ପ୍ରମୁଖ ଖବର
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ରିଲିଜ୍ ହେଲା ‘ଜୋକର୍‌ ୨’ ଟ୍ରେଲର୍‌, ଜୋକ୍ୱିନ ଫୋନିକ୍ସଙ୍କ ଦମଦାର୍ ଆକ୍ସନରେ ଫ୍ୟାନ୍ସ ହେଲେ ଫିଦା

ନୂଆଦିଲ୍ଲୀ ୧୧/୦୪: ୨୦୧୯ରେ ମୁକ୍ତିପ୍ରାପ୍ତ ହଲିଉଡ୍‌ ଫିଲ୍ମ ‘ଜୋକର୍‌’ର ୨ୟ ଭାଗର ପ୍ରଥମ ଟ୍ରେଲର୍‌ ରିଲିଜ୍‌ ହୋଇଛି । ଓସ୍କାର ବିଜେତା ଜୋକ୍ୱିନ ଫୋନିକ୍ସଙ୍କ ଏହି ଫିଲ୍ମରେ ପ୍ରସିଦ୍ଧ ଆମେରିକୀୟ ଗାୟିକା ଲେଡି ଗାଗା ଏଣ୍ଟ୍ରି କରିଛନ୍ତି । ମୂଳ ଫିଲ୍ମ ଭଳି ୨ୟ ଭାଗରେ ଫୋନିକ୍ସ ଜୋକର୍‌ ଭୂମିକା ପ୍ଲେ କରିବେ । ଲେଡି ଗାଗା ଫୋନିକ୍ସଙ୍କ ପାର୍ଟନର୍‌ ହାର୍ଲେ କ୍ୱିନ୍‌ ଭୂମିକାରେ ନଜର ଆସିବେ । ଆସନ୍ତା ଅକ୍ଟୋବର ୪ ତାରିଖରେ ଆମେରିକା ଓ ଭାରତରେ ଏହା ମୁକ୍ତିଲାଭ କରିବ । ଭାରତରେ ଏହା ହିନ୍ଦୀ, ଇଂରାଜୀ, ତାମିଲ ଓ ତେଲୁଗୁ ଭାଷାରେ ରିଲିଜ୍‌ ହେବ । 

୨ ମିନିଟ୍‌ ୩୦ ସେକେଣ୍ଡ୍‌ର ଏହି ଟ୍ରେଲର୍‌ ଆରମ୍ଭ ହୋଇଛି ଜେଲରେ ବନ୍ଦୀ ଥିବା ଜୋକର୍‌ ଓରଫ ଫୋନିକ୍ସଙ୍କଠୁ । ପୁଲିସ ତାଙ୍କୁ ଶୋ’ ପାଇଁ ନେବା ସମୟରେ ହାର୍ଲେ ସହ ତାଙ୍କର ଭେଟ ହୋଇଛି । ହାର୍ଲେ ଜୋକର୍‌ଙ୍କୁ କହିଛନ୍ତି, ଚାଲ ଆମେ ପଳାଇବା । ଏହା ପରେ ଦୁହେଁ ମିଶି ଏକ ମ୍ୟୁଜିକାଲ ଶୋ’ କରିଛନ୍ତି । ଟ୍ରେଲର୍‌ ଶେଷରେ ଜୋକର୍‌ କହିଛନ୍ତି, ଏବେ ସେ ଏକୁଟିଆ ନୁହନ୍ତି ।

‘ଜୋକର-୨’ ଟାଇଟଲ୍‌ରେ ଫ୍ରେଞ୍ଚ୍‌ ଶବ୍ଦ ‘ଫୋଲି ଏ ଡିଉକ୍ସ’ ପ୍ରୟୋଗ ହୋଇଛି । ଏହାର ଅର୍ଥ ଦୁଇ ଘନିଷ୍ଠ ବ୍ୟକ୍ତିଙ୍କର ମତିଭ୍ରମ । ଏଥିରୁ ସ୍ପଷ୍ଟ ହୁଏ ଯେ ଫିଲ୍ମରେ ଏ ଥର ଜୋକର୍‌ ଓ ହାର୍ଲେଙ୍କ ପାଗଳାମି ଦେଖିବାକୁ ମିଳିବ । ଗାଗାଙ୍କ ଏଣ୍ଟ୍ରି ପରେ ଫିଲ୍ମର ୨ୟ ଭାଗକୁ ମ୍ୟୁଜିକାଲ ଟଚ୍‌ ଦିଆଯାଇଛି । ‘ଜୋକର୍‌’ର ପ୍ରଥମ ଭାଗ ପାଇଁ ଫୋନିକ୍ସଙ୍କୁ ଶ୍ରେଷ୍ଠ ଅଭିନେତା ଭାବେ ଅସ୍କାର ପୁରସ୍କାର ମିଳିଥିଲା । ୧୧ ବିଭାଗରେ ନୋମିନେଟ୍‌ ହୋଇଥିବା ଏହି ଫିଲ୍ମ ଦୁଇଟି ବିଭାଗରେ ଅସ୍କାର ହାସଲ କରିଥିଲା ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.