ନୂଆଦିଲ୍ଲୀ,୧୪।୮: ସ୍ବାଧିନତା ଦିବସ ଅବସରରେ ଦିଲ୍ଲୀରେ ହାଇ ଆର୍ଲଟ ଜାରି କରାଯାଇଛି। ରିପୋର୍ଟ ଅନୁସାରେ, ଗୁଇନ୍ଦା ଏଜେନ୍ସିକୁ ଇନପୁଟ୍ ମିଳିଛି ଯେ, ଜମ୍ମୁରେ ସକ୍ରିୟ ଆତଙ୍କବାଦୀ ଆକ୍ରମଣ ଦିଲ୍ଲୀ କିମ୍ବା ଏହାର ଆଖପାଖ ଅଞ୍ଚଳରେ ଆତ୍ମଘାତୀ ଆକ୍ରମଣ କରିବା ଯୋଜନାରେ ଥିଲେ। ଦିଲ୍ଲୀ ବ୍ୟତୀତ ପଞ୍ଜାବରେ ମଧ୍ୟ ସୁରକ୍ଷାବଳକୁ ଆର୍ଲଟ ଅବସ୍ଥାରେ ରଖାଯାଇଛି। ଉଗ୍ରବାଦୀଙ୍କ ମଧ୍ୟରେ ହୋଇଥିବା ଆଲୋଚନା ଆଧାରରେ ଗୁଇନ୍ଦା ଏଜେନ୍ସି ଇନପୁଟ୍ ମିଳିଛି। ଏଜେନ୍ସିର କହିବା ଅନୁସାରେ, ଜରୁରୀ ନୁହେଁ ଯେ, ଏହି ଆକ୍ରମଣ ସ୍ବାଧିନତା ଦିବସ ଅବସରରେ ହୋଇଛି।
ଜମ୍ମୁ-କଶ୍ମୀରର କଠୁଆରେ ଦେଖିବାକୁ ମିଳିଥିବା ଦୁଇ ସନ୍ଦିଗ୍ଧ ଦିଲ୍ଲୀ ଆଡକୁ ମୁଭମେଣ୍ଟ କରୁଥିବାର ଆଶଙ୍କା ରହିଛି। ଏହି ଲୋକଙ୍କ ନିକଟରେ ହତିଆର ମଧ୍ୟ ରହିଛି। ଆଶଙ୍କା ରହିଛି ଯେ, ଏହି ଲୋକ ପଠାନକୋଟ ଆଡକୁ ଯାଇଛନ୍ତି ଓ ସେଠାରୁ ଦିଲ୍ଲୀ ଆଡକୁ ବାହାରି ପାରନ୍ତି। କେବଳ ସେତିକି ନୁହେଁ ସୁରକ୍ଷାକର୍ମୀ ଓ ଏଜେନ୍ସିଙ୍କୁ ଆଶଙ୍କା ରହିଛି ଯେ ସେମାନେ ଦିଲ୍ଲୀର ପ୍ରତିଷ୍ଠିତ ସଂସ୍ଥା ଓ ଅମରନାଥ ଯାତ୍ରକୁ ମଧ୍ୟ ଟାର୍ଗେଟ କରିପାରନ୍ତି।
ଦିଲ୍ଲୀରେ ଆକ୍ରମଣ କି ଆତଙ୍କବାଦୀମାନେ ଏହା ବାର୍ତ୍ତା ଦେବାକୁ ଚାହାନ୍ତି ରାଜଧାନୀ ଏବେ ତାଙ୍କଠାରୁ ଦୂରରେ ନୁହେଁ। ପୂର୍ବରୁ ମଧ୍ୟ ବହୁବାର ଏଭଳି ଇନପୁଟ୍ ଆସିସାରିଛି। ଲସ୍କର-ଇ-ତୋଇବା ଓ ଜୈଶ-ଇ-ମହମ୍ମଦ ଭଳି ସଂଗଠନ ଦିଲ୍ଲୀ ଉପରେ ଆକ୍ରମଣର ଯୋଜନା କରୁଛନ୍ତି।
