ପ୍ରମୁଖ ଖବର
  • ନୀଳଗିରିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମାରାଥନ ପ୍ରଚାର
  • ||
  • ଚିଲିକାରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ପୁରୀ ଲୋକସଭା ପ୍ରାର୍ଥୀଙ୍କ ପାଇଁ ଭୋଟ୍ ଅପିଲ୍ କଲେ
  • ||
  • ଟିମ୍‌ ଇଣ୍ଡିଆ ମୁଖ୍ୟ କୋଚ୍‌ ରେସ୍, ମାହେଲା ଜୟବର୍ଦ୍ଧନେଙ୍କୁ ବିସିସିଆଇର ପ୍ରସ୍ତାବ
  • ||
  • ଜୁଲାଇ ୪ରେ ବ୍ରିଟେନରେ ସାଧାରଣ ନିର୍ବାଚନ, ଆସନ୍ତା ସପ୍ତାହରେ ଭଙ୍ଗ ହେବ ସଂସଦ
  • ||
  • ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ କାଉଣ୍ଟଡାଉନ୍ ଆରମ୍ଭ: ଗୁରୁବର ସନ୍ଧ୍ୟା ସରିବ ପ୍ରଚାର, ଶନିବାର ୫୮ ଆସନରେ ମତଦାନ
  • ||
  • କଣାସରେ ଘର ଭିତରକୁ ପଶିଗଲା ଟ୍ରାକ୍ଟର, ଦୁର୍ଘଟଣାରେ ଚାଲିଗଲା ଚାଳକଙ୍କ ଜୀବନ
  • ||
  • ମେ’ ୨୯ରେ ପୁଣି ଓଡ଼ିଶା ଆସିବେ ମୋଦି, ୨୬ରେଭଦ୍ରକରେ ଭୋଟ୍‌ ମାଗିବେ ରାହୁଲ, ବାଲେଶ୍ୱରକୁ ଖଡ୍‌ଗେ
  • ||
  • ରଥ ଖଳା ହାଲ୍‌ଚାଲ୍‌...ରଥ ଗୁଜରେ ନୃସିଂହ ମୁଖ ଅଙ୍କନ, ରୂପକାରଙ୍କ କାର୍ଯ୍ୟାରମ୍ଭ, ଅର ଅନୁକୂଳ କଲେ ବିଶ୍ୱକର୍ମା
  • ||
  • ସନ୍ଧ୍ୟାରେ ସରିବ ତୃତୀୟ ପର୍ଯ୍ୟାୟ ଭୋଟ୍‌ ପ୍ରଚାର, ଶନିବାର ୬ ଲୋକସଭା, ୪୨ ବିଧାନସଭାରେ ଭୋଟ୍‌
  • ||
  • ବଙ୍ଗୋପସାଗରରେ ଲଘୁଚାପ ସକ୍ରିୟ: ୨୪ ସୁଦ୍ଧା ଅବପାତ, ୨୫ରେ ଗଭୀର ଅବପାତ ସମ୍ଭାବନା, ଭଦ୍ରକ ଏବଂ ବାଲେଶ୍ୱରରେ ବର୍ଷିବ
  • ||

IPL 2024: ୱାଙ୍ଖଡ଼େରେ ମୁମ୍ବାଇକୁ ଭେଟିବ କୋଲକାତା, ୧୨ ବର୍ଷର ପରାଜୟଧାରା ଭାଙ୍ଗିବ ନାଇଟ ରାଇଡର୍ସ

ମୁମ୍ବାଇ,୦୩/୦୫: ଚଳିତ ଆଇପିଏଲର ୫୧ତମ  ଲିଗ୍‌ ମୁକାବିଲାରେ ଘରୋଇ ମୁମ୍ବାଇ ଇଣ୍ଡିଆନ୍ସ କୋଲକାତା ନାଇଟ ରାଇଡର୍ସକୁ ଭେଟିବ । ୧୦ଟି  ମ୍ୟାଚ୍‌ରୁ ମାତ୍ର ୬ ପଏଣ୍ଟ ହାସଲ କରିଥିବା ମୁମ୍ବାଇ ଇଣ୍ଡିଆନ୍ସ ପାଇଁ ଏହି ମ୍ୟାଚ୍‌ ଶେଷ ସୁଯୋଗ କହିଲେ ଭୁଲ ହେବ ନାହିଁ । ପ୍ଲେ-ଅଫ୍‌ରେ ପ୍ରବେଶ କରିବାକୁ  ହେଲେ ଅତି କମ୍‌ରେ ୧୪ ପଏଣ୍ଟର ଆବଶ୍ୟକ  ପଡ଼ିବ । ମୁମ୍ବାଇ ଇଣ୍ଡିଆନ୍ସ ଶେଷ ୪ଟି ଯାକ ଲିଗ୍‌ ମ୍ୟାଚ୍‌ ଜିତିଲେ ପ୍ଲେ-ଅଫ୍‌ରେ ପ୍ରବେଶ କରିପାରିବ ।  ସେହିପରି ନାଇଟ ରାଇଡର୍ସ ୱାଙ୍ଖଡ଼େରେ ଗତ ୧୨ ବର୍ଷ  ହେଲା ଜିତି ନାହିଁ । ଶୁକ୍ରବାର ଦୀର୍ଘ ଅପେକ୍ଷାରେ  ପୂର୍ଣ୍ଣଛେଦ ପକାଇବାକୁ ନାଇଟ ରାଇଡର୍ସ ଲକ୍ଷ୍ୟ ରଖିଛି । 

ଚଳିତ ସିଜନରେ ଉଭୟ ଦଳ ପ୍ରଥମ କରି ପରସ୍ପରକୁ ଭେଟିବାକୁ ଯାଉଛନ୍ତି । ନାଇଟ ରାଇଡର୍ସ ସମ୍ପ୍ରତି ପଏଣ୍ଟ ତାଲିକାର  ଦ୍ୱିତୀୟ ସ୍ଥାନରେ ରହିଛି । ଶୁକ୍ରବାର ବିଜୟ ସହ ପ୍ଲେ-ଅଫ୍‌ ଦ୍ୱାରରେ  ପହଞ୍ଚିବାକୁ ଦଳ ପ୍ରୟାସ କରିବ ।  

ନାଇଟ୍‌ ରାଇଡର୍ସ ୨୦୧୨ରେ ଶେଷ ଥର ପାଇଁ  ୱାଙ୍ଖଡ଼େରେ ବିଜୟ ହାସଲ କରିଥିଲା । ସୁନୀଲ  ନାରାଏନ୍‌ ୧୫ ରନ୍‌ରେ ୪ଟି ୱିକେଟ୍‌ ନେଇ ଦଳକୁ  ବିଜୟୀ କରାଇଥିଲେ । ଏହି ପ୍ରଦର୍ଶନ ପାଇଁ ସେ  ପ୍ଲେୟାର ଅଫ ଦ ମ୍ୟାଚ୍‌ ବିବେଚିତ ହୋଇଥିଲେ । ଏଥର ମଧ୍ୟ ନାରାଏନ୍‌ ପ୍ରତିପକ୍ଷଙ୍କ ପାଇଁ ଚିନ୍ତାର  କାରଣ ସାଜିଛନ୍ତି । ମାତ୍ର ବୋଲିଂ ଅପେକ୍ଷା ଓପନିଂ  ବ୍ୟାଟର ଭାବେ ସେ ଆତଙ୍କ ଖେଳାଇଛନ୍ତି । ରୋହିତ ଶର୍ମାଙ୍କ ବିପକ୍ଷରେ ମଧ୍ୟ ନାରାଏନଙ୍କ ପ୍ରଦର୍ଶନ ବେଶ୍‌  ଚମତ୍କାର ରହିଛି । ସେ ଆଇପିଏଲ୍‌ରେ ରୋହିତଙ୍କୁ  ୯ଥର ଆଉଟ୍‌ କରିସାରିଛନ୍ତି । 

ଶୁକ୍ରବାର ନାରାଏନଙ୍କ  ଅପେକ୍ଷା ରୋହିତ ଓ ମିଚେଲ ଷ୍ଟାର୍କଙ୍କ ମଧ୍ୟରେ  ଜୋରଦାର ଲଢେଇ ହେବା ଆଶା କରାଯାଉଛି । ରୋହିତ  ଏଥର ବାମ ହାତି ପେସ୍‌ ବୋଲରଙ୍କ  ବିପକ୍ଷରେ ୫ଥର ଆଉଟ୍‌ ହୋଇ ସାରିଛନ୍ତି । ଶୁକ୍ରବାର ମୁମ୍ବାଇ ଇଣ୍ଡିଆନ୍ସ  ଏକାଦଶରେ ପରିବର୍ତ୍ତନ କରିବା ସମ୍ଭାବନା  ନାହିଁ । ସୂର୍ଯ୍ୟକୁମାର ଯାଦବ ଓ ନୂଆନ  ତୁଷାରା ଇମ୍ପାକ୍ଟ ବଦଳ ଭାବେ ଖେଳିବେ । ନାଇଟ୍‌  ରାଇଡର୍ସ ଦଳରେ ପରିବର୍ତ୍ତନ ହେବ। ହର୍ଷିତ  ରାଣାଙ୍କ ସ୍ଥାନରେ ବୈଭବ ଆରୋରା ଖେଳିବା  ଏକ ପ୍ରକାର ନିଶ୍ଚିତ । ରୋହିତ ମଧ୍ୟ ଏକ ରେକର୍ଡ ନିକଟତର ହୋଇଛନ୍ତି । ସେ ଆଉ ୨୯ ରନ୍‌ କଲେ ଟି-ଟ୍ୱେଣ୍ଟିରେ ୧୨,୦୦୦ ରନ୍‌ ପୂରଣ କରିବେ ।  

ୱାଙ୍ଖଡ଼େ ଷ୍ଟାଡ଼ିୟମ୍‌ର ପିଚ୍‌ ବ୍ୟାଟିଂ ପାଇଁ ଅନୁକୂଳ। ମାତ୍ର ପ୍ରଥମାର୍ଦ୍ଧରେ ପେସ୍‌ ବୋଲର ଫାଇଦା ଉଠାଇ  ପାରିବେ । ସମୁଦ୍ର କୂଳରେ ଷ୍ଟାଡିୟମ୍‌ ରହିଥିବାରୁ ଅପରାହ୍ଣରେ ଏଠାରେ ନୂଆ ବଲ୍‌ ସୁଇଂ ହେବ । ତେଣୁ ଟସ୍‌ ବିଜୟୀ ଦଳ ଫିଲ୍ଡିଂ ନିଷ୍ପତ୍ତି ନେବା ନିଶ୍ଚିତ ।

ସମ୍ଭାବ୍ୟ ଏକାଦଶ

ମୁମ୍ବାଇ ଇଣ୍ଡିଆନ୍ସ:  ରୋହିତ ଶର୍ମା,  ଇଶାନ କିଷନ, ସୂର୍ଯ୍ୟକୁମାର ଯାଦବ, ତିଳକ ବର୍ମା,  ହାର୍ଦ୍ଦିକ ପାଣ୍ଡ୍ୟା(ଅଧିନାୟକ) ନେହାଲ ୱଧେରା,  ଟିମ ଡେଭିଡ୍‌, ମହମ୍ମଦ ନବି, ପିୟୂଷ ଚାୱଲା,  ଗେରାଲ୍ଡ କୋଏଜି, ଯଶପ୍ରୀତ ବୁମରା । (ଇମ୍ପାକ୍ଟ  ପ୍ଲେୟାର:ନୂଆନ ତୁଷାରା) । 

ନାଇଟ୍‌ ରାଇଡର୍ସ : ଫିଲ ସଲ୍ଟ,  ସୁନିଲ ନାରାଏନ, ଅଙ୍ଗକ୍ରିଶ ରଘୁବଂଶୀ, ଶ୍ରେୟାସ  ଆୟର(ଅଧିବନାୟକ),ଭେଙ୍କଟେଶ ଆୟର, ରିଙ୍କୁ ସିଂହ, ଆନ୍ଦ୍ରେ ରସେଲ, ରମଣଦୀପ ସିଂହ, ମିଚେଲ  ଷ୍ଟାର୍କ, ବରୁଣ ଚକ୍ରବର୍ତ୍ତୀ, ବୈଭବ ଆରୋରା ।  (ଇମ୍ପାକ୍ଟ ପ୍ଲେୟାର: ସୂୟାଶ ଶର୍ମା) ।

  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.