ଚୁରୁ,୨/୨ : ରାଜସ୍ଥାନର ଚୁରୁରେ ଆଇପିଏସ ଦେବେନ୍ଦ୍ର ଏବଂ ଆଇଏଏସ ଅପରାଜିତାଙ୍କ ବିବାହ ଚର୍ଚ୍ଚାରେ । ଖାସୌଲୀ ଗାଁର ଦୟାନନ୍ଦ ରୁୟଲଙ୍କ ପୁଅ ଦେବେନ୍ଦ୍ର ରୁୟଲ ଏବଂ ଭରତପୁରର ଡ.ଅମର ସିଂହ ସିନାସିନିବାରର ଆଇଏଏସ ଝିଅ ଅପରାଜିତାଙ୍କ ବିବାହ କେବଳ ୧ଟଙ୍କା ଏବଂ ନଡ଼ିଆ ନେଇ ହୋଇଛି । ଏହା ବ୍ୟତୀତ ଆଇପିଏସ ବର ଦେବେନ୍ଦ୍ର ନିଜ ନୂତନ ଆଇଏଏସ କନ୍ୟା ଅପରାଜିତାଙ୍କୁ ହେଲିକପ୍ଟରରେ ବିଦା କରି ନିଜ ଘରକୁ ନେଇଛନ୍ତି ।

ବିବାହ ଲାଗି ଖାସୌଲୀରେ ଲଗଜୁରୀ ଗାଡ଼ିର ଲମ୍ବା ଲାଇନ୍ ଭରତପୁରର ଏକ ହୋଟେଲରେ ବିବାହ ଗାର୍ଡେନ ଲାଗି ଛଡ଼ାଯାଇଥିଲା । ୩୧ଜାନୁଆରୀରେ ଏକ ହସ ଖୁସି ମାହୋଲରେ ଦୁଇ ଜଣ ଆଇପିଏସ ଏବଂ ଆଇଏଏସର ରିତୀନିତୀ ସହ ବିବାହ ସମ୍ପନ୍ନ ହୋଇଥିଲା ଏବଂ ସବୁ ଲୋକ ପୁଣି ଚୁରୁ ଲାଗି ଗାଡ଼ିରେ ବାହାରି ଯାଇଥିଲେ । ବର ଦେବେନ୍ଦ୍ର ଏବଂ କନ୍ୟା ଅପରାଜିତା ହେଲିକପ୍ଟରରେ ଖସୌଲୀ ପହଞ୍ଚିଥିଲେ ଯାହାଙ୍କୁ ଦେଖିବା ଲାଗି ଲୋକଙ୍କ ଭିଡ଼ ଦେଖିବାକୁ ମିଳିଥିଲା ।

ହେଲିକପ୍ଟରରେ ଆସିଥିବା କନ୍ୟାଙ୍କୁ ଦେଖିବା ଲାଗି ହଜାର ହଜାର ସଂଖ୍ୟାରେ ମହିଳା ଏବଂ ବନ୍ଧୁବାନ୍ଧବ ନିର୍ମାଣଧିନ ଅସ୍ଥାୟୀ ହେଲିପ୍ୟାଡ଼ରେ ଏକାଠି ହୋଇଥିଲେ । କନ୍ୟା ନେଇ ପହଞ୍ଚିଥିବା ବରର ସ୍ବାଗତ କରିବା ଲାଗି ରାଜସ୍ଥାନୀ ଲୋକଗୀତ ସହ ଢପ ଏବଂ ଚଙ୍ଗର ଏକ ଅଲଗା କାର୍ଯ୍ୟକ୍ରମ ରଖଯାଇଥିଲା । ହେଲିକପ୍ଟର ଆସିବା ପରେ ଅସ୍ଥାୟୀ ହେଲିପ୍ୟାଡ଼ରେ ସ୍ବାଗତ ଲାଗି କାରପେଟ ଲଗାଯାଇଥିଲା। ମହିଳାମାନେ ରାଜସ୍ଥାନୀ ଭାଷାରେ ବିବାହର ଗୀତ ଗାଉଥିଲେ । ପୁରା ଗାଁ ନିଜ ବର ଆଇପିଏସ ଏବଂ ଆଇଏଏସ ବୋହୁକୁ ସ୍ବାଗତ କରିବାକୁ ଅପେକ୍ଷା କରିଥିଲେ । 

ଉଭୟେ ଆଇପିଏସ ଓ ଆଇଏଏସ ଉତ୍ତରପ୍ରଦେଶରେ ପୋଷ୍ଟେଡ ଅଛନ୍ତି । କନ୍ୟା ଅପରାଜିତା ଡ.ଅମର ସିଂହ ସିନାସିନିବାର ଏବଂ ମା’ ଡ.ନୀତିନ ଉଭୟେ ଡକ୍ଟର ଅଟନ୍ତି ଏବଂ ଭରତପୁରରେ ରହିଥାନ୍ତି । ସେହିଭଳି ବର ଆଇପିଏସ ଦେବେନ୍ଦ୍ର ରୁୟଲଙ୍କ ବାପା ଦୟାନନ୍ଦ ରୁୟଲ ଏସଡିଏମ୍ ଅଟନ୍ତି ଏବଂ ମା’ ସୁମିତ୍ରା ଗୃହିଣୀ ଅଟନ୍ତି ।