ପାଟଣା, ୦୩/୧୧ : କୁହୁଡ଼ିର ଚାଦର ତଳେ ଘୋଡ଼େଇ ହୋଇଛି ପାଟଣା। ଶୁକ୍ରବାର ଭୋରରୁ ପାଟଣା ଅଞ୍ଚଳରେ ଘନ କୁହୁଡ଼ିର ଆସ୍ତରଣ ଦେଖିବାକୁ ମିଳିଛି। କୁହୁଡ଼ି ଯୋଗୁଁ ସକାଳୁ ସକାଳୁ ଲୋକେ ଘରୁ ବାହାରିବା ମୁସ୍କିଲ ହୋଇଯାଇଥିବା ବେଳେ ପ୍ରାତଃଭ୍ରମଣ ପାଇଁ ଲୋକେ ନାନା ସମସ୍ୟାରେ ପଡିଛନ୍ତି। ମୁହଁକୁ ମୁହଁ ଦୃଶ୍ୟ ହେଉନାହିଁ। ଫଳରେ ଗାଡି ମୋଟର ଚଳାଚଳରେ ବାଧା ସୃଷ୍ଟି ହେଉଛି।

ପାଟଣା ବ୍ଲକ ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ବମ୍ବେ କଲିକତା, ଏବଂ ୨୨୦ ନମ୍ବର ରାଞ୍ଚି ବିଜୟୱାଡା ଜାତୀୟ ରାଜପଥରେ ଗାଡି ଚଳାଚଳରେ ବ୍ୟାଘାତ ସୃଷ୍ଟି ହୋଇଛି। ଦୁର୍ଘଟଣା ଘଟିବାର ମଧ୍ୟ ସମ୍ଭାବନା ରହିଛି। ଅପର ପକ୍ଷରେ ଚା ଖଟିରେ ଭିଡ଼ ଜମୁଛି। ଦେହକୁ ଫୂର୍ତ୍ତି ରଖିବା ପାଇଁ ଲୋକମାନେ ସକାଳୁ ବ୍ୟାୟାମ କରୁଛନ୍ତି।