ନୂଆଦିଲ୍ଲୀ: ୟୁପିର କାନପୁରରେ ଏକ ଭୟଙ୍କର ସଡ଼କ ଦୁର୍ଘଟଣା ହୋଇଛି । ଏଠାରେ ଦ୍ରୁତ ଗତିରେ ଆସୁଥିବା ଏକ ରୋଡୱେଜ୍ ବସ୍ ସାଇକେଲରେ ଯାଉଥିବା ଛାତ୍ରଙ୍କୁ ଧକ୍କା ଦେଇଛି । ଏହି ଦୁର୍ଘଟଣାରେ ସାଇକେଲରେ ଯାଉଥିବା ତିନି ଜଣ ଛାତ୍ର ପ୍ରାଣ ହରାଇଛନ୍ତି । ଆଉ ଏହା ପରେ ବସ୍ ନିୟନ୍ତ୍ରଣ ବାହାରକୁ ଯାଇ ଏକ ଖାଇ ଭିତରକୁ ଖସି ପଡିଛି । ବସ୍ରେ ଯାତ୍ରା କରୁଥିବା ଯାତ୍ରୀ ମାନେ ଅଳ୍ପକେ ବର୍ତ୍ତି ଯାଇଛନ୍ତି । ପୋଲିସ ସୂଚନା ପାଇ ଆହତ ମାନଙ୍କୁ ଉଦ୍ଧାର କରୁଛି ।
ସୂଚନା ଅନୁଯାୟୀ,ଉତ୍ତରପ୍ରଦେଶ କାନପୁର ଘାଟମପୁରର ପାଟରାରେ ଦ୍ରୁତଗାମୀ ବସ୍ଟି ସାଇକେଲ ଆରୋହୀ ଛାତ୍ରଙ୍କୁ ଧକ୍କା ଦେଇଥିଲା । ଏହା ପରେ ବସ୍ ନିୟନ୍ତ୍ରଣ ବାହାରକୁ ଯାଇ ଖାଇରେ ଖସିପଡିଥିଲା । ବସ୍ରେ ଥିବା ଯାତ୍ରୀମାନେ ଅଳ୍ପକେ ବର୍ତ୍ତି ଯାଇଥିବାବେଳେ ଏହି ତିନିଜଣ ଛାତ୍ର ଦୁର୍ଘଟଣାରେ ପ୍ରାଣ ହରାଇଛନ୍ତି ।
ଏହି ତିନିଜଣ ଘାଟମପୁର ପୋଲିସ ଷ୍ଟେସନ ଅଞ୍ଚଳର କୁନୱରପୁର ବାସିନ୍ଦା ଦୀପକ ତିୱାରୀ, ଅଙ୍କୁଷ ପ୍ରଜାପତି, ମନୀଷ କୁମାର ବୋଲି ଜଣାପଡିଛି । ଏହି ତିନିଜଣ ପଲିଟେକନିକ୍ ଛାତ୍ର ବୋଲି କୁହାଯାଉଛି ।