ନୂଆଦିଲ୍ଲୀ, ୨୪/୮ :  ଭାରତୀୟ ରେଳରେ ପ୍ରତିଦିନ ଲକ୍ଷାଧିକ ଲୋକ ଯାତ୍ରା କରିଥାନ୍ତି । ଯାତ୍ରା ସମୟରେ କେତେକ ଥର ତାଙ୍କର ଜିନିଷ ହଜିଯାଇଥାଏ କିମ୍ବା କେତେକ ଥର ଟ୍ରେନରେ ରହିଯାଇଥାଏ । କିନ୍ତୁ ଏଭଳି ଭାବେ କେତେକ ଲୋକ ଏହି ସବୁ ଜିନିଷର ଅଭିଯୋଗ କରିନଥାନ୍ତି କି ଏହା ଭାବି ଏହା ତାଙ୍କୁ ମିଳିବ ନାହିଁ ବୋଲି । ମାତ୍ର ଏଭଳି ନୁହେଁ । ଯାତ୍ରା ସମୟରେ ଆପଣଙ୍କ ଜିନିଷ ହଜିଯାଉଛି କିମ୍ବା ଟ୍ରେନରେ ରହିଯାଉଛି ତ ଚିନ୍ତା କରନ୍ତୁ ନାହିଁ । କାରଣ ଭାରତୀୟ ରେଲଓ୍ବେ ନିଜ ଯାତ୍ରୀଙ୍କୁ ହଜିଯାଇଥିବା ଜିନିଷକୁ ଫେରାଇ ଆଣିବାର ସୁବିଧା ଦେଇଥାଏ ।

କିନ୍ତୁ କେତେକ ଥର ଲୋକମାନଙ୍କୁ ଏହି ସୁବିଧା ବିଷୟରେ ଜଣାପଡ଼ିନଥାଏ ଯେଉଁ କାରଣରୁ ସେ ଏହାର ସୁବିଧା ଉଠାଇପାରିନଥାନ୍ତି । ଆସନ୍ତୁ ଜାଣିବା ଟ୍ରେନରେ ଜିନିଷ ଚୋରୀ ହୋଇଗଲେ କ’ଣ କରିବାକୁ ପଡ଼ିଥାଏ । ଯଦି ଟ୍ରେନରେ ଯାତ୍ରା କରିବା ସମୟରେ ଆପଣଙ୍କ ଜିନିଷ କେବେ ହଜିଯାଏ କିମ୍ବା ଟ୍ରେନରେ ରହିଯାଏ ତେବେ ଆପଣ ନିଜ ମୋବାଇଲରେ ତୁରନ୍ତ ରେଳ ମଦଦ ଆପ କିମ୍ବା ରେଳ ମଦଦ ଓ୍ବେବସାଇଟରେ ଯାଇ ତାହାର ଅଭିଯୋଗ କରିପାରିବେ । ଏହି ଆପ୍ ଏବଂ ଓ୍ବେବସାଇଟରେ ଆପଣ କେବଳ ଚୋରି ନୁହଁ ବାଥରୁମ୍ ସଫା କିମ୍ବା କେହି ହଇରାଣର କୌଣସି ଘଟଣା ବିଷୟରେ ବି ଅଭିଯୋଗ କରିପାରିବେ । 

ଏହା ବ୍ୟତୀତ ଆପଣ ରେଲଓ୍ବେକୁ ଆହୁରି ଭଲ କରିବା ଲାଗି ନିଜର କୌଣସି ଉପାୟ ଦେବାକୁ ଚାହୁଁଛନ୍ତି ତ ଆପଣ ତାହା ବି କରିପାରିବେ । ରେଳ ମଦଦର ଅଫିସିଆଲ ଓ୍ବେବସାଇଟ  railmadad.indianrailways.gov.in/madad/final/home.jsp ଅଟେ , ଯେଉଁଥିରେ ଯାଇ ଆପଣ ନିଜ ଅଭିଯୋଗ କରିପାରିବେ ।