ନୂଆପଡା,୩।୧୨ : ୩୫୩ ନଂ ଜାତୀୟ ରାଜପଥ କୋମନା ଥାନା ଅଧୀନ ମାନିଗୁଡା ଛକ ପାଖରେ ଟ୍ରକ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଦମ୍ପତିଙ୍କ ମୃତ୍ୟୁ ଘଟିଛି। ମୃତକମାନେ ହେଲେ ଜୋଙ୍କ ଥାନା ଅଁଳାଯୁବା ଗ୍ରାମର ଜୟରାମ ମାଝୀ ଓ ତାଙ୍କ ସ୍ତ୍ରୀ।
ଜୋଙ୍କ ଥାନା ଅଁଳାଯୁବା ଗ୍ରାମର ଜୟରାମ ମାଝୀ ଓ ତାଙ୍କ ସ୍ତ୍ରୀ ଏକ ବାଇକ ଯୋଗେ ସମ୍ପର୍କୀୟ ଙ୍କ ଘରକୁ ଯାଉଥିଲେ। କୋମନା ଥାନା ଅଧୀନ ମାନିଗୁଡା ଛକ ପାଖରେ ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା। ଏଥିରେ ଘଟଣାସ୍ଥଳରେ ଜୟରାମଙ୍କ ମୃତ୍ୟୁ ଘଟିଥିଲା। ତାଙ୍କ ସ୍ତ୍ରୀ ଗୁରୁତର ହୋଇଥିଲେ। ଘଟଣା ସ୍ଥଳକୁ ତାରାବୋଡ଼ ପୋଲିସ ପହଞ୍ଚି ଉଦ୍ଧାର କରି ୧୦୮ ଆମ୍ବୁଲାନ ଯୋଗେ ନୂଆପଡା ହସ୍ପିଟାଲରେ ଗୁରୁତରଙ୍କୁ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା।