ନ୍ୟୁୟର୍କ,୦୭/୦୬: ବିଶ୍ୱକପ୍‌ର ବହୁ ପ୍ରତୀକ୍ଷିତ ଭାରତ- ପାକିସ୍ତାନ ମ୍ୟାଚ୍‌ ଆସନ୍ତା ୯ ତାରିଖରେ ଖେଳାଯିବ । ଏହି ମ୍ୟାଚ୍‌  ଦେଖିବା ପାଇଁ ଉଭୟ ଦେଶର ପ୍ରଶଂସକମାନେ ଉତ୍ସୁକତାର ସହ ଅପେକ୍ଷା କରି ରହିଛନ୍ତି । କେବଳ ଉଭୟ ଦେଶର ପ୍ରଶଂସକ ନୁହେଁ ବରଂ ବିଶ୍ୱସ୍ତରରେ ମ୍ୟାଚ୍‌କୁ  ନେଇ ଉତ୍ସାହ ବଢ଼ିବାରେ  ଲାଗିଛି । ଆୟର୍ଲାଣ୍ଡ  ବିପକ୍ଷରେ ସହଜ ବିଜୟ  ସହ ଭାରତ ବିଶ୍ୱକପ୍‌  ଅଭିଯାନ ଆରମ୍ଭ କରିଛି । ପାକିସ୍ତାନ ବିପକ୍ଷରେ ଦଳ  ଅନୁରୂପ ପ୍ରଦର୍ଶନ କରିବା  ସହ ବିଜୟ ଜାରି ରଖିବ  ବୋଲି ଟିମ୍‌ ଇଣ୍ଡିଆର ଉପଅଧିନାୟକ ହାର୍ଦ୍ଦିକ ପାଣ୍ଡ୍ୟା ଦୃଢ଼ୋକ୍ତି ଦେଇଛନ୍ତି । 

ପାଣ୍ଡ୍ୟା କହିଛନ୍ତି, ଆମର ବୋଲିଂ ବାହିନୀ ଅପେକ୍ଷାକୃତ  ଶକ୍ତିଶାଳୀ ରହିଛି । ଯଶପ୍ରୀତ ବୁମରା, ମହମ୍ମଦ ସିରାଜ ଏବଂ ଅର୍ଶଦୀପ ସିଂହଙ୍କ ପ୍ରଦର୍ଶନ ଉଚ୍ଚକୋଟୀର ରହିଛି ।  ଆମ ନିକଟରେ ବଡ଼ ମ୍ୟାଚ୍‌ ଖେଳିବାର ଅଭିଜ୍ଞତା ରହିଛି ।  ପାକିସ୍ତାନ ବିପକ୍ଷ ମ୍ୟାଚ୍‌ ପୂର୍ବଭଳି ଆହ୍ୱାନପୂର୍ଣ୍ଣ ହେବ । ଅଧିକ  ଚାପ ରହିବ । ପାକିସ୍ତାନକୁ ହରାଇବାକୁ ହେଲେ ଆମକୁ ସବୁ  ବିଭାଗରେ ଶୃଙ୍ଖଳିତ ପ୍ରଦର୍ଶନ କରିବାକୁ ପଡ଼ିବ । ପାକିସ୍ତାନକୁ  ହରାଇବା ଆମର ଲକ୍ଷ୍ୟ । ଯଦି ଆମେ ଏହି ମ୍ୟାଚ୍‌ ଜିତିବାରେ  ସଫଳ ହେଉ ନିଶ୍ଚିତ ଭାବେ ଆମ ପାଇଁ ଖୁସିର ବିଷୟ ହେବ।