ପାଇଁ ହମାସ ସ୍କୁଲଗୁଡିକର ଅପବ୍ୟବହାର କରିଛି। ଏହାରି ଭିତରେ ଟାଇମ୍ସ ଅଫ୍ ଇସ୍ରାଏଲ୍ ରିପୋର୍ଟ ଅନୁଯାୟୀ, ଆଇଡିଏଫ୍ ମୁଖପାତ୍ର ରିୟର ଆଡମିରାଲ୍ ଡାନିଏଲ୍ ହଗାରୀ କହିଛନ୍ତି ଯେ, ଶନିବାର ଦିନ ହମାସର ଅନେକ ସଦସ୍ୟ ଗାଜା ପଟ୍ଟିରେ ଥିବା ସୈନ୍ୟଙ୍କ ନିକଟରେ ଆତ୍ମସମର୍ପଣ କରି ସେନାକୁ ଅସ୍ତ୍ର ହସ୍ତାନ୍ତର କରିଛନ୍ତି। ମୁଖପାତ୍ର କହିଛନ୍ତି ଯେ ପଚରାଉଚରା ବେଳେ ଆତଙ୍କବାଦୀମାନେ ହମାସ ବିଷୟରେ ଏହି ଗୁପ୍ତ ସୂଚନା ସବୁ ସେୟାର କରିଥିଲେ। 

ସୂଚନାଥାଉକି, ହମାସ ଏବଂ ଇସ୍ରାଏଲ ମଧ୍ୟରେ ଅସ୍ତ୍ରବିରତି ଶେଷ ହେବା ପରେ ଇସ୍ରାଏଲ ପୁଣି ଥରେ ଗାଜାରେ ହମାସ ଠିକଣା ଉପରେ ଆକ୍ରମଣ କରିଛି। ଅସ୍ତ୍ରବିରତି ସମୟରେ ଉଭୟ ବନ୍ଧକଙ୍କୁ ମୁକ୍ତ କରିଥିବାବେଳେ କୁହାଯାଉଛି ଯେ ପ୍ରାୟ ୧୩୮ ସାଧାରଣ ନାଗରିକ ଏବେ ମଧ୍ୟ ହାମାସରେ ବନ୍ଦୀ ଅବସ୍ଥାରେ ଅଛନ୍ତି।

You can also read: ଟ୍ରୁଡୋଙ୍କ ଦେଶ ଛାଡିକି ଯାଉଛନ୍ତି ଲୋକେ, କାନାଡାରେ ରହିବା ଏବେ ଅଧିକ ମହଙ୍ଗା


News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.