ନୂଆଦିଲ୍ଲୀ: ରାଜସ୍ଥାନର ଜୟପୁର ଜିଲ୍ଲାର ଏକ ରାସାୟନିକ କାରଖାନାରେ ଭୀଷଣ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ପ୍ରାୟ ୫ ଜଣଙ୍କର ମୃତ୍ୟୁ ଖବର ରହିଛି । ଘଟଣାସ୍ଥଳରେ ଅନେକ ଅଗ୍ନିଶମ ବାହିନୀ ଗାଡି ନିୟୋଜିତ ରହିଛି । ଏଥି ସହିତ ଅନେକ ଲୋକ ଗମ୍ଭୀର ହେବାର ଖବର ମଧ୍ୟ ସାମ୍ନାକୁ ଆସିଛି। ସମସ୍ତ ଆହତଙ୍କୁ ଆମ୍ବୁଲାନ୍ସ ସାହାଯ୍ୟରେ ଡାକ୍ତରଖାନା ପଠାଯାଉଛି । 

ସୂଚନାନୁସାରେ, ଏହି ଘଟଣା ବାସି ପୋଲିସ ଷ୍ଟେସନ ଅଞ୍ଚଳର ବୈନାଡାର ଅଟେ। ଏଠାରେ ଥିବା ଏକ ରାସାୟନିକ କାରଖାନାରେ ସନ୍ଧ୍ୟା ପ୍ରାୟ ସାଢେ ୬ଟା ସମୟରେ ଏକ ବଡ଼ ଧରଣର ବିସ୍ଫୋରଣ ଶୁଣାଗଲା । ଏହା ପରେ କାରଖାନା ଭିତରୁ ଉଚ୍ଚ ନିଆଁ ବାହାରିବା ଆରମ୍ଭ ହେଲା । ଏଠାରେ କାର୍ଯ୍ୟ କରୁଥିବା ଲୋକମାନେ ନିଜ ଜୀବନ ରକ୍ଷା କରିବାକୁ ବାହାରକୁ ଦୌଡିଥିଲେ । 

କୁହାଯାଉଛି ଯେ କାରଖାନା ଭିତରେ ବଏଲର ଫାଟିଯିବା କାରଣରୁ ଏକ ବଡ଼ ଧରଣର ବିସ୍ଫୋରଣ ଘଟିଛି । ବିସ୍ଫୋରଣ ଓ ଅଗ୍ନିକାଣ୍ଡ ଯୋଗୁଁ କାରଖାନାରେ କାର୍ଯ୍ୟରତ ୫ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ଚାରିଜଣ ଶ୍ରମିକଙ୍କୁ ଗୁରୁତର ଅବସ୍ଥାରେ ନିଆଯାଇଛି । ବର୍ତ୍ତମାନ ଗୁରୁତର ଆହତ ଶ୍ରମିକ ମାନଙ୍କୁ ଏସଏମଏସ ହସ୍ପିଟାଲକୁ ପଠାଯାଇଛି ।