ଦୁବାଇ,୦୪/୦୩: ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରେ ଘରୋଇ ନ୍ୟୁଜିଲାଣ୍ଡ୍‌ର ଶୋଚନୀୟ ପରାଜୟ ପରେ ଟିମ୍‌ ଇଣ୍ଡିଆ ବିଶ୍ୱ ଟେଷ୍ଟ ଚାମ୍ପିଅନସିପ୍‌  (ଡବ୍ଲ୍ୟୁଟିସି) ପଏଣ୍ଟ ତାଲିକାର ଶୀର୍ଷ ସ୍ଥାନକୁ ଫେରିଛି । ଦଳର ବିଜୟ ପ୍ରତିଶତ ୬୪.୫୮ ରହିଛି । ଅନ୍ୟ  ପଟରେ ନ୍ୟୁଜିଲାଣ୍ଡ (୬୦.୦୦) ଦ୍ୱିତୀୟକୁ ଖସି ଯାଇଛି ।  ଅଷ୍ଟ୍ରେଲିଆ ତୃତୀୟ ସ୍ଥାନରେ ଥିବାବେଳେ ବିଜୟ  ପ୍ରତିଶତ ୫୯.୦୯ ରହିଛି । 

🔝 India move to No.1
⤵️ New Zealand slip to No.2
💪 Australia strengthen their position

The latest changes in the ICC World Test Championship 2023-25 standings 👉 https://t.co/ywb1uuBZ0K#WTC25 | #NZvAUS pic.twitter.com/NhtqrjNLcv

— ICC (@ICC) March 3, 2024

ସେହିପରି ବାଂଲାଦେଶ  (୫୦.୦୦) ଚତୁର୍ଥ, ପାକିସ୍ତାନ (୩୬.୦୦) ପଞ୍ଚମ,  ୱେଷ୍ଟଇଣ୍ଡିଜ୍‌ (୩୩.୩୩) ଷଷ୍ଠ, ଦକ୍ଷିଣ ଆଫ୍ରିକା  (୨୫.୦୦) ସପ୍ତମ, ଇଂଲଣ୍ଡ (୧୯.୪୪) ଅଷ୍ଟମ  ଏବଂ ଶ୍ରୀଲଙ୍କା (୦୦.୦୦) ନବମ ସ୍ଥାନରେ ରହିଛିୀ । ରୋହିତ ବାହିନୀ ଏବେ ଘରୋଇ ପରିବେଶରେ  ଇଂଲଣ୍ଡ ବିପକ୍ଷ ଟେଷ୍ଟ ସିରିଜ ଖେଳୁଛି । ଦଳ ୩-୧ରେ  ସିରିଜ କବ୍‌ଜା କରି ସାରିଛି ଏବଂ ଆଉ ଗୋଟିଏ ଟେଷ୍ଟ  ବାକି ରହିଛି । ଯଦି ଭାରତ ଅନ୍ତିମ ଟେଷ୍ଟରେ ବିଜୟୀ  ହୁଏ, ତେବେ ଡବ୍ଲ୍ୟୁଟିସି ତାଲିକାରେ ଶୀର୍ଷ ସ୍ଥାନ  ବଜାୟ ରଖିବ । 

ଚଳିତ ଡବ୍ଲ୍ୟୁଟିସି ଚକ୍ରରେ ଭାରତ  ଇତିମଧ୍ୟରେ ୮ଟି ଟେଷ୍ଟ ଖେଳିଥିବାବେଳେ ୫ଟିରେ  ବିଜୟ, ଗୋଟିଏ ଡ୍ର’ ଏବଂ ୨ଟିରେ ପରାଜିତ ହୋଇଛି । ଅଷ୍ଟ୍ରେଲିଆ ସର୍ବାଧିକ ୧୧ଟି ଟେଷ୍ଟ ଖେଳି ସାରିଛି ।