ନୂଆଦିଲ୍ଲୀ,୪।୮: ପ୍ୟାରିସ୍ ଅଲିମ୍ପିକ୍ସରେ ଇତିହାସ ରଚିଲା ଭାରତୀୟ ହକି ଟିମ୍। ବ୍ରିଟେନ୍କୁ ପେନାଲ୍ଟି କର୍ଣ୍ଣରରେ ହରାଇ ଦ୍ବିତୀୟ ଥର ଅଲିମ୍ପିକ୍ସର ସେମିଫାଇନାଲରେ ସ୍ଥାନ ପକ୍କା କରିଛି। ଭାରତ ଏହି ପଦକ ପାଇବାଠାରୁ ମାତ୍ର ଗୋଟିଏ ପାଦ ପଛରେ ରହିଛି। ୬୦ ମିନିଟର କଡ଼ା ସଂଘର୍ଷ ପରେ ସ୍ଥିତି ୧-୧ରେ ରହିବାରୁ ଶୁଟ ଆଉଟ ହୋଇଥିଲା।  ତା ପରେ ପେନାଲ୍ଟି କର୍ଣ୍ଣରର ସାହାରା ନିଆଯାଇଥିଲା।

ସୁଟ ଆଉଟ ଗୋଲ ବେଳେ ଚମତ୍କାର ପ୍ରଦର୍ଶନ କରିଥିଲେ ଗୋଲକିପର ଶ୍ରୀଜେଶ । ଶୁଟ ଆଉଟରେ ଭାରତ ୪-୨ରେ ବ୍ରିଟେନକୁ ହରାଇ ସେମି ଫାଇନାଲରେ ପ୍ରବେଶ କରିଛି। ଏଥିସହ ସ୍ୱର୍ଣ୍ଣ ଜିତିବା ଦିଗରେ ଆଉ ପାଦେ ଆଗେଇଛି। ଭାରତ ଦ୍ୱିତୀୟ କ୍ୱାର୍ଟରରେ  ୧୦ ଜଣ ଖେଳାଳିଙ୍କୁ ନେଇ ଲଢ଼େଇ କରିଥିଲା।କାରଣ ଦ୍ବିତୀୟ କ୍ବାର୍ଟରରେ ଅମିତ ରୋହିଦାସ ରେଡ କାର୍ଡ ପାଇଁ ମ୍ୟାଚ୍‌ର ୧୭ ମିନିଟ  ବାହାରେ ବସିଥିଲେ। ତେବେ ଭାରତୀୟ ଟିମ୍ ହାର ମାନିନଥିଲା। ଶେଷ ପର୍ଯ୍ୟନ୍ତ ବ୍ରିଟେନ୍ ଟିମ୍‌କୁ ଦେଇଥିଲା କଡା ଟକ୍କର। ଭାରତୀୟ ଟିମ୍ ଏଭଳି ଭାବରେ ସ୍ବର୍ଣ୍ଣ ପଦକ ପାଇବା ଆଡକୁ ଅଗ୍ରସର ହୋଇଛି। ଯଦି ଭାରତ ସେମିଫାଇନାଲରେ ଜିତିବାରେ ସଫଳ ରୁହେ ତେବେ ଅତି କମ୍‌ରେ ରୌପ୍ୟ ପଦକ ଜିତିପାରିବ। ଭାରତର ସେମିଫାଇନାଲ ମୁକାବିଲା ୬ ଅଗଷ୍ଟ ଅର୍ଥାତ ମଙ୍ଗଳବାର ଖେଳାଯିବ।