ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

IPL 2024: ସଂଧ୍ୟାରେ କୋଲକାତା -ଗୁଜରାଟ ଲଢ଼େଇ, ପ୍ଲେ-ଅଫ୍ ଲକ୍ଷ୍ୟରେ ଟାଇଟନ୍ସ

ଅହମ୍ମଦାବାଦ,୧୩/୦୫: ଆଇପିଏଲ୍‌ର ୬୩ତମ ଲିଗ୍‌ ମୁକାବିଲାରେ ଘରୋଇ ଗୁଜରାଟ ଟାଇଟନ୍ସ ଓ କୋଲକାତା ନାଇଟ  ରାଇଡର୍ସ (କେକେଆର) ସାମ୍ନାସାମ୍ନି ହେବେ। ପ୍ଲେ-ଅଫ୍‌ ଦୌଡ଼ରେ ରହିବାକୁ ହେଲେ ଟାଇଟନ୍ସ ପାଇଁ ଏହି ମ୍ୟାଚ୍‌ ଜିତିବା ଜରୁରୀ। ତେଣୁ ଦଳ ସୋମବାର ଆଉ ଏକ ଚମକପ୍ରଦ ବିଜୟ ଲାଗି ସବୁ ଶକ୍ତି ଖଟାଇବାକୁ  ପ୍ରସ୍ତୁତ ରହିଛି । ଅନ୍ୟ ପଟରେ ପ୍ଲେ-ଅଫ୍‌ରେ ସ୍ଥାନ ପକ୍କା କରି ସାରିଥିବା କେକେଆର ବିଜୟଧାରା ଜାରି ରଖିବା ଲକ୍ଷ୍ୟରେ ରହିଛି । 

ଉଭୟ ଦଳ ଚଳିତ ସିଜନରେ ପ୍ରଥମ ଥର ପରସ୍ପରକୁ ଭେଟିବାକୁ ଯାଉଛନ୍ତି । ତେଣୁ ମ୍ୟାଚ୍‌କୁ ନେଇ ପୂର୍ବାନୁମାନ କରିବା ସହଜ ହେବନି । କ୍ରମାନ୍ୱୟରେ ୩ଟି ମ୍ୟାଚ୍‌ ହାରିବା ପରେ ଟାଇଟନ୍ସ ଗତ ୧୦ତାରିଖରେ ସୁପରକିଙ୍ଗସକୁ ୩୫ରନ୍‌ରେ ହରାଇପରାଜୟଧାରା ଭାଙ୍ଗିଥିଲା । ଅଧିନାୟକ  ଶୁଭମନ ଗିଲ୍‌ ଓ ବି ସାଇ ସୁଦର୍ଶନ ଶତକୀୟ  ଇନିଂସ୍‌ ଖେଳି ଦଳ ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ ।ସୋମବାର ଘରୋଇ ଦର୍ଶକ ଉଭୟଙ୍କ  ବ୍ୟାଟରୁ ବଡ଼ ଇନିଂସ୍‌ ନେଇ ଆଶାବାଦୀ ରହିଛନ୍ତି । ମଧ୍ୟକ୍ରମ ବ୍ୟାଟର ଉପଯୋଗୀ ଇନିଂସ୍‌ ଖେଳିଲେ ଦଳ ବଡ଼ ସ୍କୋର କରିପାରିବ । ବୋଲିଂ ବିଭାଗର ପ୍ରଦର୍ଶନ ଭଲ ରହିଛି । ପେସ୍‌ ବୋଲର ମୋହିତ ଶର୍ମା,  ସନ୍ଦିପ ୱାରିୟର ଓ ରସିଦ ଖାନ୍‌ ପ୍ରଭାବୀ ପ୍ରଦର୍ଶନ  କରିଛନ୍ତି । ସୋମବାର କେକେଆର ବ୍ୟାଟର ଏବଂ ରସିଦଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିବ । 

କେକେଆର୍‌ ୯ଟି ମ୍ୟାଚ୍‌ ଜିତି ୧୮ପଏଣ୍ଟ  ସହ ପଏଣ୍ଟ ତାଲିକାରେ ଶୀର୍ଷ ସ୍ଥାନରେ ରହିଛି । ଦଳ ସବୁ ବିଭାଗରେ ଆଧିପତ୍ୟ ଜାରି ରଖିଛି । ସୋମବାର ଆଉ ଏକ ଅଲରାଉଣ୍ଡ୍‌ ପ୍ରଦର୍ଶନ  ବଳରେ ପ୍ରଥମ ୨ଟି ସ୍ଥାନ ପକ୍କା କରିବା ଲକ୍ଷ୍ୟରେ  ରହିବ । ପ୍ଲେ-ଅଫ୍‌ ସ୍ଥାନ ପକ୍କା ହୋଇସାରିଥିବାରୁ  ଦଳ ଫିଲ୍‌ ସଲ୍ଟକୁ ବିଶ୍ରାମ ଦେଇ ରହମନୁଲ୍ଲା  ଗୁରବାଜଙ୍କୁ ସୁଯୋଗ ଦେବା ସମ୍ଭାବନା ରହିଛି । 

ନରେନ୍ଦ୍ର ମୋଦି ଷ୍ଟାଡିୟମରେ ଅନୁଷ୍ଠିତ  ୬ଟି ମ୍ୟାଚ୍‌ରୁ ଦ୍ୱିତୀୟରେ ବ୍ୟାଟିଂ କରିଥିବା ଦଳ  ୪ଟିରେ ବିଜୟ ହାସଲ କରିଛନ୍ତି । ମାତ୍ର ଚେନ୍ନାଇ ସୁପରକିଙ୍ଗ୍‌ସ ବିପକ୍ଷ ଗତ ମ୍ୟାଚ୍‌ରେ ଟାଇଟନ୍ସ  ପ୍ରଥମେ ବ୍ୟାଟିଂ କରି ବିଜୟ ହାସଲ କରିଥିଲା । ଟସ୍‌  ବିଜୟୀ ଦଳ ଫିଲ୍ଡିଂ ନିଷ୍ପତ୍ତି ନେବା ଫଳପ୍ରଦ ହେବ ।

  • PrameyaOdia
  • prameya
  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.