ପ୍ରମୁଖ ଖବର
  • ଭୁବନେଶ୍ବର : ରାଜ୍ୟର ଉର୍ଦ୍ଦୁ ଶିକ୍ଷକଙ୍କ ମାସିକ ପାରିଶ୍ରମିକ ୭,୪୦୦ ରୁ ୧୫,୦୦୦ ଟଙ୍କାକୁ ବୃଦ୍ଧି
  • ||
  • ଭଦ୍ରକ : ସାଲାଇନ ନଦେବାରୁ ଫାର୍ମାସିଷ୍ଟଙ୍କୁ ନିସ୍ତୁକ ମାଡ଼, ଜଣେ ଅଟକ
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ଅମିନ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ଦ୍ୱାରାଶୁଣି ଘାଟିରେ ଖସିଲା ପିଆଜ ବୋଝଇ ଟ୍ରକ,ଅଳ୍ପକେ ବର୍ତ୍ତିଲେ ଡ୍ରାଇଭର
  • ||
  • କଟକ: ଶେଷ ହେଲା ଚଳିତ ବର୍ଷର ମାଟ୍ରିକ୍ ପରୀକ୍ଷା, ଏବେ ରେଜଲ୍ଟକୁ ଅପେକ୍ଷା
  • ||
  • ବିଜେପିରେ ମିଶିଲେ ପୂର୍ବତନ ବିଧାୟକ ନବୀନ, ଓ ଶତାଧିକ ବିଜେଡି ଓ କଂଗ୍ରେସ କର୍ମୀ
  • ||
  • କଟକ-ବାରବାଟୀ ନିର୍ବାଚନୀ ଅନିୟମିତତା ମାମଲା, ମହମ୍ମଦ ମୋକିମଙ୍କ ନିର୍ବାଚନକୁ ଅସିଦ୍ଧ ଘୋଷଣା କଲେ ହାଇକୋର୍ଟ
  • ||
  • ଯାନ୍ତ୍ରିକ ତ୍ରୁଟି ଯୋଗୁଁ ଚିଲିକାରେ ପୁଣି ଫସିଲା ଯାତ୍ରୀବାହୀ ଡଙ୍ଗା, ଦୀର୍ଘ ଏକଘଣ୍ଟା ପରେ ଉଦ୍ଧାର ହେଲେ ୩୦ ଯାତ୍ରୀ
  • ||
  • ମଙ୍ଗଳବାର ଓଡ଼ିଶା ଆସିବେ ପ୍ରଧାନମନ୍ତ୍ରୀ, ରାଜ୍ୟବାସୀଙ୍କୁ ଦେବେ ୧୯,୬୦୦ କୋଟିର ପ୍ରକଳ୍ପ ଭେଟି
  • ||
  • ପୁଲିସକୁ ଢେଲାମାରି ହତ୍ୟା ଉଦ୍ୟମ ଅଭିଯୋଗ: ଦୁର୍ଦ୍ଦାନ୍ତ ପାକା ଗିରଫ, ଭାଇ ଫେରାର
  • ||
  • ଆଜି ସରିବ ମାଟ୍ରିକ୍‌ ପରୀକ୍ଷା: ଭାଇରାଲ୍‌ ଓ ଲିକ୍‌ ଗୁଜବର ଘଟୁନି ଅନ୍ତ, କ୍ରାଇମ୍‌ବ୍ରାଞ୍ଚ୍‌ରେ ବୋର୍ଡ ଏତଲାର ଫଳ ଶୂନ୍ୟ
  • ||
  • WPL-2024: ଦିଲ୍ଲୀ କ୍ୟାପିଟାଲ୍ସର ଦମଦାର ପ୍ରଦର୍ଶନ, ଗୁଜରାଟକୁ ୨୫ରନ୍‌ରେ ହରାଇଲା
  • ||
  • କଳାହାଣ୍ଡିରେ ଇନ୍ଦ୍ରାବତୀ ଦକ୍ଷିଣ କେନାଲରେ ୨୦ ଫୁଟ୍‌ର ଘାଇ, ଦେପୁରରେ କୃତ୍ରିମ ବନ୍ୟା
  • ||
  • ରାଜ୍ୟରେ ବଦଳିବ ପାଣିପାଗ ମିଜାଜ: ଆଜିଠୁ କମିବ ତାତି, ୭ ଜିଲ୍ଲାରେ ବର୍ଷା ସମ୍ଭାବନା
  • ||

୨୦୨୪ରେ ସଫ୍ଟ ଲ୍ୟାଣ୍ଡିଂ କରିବ ବିଶ୍ୱ ଅର୍ଥନୀତି, ଦ୍ରୁତ ବିକାଶ ହାରରେ ବଢ଼ିବ ଭାରତ

ନୂଆଦିଲ୍ଲୀ, ୬।୧୨: ବର୍ଷ ୨୦୨୩ରେ ବିଶ୍ୱ ଅର୍ଥନୀତି ଅନେକ ଆହ୍ୱାନର ସାମ୍ନା କରିଛି । ଉଚ୍ଚ ସୁଧ ହାର ଏବଂ ମହାମାରୀ ପରବର୍ତ୍ତୀ ଅସ୍ଥିରତା ସତ୍ତେ୍ୱ ବିଶ୍ୱ ଅର୍ଥନୀତିରେ ସ୍ଥିରତା ବଜାୟ ରହିଛି  । ସନ୍ତୋଷଜନକ ଅଭିବୃଦ୍ଧି ହାସଲ କରିଛନ୍ତି ଆମେରିକା, ଚୀନ୍‌ ଏବଂ ଭାରତ  । ତଥାପି ରହିଛି ଅନିଶ୍ଚିତତାର ଛାୟା । ୨୦୨୩ ଶେଷ ହେବାକୁ ଯାଉଥିବାବେଳେ ୨୦୨୪ରେ ବିଶ୍ୱ ଅର୍ଥବ୍ୟବସ୍ଥା ସଫ୍ଟ ଲ୍ୟାଣ୍ଡିଂ କରିବା ନେଇ ଆକଳନ କରିଛନ୍ତି ବିଶେଷଜ୍ଞ । ଡିବିଏସ୍‌ ଇକୋନୋମିକ୍ସ ଆଉଟ୍‌ଲୁକ୍‌ ଏବଂ ମାର୍କେଟ ଷ୍ଟ୍ରାଟେଜି-୨୦୨୪ ଅନୁସାରେ, ୨୦୨୩ରେ ଉଚ୍ଚ ସୁଧ ହାର, ମହାମାରୀ ପରେ ବିଭିନ୍ନ ପ୍ରକାର ସଂଶୋଧନ, ଚୀନ୍‌ରେ ଲଗାତର ଲକ୍‌ଡାଉନ୍‌ ଆଦି କେତେକ ସମସ୍ୟା ହେତୁ ବିଶ୍ୱ ଅର୍ଥନୀତି ଚ୍ୟାଲେଞ୍ଜର ସାମ୍ନା କରିଥିଲା । କିନ୍ତୁ ୨୦୨୪ରେ ବିଶ୍ୱ ଅର୍ଥନୀତି ସଫ୍ଟ ଲ୍ୟାଣ୍ଡିଂ କରିବ । ଆମେରିକା ଏବଂ ୟୁରୋପରେ ମାନ୍ଦାବସ୍ଥା ହୋଇ ନ ପାରେ ବୋଲି ଅନୁମାନ କରାଯାଉଛି । 

ଚୀନ୍‌ରେ ପ୍ରପର୍ଟି ଏବଂ ଟେକ୍ନୋଲୋଜି କ୍ଷେତ୍ରରେ ସୁଧାର ଆଣିବା ପାଇଁ କାର୍ଯ୍ୟ ଚାଲିଛି । ଏହାଦ୍ୱାରା ବିତ୍ତୀୟ କ୍ଷେତ୍ରଗୁଡ଼ିକରେ ସ୍ଥିରତା ଆସିବା ନେଇ ଆଶା ରହିଛି । ଫଳରେ ବିଶ୍ୱ ଅର୍ଥନୀତି ୬୦% ସଫ୍ଟ ଲ୍ୟାଣ୍ଡିଂ କରିବ । ଏହି ସମୟରେ ଭାରତୀୟ ଅର୍ଥନୀତି ଦୃଢ଼ ଅଭିବୃଦ୍ଧି ସହ ଆଗକୁ ବଢ଼ିବ ।  ଡିବିଏସ୍‌ର ମୁଖ୍ୟ ଅର୍ଥନୀତିଜ୍ଞ ତାଇମୁର ବେଗ୍‌ ଏବଂ ବରିଷ୍ଠ ଅର୍ଥନୀତିଜ୍ଞ ରାଧିକା ରାଓଙ୍କୁ ନେଇ ପ୍ରସ୍ତୁତ ରିପୋର୍ଟରେ ଉଲ୍ଲେଖ କରାଯାଇଛି ଯେ, ବିଶ୍ୱ ବଜାରରେ ବିଭିନ୍ନ ପ୍ରକାର ଅସ୍ଥିରତାଗୁଡ଼ିକୁ ଦୃଢ଼ତାର ସହ ସାମ୍ନା କରିଆସିଛି ଭାରତ । ଦେଶର ବିନିର୍ମାଣ କାର୍ଯ୍ୟକଳାପ ତ୍ୱରାନ୍ୱିତ ହୋଇଛି । ଗ୍ରାମାଞ୍ଚଳ ଚାହିଦାକୁ ଅତିକ୍ରାନ୍ତ କରିଛି ସହରାଞ୍ଚଳ ଚାହିଦା । ନିବେଶ ଧାରା ଜାରି ରହିଛି । ଏଣୁ ୨୦୨୪ରେ ଭାରତ ଆକର୍ଷଣୀୟ ଅଭିବୃଦ୍ଧି ହାସଲ କରିବ, ଏଥିରେ ସନ୍ଦେହ ନାହିଁ । ଡିବିଏସ୍‌ର ପୂର୍ବାନୁମାନ ଅନୁସାରେ ୨୦୨୩-୨୪ ଆର୍ଥିକବର୍ଷରେ ଭାରତର ଅଭିବୃଦ୍ଧି ହାର ୬.୮% ରହିବ । ପୂର୍ବରୁ ଏହାର ଆକଳନ ଥିଲା ୬.୪% । ୨୦୨୪ ଏପ୍ରିଲ-ମେ’ରେ ଭାରତରେ ସାଧାରଣ ନିର୍ବାଚନ ହେବାକୁ ଯାଉଛି । କ୍ୟାମ୍ପେନିଂ ସମୟରେ ଚାହିଦାରେ ବଡ଼ ବୃଦ୍ଧି ଘଟିବା ଆଶା ରହିଛି । 

ବିବାହ ଋତୁରେ ବଢ଼ିଲା ସୁନାର ଚମକ: ୬୪ ହଜାର ପାର୍, ବର୍ଷକରେ ୬୭ ହଜାର ଛୁଇଁପାରେ

ସେହିଭଳି ନିର୍ବାଚନ ପରେ ୨୦୨୪-୨୫ ଆର୍ଥିକବର୍ଷର ଅନ୍ତରୀଣ ବଜେଟରେ ପୁଞ୍ଜି ବ୍ୟୟ ଉପରେ ସର୍ବାଧିକ ପ୍ରାଥମିକତା ଦେଇପାରନ୍ତି ନୂଆ ସରକାର । ଏହା ଅର୍ଥନୀତିରେ ବିକାଶ ହାର ସୁନିଶ୍ଚିତ କରିବ ବୋଲି ଡିବିଏସ୍‌ ରିପୋର୍ଟରେ ଆଶା ପ୍ରକାଶ ପାଇଛି । ଭାରତ ବିଶ୍ୱର ନୂଆ ବିନିର୍ମାଣ ହବ୍‌ ପାଲଟିବାକୁ ଯାଉଛି । ଚାଇନାକୁ ମାତ୍‌ ଦେବା ପାଇଁ ଭାରତ ସରକାର ନୂଆ ରଣନୀତି ଆପଣେଇ ବଡ଼ ବଡ଼ କମ୍ପାନିଙ୍କୁ ଆକର୍ଷିତ କରୁଛନ୍ତି । ଟେଲିକମ୍‌/ହ୍ୟାଣ୍ଡ୍‌ସେଟ୍‌ ଆସେମ୍ବ୍ଲି କ୍ଷେତ୍ରରେ ଭାରତର ଉପସ୍ଥିତି ବଢ଼ିଚାଲିଛି । କମ୍ପାନିଗୁଡ଼ିକ ପାଇଁ ଆର୍ଥିକ ପ୍ରୋତ୍ସାହନ, ସକ୍ରିୟ ଘରୋଇ କ୍ଷେତ୍ର ଏବଂ ଭିତ୍ତିଭୂମିରେ ନିବେଶ ବୃଦ୍ଧି ଯୋଗୁ ଭାରତରେ ବିକାଶ ପାଇଁ ଏକ ଅନୁକୂଳ ପରିବେଶ ତିଆରି ହୋଇଥିବା ରିପୋର୍ଟରେ ଉଲ୍ଲେଖ କରାଯାଇଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.